《我用廣東話征服世界》第一季 已完結: 第六十三篇 嚇到鳩暈咗
鳩坐上車就跟著禮行出發，途中鳩一直色迷迷咁望住禮行PatPat，
巨龍又蠢蠢欲動，就索性攬住禮行條腰不知不覺就瞓著咗。
「喂～到啦～」禮行拍一拍鳩手臂。
「嗯⋯⋯」鳩迷迷糊糊張開眼睛，然後捽一捽眼望出去周圍。
「！！！」鳩嚇到眼都大埋，依個地方荒僻清靜，一個個墓碑整齊地排列。
令人毛骨悚然有種倩女幽魂嘅感覺。
忽然一陣寒風掠過，鳩打咗個冷陣，慌失失咁問：「夜麻麻嚟墓場啊⋯？」
禮行見鳩個樣咁驚就順勢講：「你知唔知呢，依到夜晚好鬧鬼架？」
「吓⋯？唔係掛⋯⋯」鳩坐係架電單車死都唔敢落車。
禮行見鳩驚到咁就笑咗出嚟：「哈哈～講笑咋，落車啦～」
「去邊啊⋯？」鳩問。
「嚟得依到緊係掃墓啦～」禮行放低個頭盔就行。
「喔？探邊個啊？」鳩好奇問。
禮行撥一撥頭髮：「探媽咪啊～」
鳩記得禮行講過佢屋企人幾年前意外過咗身，後來俾副首領帶咗去明宴會。
「喔⋯⋯」鳩點點頭就跟住禮行入去。
鳩咁大個人從來都無去過墳場，連啊爸啊媽係點死都唔知。
每次問啊哥，啊哥都只會笑笑口輕輕帶過。「咦～又嚟探屋企人啊？」墓地門口有個推住車嘅啊婆問。
「係啊～明嬸～」禮行攞出鳩嘅銀包：「要摘花啊唔該⋯」
個啊婆摘花出嚟笑說：「男朋友仔啊？」
禮行尷尬說：「係啊⋯⋯」然後打開鳩嘅銀包：「咦⋯得一張五百蚊紙咋喎⋯⋯」
「嗱～唔洗找啦。明嬸今日早啲休息啦～」禮行果斷咁用晒鳩啲錢。
鳩企係隔離呆鈍地睜大雙眼，望住自己啲錢一口氣無晒，淚水湧上心頭。
「多謝～多謝～啊妹真係有心～」明嬸接過啲錢就推著車走左。
鳩望住佢嘅背影五味交雜，兩個人身上都無晒錢⋯
「俾返你啦～」禮行俾返個銀包鳩。
鳩傷心欲絕咁攞返個銀包，然後就跟住禮行入去。依到啲燈光有啲微弱，燈柱一閃一閃，似乎已經好耐無人嚟過維修。
鳩捉住手臂禮行一步步行入墳墓，兩行墓碑上故人的黑白照片彷彿在微笑歡迎佢地。
但總覺得笑容裏很詭異，鳩的汗珠從下巴滴到地上。
鳩搖著禮行的手問：「禮行～我地到未啊⋯我好驚啊⋯⋯」
禮行反了個白眼：「你唔好生人唔生膽啦⋯！就到架啦⋯⋯」
忽然一陣怪風吹過，一片形狀詭異的枯葉隨風貼著鳩的脖子。
鳩伸手拎走片枯葉，那觸感很奇怪⋯不像葉子⋯⋯而是像紙張⋯⋯
鳩不解地望去他手上拿著的，正是一張寫上冥通銀行的陰司紙。
「吖！！！救命啊！！！」鳩嚇唬大叫。
禮行俾佢嚇親就問：「咩事啊你⋯無端端嗌乜啊⋯⋯」
鳩眼淚都湧出來：「有⋯有張⋯陰司紙⋯吹咗去我到⋯⋯」
禮行見鳩面青青眼淚都標埋就攬住鳩安慰佢：「無事⋯無事⋯我係到嘛⋯⋯」
