《我用廣東話征服世界》第一季 已完結: 第五十四篇 初嘗失戀

鳩被光脫脫綁到床上動彈不得，惶懼不安：「唔係你諗咁架⋯⋯」
童童終於忍唔住攬住林海欣喊咗出嚟：「嗚⋯⋯呃人⋯！大話精⋯！」
林海欣安慰著童童：「你係咪仲要講大話啊！？上官鳩！！！」
鳩驚到流晒汗，深深吸一口氣講：「對⋯對唔住⋯⋯我仲有一個女朋友⋯⋯」
童童傷心得嚎啕大哭：「哼哼⋯⋯衰人⋯！衰人衰人衰人衰人⋯！」
鳩見到童童喊得小朋友一樣，心難受得很。
童童喊住講：「嗚⋯你搞完欣欣⋯！依家又搞其他女人⋯！」
林海欣盯住鳩：「嗰個女人邊個嚟架？」
鳩知道唔可以再隱瞞，所以就一五一十咁講晒出嚟。
由俾人踢入明宴會直到認識禮行同林海欣，全部講晒出嚟。



林海欣都嚇咗一跳，原來自己係第三個女朋友。
而童童就崩潰地坐係地上不停哭泣，被鳩呃左咁耐，自己居然仲咁愛依個男人。
鳩對住童童懺悔地說：「童童，我唔係有心呃你架，我驚傷害你先唔敢講咋⋯」
童童崩潰大喊：「咁你依家咪傷害咗囉⋯！嗚⋯你真係對得我住啦⋯枉我仲咁愛你⋯⋯」
「童童⋯⋯」
「分手啦！」童童說完然後就喊著跑走咗，
童童唔係接受唔到其他女人，而係接受唔到鳩居然呃咗佢咁耐都唔坦白。「童童！童童！！！」鳩掙扎着繩子激動大喊。
「啪！！！」用力嘅閂門聲傳來，童童已經走咗啦。
鳩空虛地望住天花板，一時三刻仲未接受到童童最後講嘅三個字。


林海欣一巴摑落去「啪！」「仆街仔⋯⋯⋯」
依一巴好大力好痛，但係都唔夠童童嘅心痛。
鳩失落地苦笑：「嗯⋯⋯我⋯真係好仆街⋯⋯⋯」眼淚慢慢從眼框流出來。

林海欣反咗個白眼：「第一日識你我就知你係仆街仔啦⋯⋯」
然後割開鳩嘅繩索：「去追返童童啦⋯⋯」
林海欣解開佢繩之後就去咗沖涼，佢都要冷靜下。

鳩著返衫就衝左出去搵童童，而童童沿途一直跑一直喊。
連路人見到個咁可愛嘅女仔哭成咁樣都好擔心。



童童跑咗一段路終於無氣再跑，所以就去咗間便利店門口休息，但眼淚依然不停流落嚟。
依個時候童媽啱啱買完餸行過，童媽嚇咗一跳擔心到不得了：「乖囡⋯你做乜係到喊啊⋯⋯」
童童見到媽咪就攬住佢喊得更大聲，童媽拍拍童童背脊：「乖囡⋯媽咪係到⋯無事架⋯⋯」
童童喊得淒涼：「媽咪～」童媽都大概估到發生咩事，所以就無過問。
童媽溫柔說：「無事無事～返去啦我地～」
「嗯⋯」童童哭著點頭。

童童一路行一路好似個小朋友咁拖住媽咪，童媽擔心到不得了。
到底邊個衰仔搞到我個女喊成咁⋯⋯⋯
童童止住眼淚細細聲講：「多謝你啊媽咪⋯⋯」
童媽：「傻女嚟嘅～有咩事媽咪都會幫你架嘛！」
兩母女一路傾心事一路行到返屋企。

童媽拖住童童返到屋企樓下，見到有個男仔企係到。


嗰個男仔見到童童就沖左埋嚟。
「對唔住啊童童！我唔會再呃你架啦！」個男仔講。
童媽大聲怒斥：「就係你個衰仔啊！？搞到我個女喊成咁！！！吓！？你仲有面過嚟搵我個女！？」
童童唔想再見到鳩，所以躲係媽咪身邊低著頭一言不發。
鳩緊張起來：「對唔住啊！求下你原諒我啦！」
童媽怒斥：「走啦你個衰仔！我個女唔想再見到你啊！」然後就拖住童童返咗屋企。

鳩望住童童嘅背影失落得坐係地下痛恨自己。「叮！」鳩手機響起，係林海欣嘅訊息。
「童童點？」林海欣。
「唔肯理我⋯」鳩。
「我都唔想理你，今晚你去禮行到啦⋯⋯」林海欣。
「對唔住」鳩。
「得啦⋯⋯」林海欣。

鳩係條街到行嚟行去，非常失落。


知唔到一瞓醒就咁多嘢唔同晒，行下行下就行咗去明宴會。
鳩返到去黑房坐咗係到，雖然有三條死屍係到，不過都無妨。
鳩依家只係想搵個地方自閉下。

鳩一直坐喺黑房自閉到天黑，終於頂唔順啲屍臭味⋯所以就開始執屍。
鳩搵咗兩個大布袋就塞咗三條屍入去，順手割埋閏女條脷。
途中鳩仲嘔咗幾次，因為啲屍體開始出水，臭到仆街。
鳩拎起一架手推車同個鐵鏟就出發去埋屍，死沉沉咁推住架車去到後山嘅隱蔽位置。
鳩一路鏟走啲泥，一路諗點追返童童。