《我用廣東話征服世界》第一季 已完結: 第四十一篇 言靈香水

鳩溫柔地幫林海欣吹頭，天慢慢光起來，快到清晨時分。
林海欣：「鳩～你一間有咩做啊？」
鳩：「返學囉～」
林海欣嬌嗲地說：「唔好返啦～陪我一日啊！」
鳩猶豫左陣：「吾⋯⋯都得嘅⋯咁我請病假啦。」
林海欣幸福地笑著：「咁我地去街啊！」
鳩微笑著：「嗯！」
鳩執乾淨間房就抱住林海欣入睡，睡醒才去街。

另一方面明宴會有啲騷動，一個年約四十多嘅男人對一眾手下對話。


首領：「點啊，嗰個女人依家係邊啊？」
手下：「仲未搵到⋯⋯」
首領怒斥：「仲未搵到！？」
手下：「真係好對唔住⋯」
首領：「算啦⋯估唔到連禮行都會失手⋯」
四眼仔：「你地講緊嗰個女人邊個啊？」
首領無視四眼仔繼續講：「下次搵到佢，一定唔可以再失手！佢知道我地太多嘢啦！」
四眼仔：「你地係咪講緊林海欣啊！？吓？佢依家係邊啊！？」
首領無奈地反咗下白眼：「衰仔⋯你清醒啲啦⋯男人要為大局為重，你明唔明白啊？」
四眼仔激動地講：「唔得啊！唔可以殺佢啊，求下你地啦⋯⋯」


首領：「你之前為咗佢做咗啲乜你好清楚啦⋯⋯佢眼尾都無理過你啊傻仔！」
四眼仔：「我唔想聽啊！」講完就激動地走咗。
首領唉唉聲問：「係啦⋯嗰個上官鳩加入無耐表現點啊？」
手下：「無咩特別。係呢首領⋯點解會搵佢加入明宴會嘅？」
首領笑了一笑：「哈哈～佢有佢嘅價值⋯」
手下皺起眉頭不明所意，
首領：「算啦⋯總之你地盡快同我搵嗰個女人出嚟，然後殺死。」
手下們：「遵命。」鳩迷糊地醒過來，而林海欣瞓係旁邊玩緊手機。
「鍊成！！！」「哈哈哈～」林海欣對住手機笑起來。
鳩好奇問：「咦⋯你睇緊咩啊？」


林海欣嚇得即刻收埋手機：「咦～你醒啦⋯⋯」
鳩攬住林海欣：「嗯～～～真係可疑啊你⋯收埋啲咩嘢？」
林海欣：「嘻嘻⋯無啊⋯⋯」
鳩咪起眼睛瞄著林海欣，林海欣好似一隻小貓一樣抱著電話不放。
鳩伸手到她腰的兩旁「吱吱吱～～」林海欣癢得大笑起來。
鳩趁機奪去手機，林海欣嬌嗲地說：「喂吖⋯唔準睇啊～」
原來手機裏便有好多偷影鳩瞓覺嘅相，又有晚上鳩在看電視偷拍嘅片。
鳩笑著問：「做乜偷影我瞓覺啊～」
林海欣怕羞地說：「咁⋯我唔知會唔會有日再見唔到你嘛⋯⋯」
鳩攬住林海欣：「點會啫⋯⋯」
林海欣暗然地說：「但係我隨時可能要離開你⋯」
鳩嚇親：「點解嘅？你唔鍾意我？」
林海欣擔憂地說：「明宴會追殺緊我⋯佢地一定會再嚟搵我⋯」
鳩恍然大悟：「咁我地唔好出去啦⋯⋯你留係到啦⋯⋯」
林海欣拍一拍鳩微笑著說：「我會連累埋你架⋯陪我出去玩一日啦⋯⋯」


鳩：「咁之後呢⋯你要走？」
林海欣沉默了⋯鳩心情頓時跌到谷底。鳩突然醒起林海欣講人腦香水可以強化言靈。
鳩驚問：「你咪話廣東話言靈可能可以將夢境變現實嘅⋯如果我地真係得咗，咁你咪唔洗逃走囉！？」
林海欣皺起眉頭：「係就係⋯不過我試咗好多次都失敗⋯」
鳩：「如果我得呢⋯」
林海欣見鳩仲未死心就係手袋攞咗支香水出嚟。
林海欣：「嗱⋯你試吓啦⋯⋯」
鳩攞起支香水望一望，平平無奇透明一支嘢⋯⋯
鳩噴左兩下上身，味道很香甜⋯令人很難想像是人腦造的香水。
林海欣：「你覺得點啊？」
鳩：「幾香喎⋯⋯」
林海欣反咗下白眼：「唔係問你香唔香啊⋯死蠢！」
鳩突然感覺心口一股暖流湧出來就激動地說：「我好似有啲胃酸倒流啊⋯」
林海欣反多次白眼：「屌你！」
鳩笑了一笑但感覺自己言靈同精神力好似無咩變化。


林海欣：「咁你宜家試吓用言靈啦⋯⋯」
鳩望一望林海欣然後集中精神力大聲說：「你！無！著！衫！」
林海欣又反多次白眼：「你個腦做乜成日諗依啲架⋯」
鳩一臉黑人問號望住林海欣：「點解⋯⋯你無入夢境架？」
林海欣驚愕：「係喎⋯」
突然林海欣全身嘅衣服慢慢消失不見。
難以置信嘅事發生左，鳩嘅言靈成功令夢境變做現實⋯林海欣用疑惑嘅眼神望住鳩：「點解你得我唔得嘅⋯⋯」
鳩嚇到鼻哥窿都無肉，依件事推翻晒佢由細到大關於言靈嘅知識。
鳩：「我都唔知喎⋯⋯」

海欣諗嚟諗去都諗唔到點解⋯⋯係體質問題？⋯性別問題⋯？
鳩奸笑著心諗：「依家我嘅言靈已經可以為所欲為了！」
突然海欣拍一拍鳩：「喂～你諗咩諗到咁入神啊？」
鳩心虛地說：「無啊⋯⋯係啦⋯我幫你著返衫啦⋯⋯」
海欣：「哼！算你識做啦⋯⋯」


鳩拿起件衫幫海欣穿上，誰不知海欣身上嘅衣服又慢慢變回來。

林海欣見到依個情況即刻明白依個言靈係有時間限制。
鳩：「咁係咪同夢一樣會醒過來咁嘅意思啊⋯！？」
林海欣：「係⋯⋯大概五分鐘左右。」
鳩失望地說：「唉⋯咁咪唔可以為所欲為⋯⋯」
林海欣伸手扭住鳩嘅耳仔：「你講咩話？想攞嚟做壞事啊？」

鳩：「唔係啊～～吖～～好痛～～」
林海欣鬆開手：「嗱⋯⋯依件事你唔可以俾其他人知道⋯特別係明宴會⋯」