《我用廣東話征服世界》第一季 已完結: 第五十七篇 真令人作嘔

放學嘅時候童童咩起書包就急急腳走，鳩連忙跟上去。

因為有情敵嘅關係，鳩要加把勁追返童童。

「童童，不如我送你返屋企啊？」鳩緊張咁問。

「唔好啦⋯⋯我地分咗手啦⋯⋯」童童低著頭細細聲講，佢咁講唔係想傷害鳩，而係想提醒自己已經唔係佢女朋友。

「好啦⋯咁你小心啲啦⋯⋯」鳩勉強地揚起嘴角，然後就走了。



童童想起以前鳩送佢返屋企，然後自己無帶鎖匙嘅事，嗰時同鳩住嗰兩日真係好幸福。

「算啦⋯都完左啦⋯⋯」童童安慰著自己，不過其實對鳩還念念不忘。

「喂～你返屋企啊？」正好路過嘅撚樣啊豪問。

「嗯⋯⋯」

「我都順路喎！不如一齊返去啊！」啊豪契弟講。



「吓！？」

「行啦～」啊豪一手拉著童童就走。童童都嚟唔切反應就跟埋走咗。

啊豪一路行，一路就聊童童傾偈，童童覺得佢有啲煩，所以只係hea 下佢就算⋯⋯

「係啦，嗰個上官鳩你地好熟架？」啊豪問。

「唔熟⋯⋯⋯」童童冷冷地說。



「佢啊，成日唔交齊功課，成績又差，遲啲一定做唔到言靈師。」啊豪笑說。

「咁關你咩事⋯⋯⋯」童童細細聲講，啊豪皺起眉頭又話。

「我就係睇佢唔順眼，都唔明⋯點解佢依種人會有咁多女仔鍾意佢。」啊豪妒忌說。

「吓⋯乜有好多女仔鍾意鳩架咩⋯⋯？」童童疑惑問。

「係啊⋯⋯之前隔離班啲女仔整咗個學校十大最鍾意嘅男仔嘅排行榜⋯⋯鳩排咗係第四位⋯」

「原來係咁⋯⋯」鳩其實對人都幾好嘅，只係花心仔啫⋯⋯

「不過我都排第十名架！係咪估唔到呢～識揀一定揀我，又會讀書又對女仔好！」啊豪係到自吹自擂。

「嘔⋯⋯⋯」童童忍唔住想嘔。



「嘩～你洗唔洗嘔啊～我講吓啫～」啊豪笑說，但童童依然作嘔緊⋯

「原來你真係想嘔架⋯你點啊，無事啊嘛⋯⋯？」啊豪嚇咗一跳緊張咁講。

「嗯⋯⋯⋯」童童揞住嘴扮作無事地說：「應該凍親啫⋯最近間唔時都係咁⋯⋯」

「咁你要休息多啲啦，記得去睇醫生呀！」啊豪關心說。

「嗯⋯⋯」童童本來都打算放學就去睇醫生。








「嗱，童童，你可能係有咗BB。」醫生講：「我建議你去買支驗孕棒驗下，咁藥我就無辦法開俾你啦。」

童童驚愕不已：「有咗⋯BB⋯？」

醫生說：「只係初步估計，始終都係要驗完先知嘅。」

「點解會咁架⋯⋯」童童聽到依個消息，心情沉重到不得了。

離開醫院嘅每一步，都是不安，童童唔知道以後嘅路應該點行落去好。

十九歲未婚媽媽⋯⋯俾媽咪知道一定鬧死我⋯⋯

而童童依個時候最需要嘅人唔係身邊，佢又去到醫院嘅後樓梯。



坐在一邊放聲大哭，童童除咗喊之外唔知應該點做⋯

話說上次遊內射咗茉里奈之後，茉里奈就間唔時會嚟醫院買避孕藥食。

今日正好嚟到醫院買藥，就係後樓梯聽到啲喊聲。

茉里奈八卦咁入去睇吓發生咩事，見到一個熟悉嘅女仔就行去拍拍佢膊頭。

「童童！？你做乜坐喺到喊啊！？」茉里奈嚇一跳問。

「嗚⋯⋯⋯我點算好啊⋯⋯嗚⋯⋯」童童喊到似個嬰兒。

茉里奈都唔知咩事，攬住童童說：「唔好喊啦⋯⋯我請你食甜品啦⋯⋯」

「哼哼⋯⋯唔食得啦⋯⋯以後都唔食得啦⋯⋯」童童攬住茉里奈喊得更大聲。



茉里奈驚愕說：「童童⋯⋯你有絕症？」

「嗚嗚⋯⋯我有咗BB⋯⋯嗚⋯嗚⋯⋯」童童哭訴。

「喔～原來唔係絕症～」茉里奈鬆一口氣，然後諗深一層嚇到眼都大埋：「吓！？上官鳩搞大咗你！？」

童童掛住喊都無再講落去，茉里奈就呆若木雞坐喺到。

「佢有咗⋯⋯鳩要做爸爸，但係佢地依家先咁細個，點養個BB啊⋯⋯」茉里奈都擔心起上嚟。