鳩攬住禮行心安靜下來，只係陰司紙，墳場有陰司紙好正常。
「嗚⋯嗚⋯⋯嗚⋯」
禮行安慰鳩：「你唔好喊啦⋯好小事咋嘛⋯⋯」
鳩同樣聽到慘烈的哭泣聲說：「唔⋯唔係我喊喎⋯⋯⋯」
禮行掙大眼睛驚愕：「咁⋯⋯邊個喊啊？」
鳩同禮行同時擰頭望向哭聲來源，是一個黑墓碑傳出。
雜草披滿墓碑上，大概很久沒有人打理過。
「嗚⋯嗚⋯⋯」哭聲依然未停。
鳩心捉緊禮行行近瞧一眼，黑墓碑上面有個慈祥的老婆婆微笑著的黑白相片。
但燈光有點暗，實在看不清那老人的樣貌。
鳩打開電話的電筒，微微照向墓碑⋯⋯
鳩看了數眼總感覺有點面熟，而禮行就驚呆了。
那相中的老人正是明嬸。「啊～！！！」禮行嚇得攬住鳩大叫，柔軟嘅奶子壓住鳩胸腔。
鳩俾禮行對波撞一撞就，冒死地問：「邊⋯邊個係到喊啊⋯？」
鳩手上嘅燈光忽然閃一閃，一個黑影從墓碑後彈起身，手上仲攞住一疊陰司紙。
「呀！！！」鳩嚇到當場魂飛魄散，暈咗係禮行身上。
禮行用力搖醒鳩：「鳩～你做乜嘢啊？」
黑影打開電筒照向佢地兩個然後說：「咦？禮行啊係咪？」
禮行聽到把聲心諗咁熟嘅，就望過去睇吓邊個係到裝神弄鬼。
喔！？
禮行驚喜問：「天叔！？原來係你啊！？」
天叔抹一抹眼淚關心問：「唔好意思啊，我探老婆一時感觸，有無嚇親你地啊？」
禮行驚青說：「無事啊⋯⋯」然後指一指個黑墓碑問：「你知唔知⋯點解明嬸個墓係到嘅⋯？」
天叔皺起眉頭探頭去瞧一眼個墓：「喔～依個係明嬸雙胞胎姐姐嚟架。」
禮行愕然：「吓⋯！？」
天叔笑一笑說：「嗰個係你男朋友啊？」
禮行攬住鳩尷尬地點頭：「係啊⋯佢嚇暈咗⋯⋯」
天叔行到佢地隔離，係袋口攞咗支藥油出嚟。
「俾佢索下啦～應該好快醒架啦～」天叔笑說。
禮行接起藥油放到鳩鼻前搖一搖，果不其然鳩馬上就醒咗。
「呀！！！禮行我地快啲走啦！依到有鬼啊！」鳩攬住禮行大嗌。
禮行反咗個白眼說：「無鬼啊～天叔嚟架。」
「天叔？乜水啊⋯？」鳩感覺莫名其妙。
天叔R一R頭問：「你唔知明宴會架咩？」
鳩瞧一眼天叔，只係老頭子一個，但係頭先就係俾依個老頭嚇暈咗，
所以就想嚇返佢，鳩串串共地說：「哈～點會唔知啊？！我加入明宴會十幾年，殺人無數，明宴會入面個個都叫我做暴走雙刀！啊伯你夜麻麻係到嚇人又係乜水啊？」
天叔：「你就係大名鼎鼎嘅暴走雙刀？真係久仰大名。」
鳩頓時傻呆心諗：「我亂噏架咋喎⋯⋯乜真係有依個人架咩⋯⋯？」
禮行攬住鳩笑到停唔到，天叔又接著說：「我係明宴會嘅副首領。」
鳩反咗個白眼：「頂⋯你唔早講⋯⋯」
禮行拍一拍鳩：「喂⋯唔好無禮貌啊～」
原來當年就係天叔帶禮行加入明宴會。