《我用廣東話征服世界》第一季 已完結: 第三十八篇 林海欣

鳩返屋企嘅時候諗：「咁樣唔係辦法喎，四眼仔一定會再搵我覆桌⋯」
「佢係首領個仔，而我係明宴會咩人都唔識⋯」
「有咩方法令到四眼仔唔再煩住晒呢⋯」
鳩入到去屋企隔離間便利店買嘢飲，腦內正煩惱緊明宴會嘅事，
突然有人叫佢，「喂～上官鳩！」把聲咁熟嘅⋯
鳩擰轉頭成個人嚇咗一跳，原來係林海欣。
鳩：「嘩！嚇死人咩！做咩你係到嘅⋯」
林海欣笑笑口：「我登特嚟搵你喎！」
鳩愕然：「吓！？搵我做乜啊？又想殺我！？」
林海欣無奈反咗下白眼：「你估你條命好珍貴啊！？我嚟搵你住架！」


鳩更不明所以皺起眉頭問：「住？咩住啊？」
林海欣：「我宜家無地方住嘛，所以嚟借你屋企嚟瞓晚囉！」
鳩：「但係我屋企有人喎。」
海欣：「女朋友？」
鳩：「係啊～」
海欣威脅著鳩：「原來你有女朋友架！？咁等我同你女朋友講你落藥迷姦我先～」
鳩連忙：「唔好啊！」
海欣暗笑一聲：「嘻～咁你識做啦～」
鳩諗咗陣：「嗱！一係咁！你等我送咗女朋友返屋企先。」
海欣拍一拍鳩手臂：「嗯～咁你唔好要我等咁耐喎⋯⋯」


鳩今次真係大鑊了～鳩返到屋企，茉里奈同童童同遊傾到有講有笑。
鳩：「我返嚟啦～」
童童：「你返嚟啦～我地頭先傾緊你喎！」
鳩：「係咩～傾緊咩嘢啊？」
茉里奈：「傾緊你頭先去邊到玩嚟囉！」
鳩心虛得冷汗都流埋出嚟：「哈哈！我去陪人買嘢啫⋯⋯」
童童：「快啲過嚟坐啊！我比啲嘢你啊～」
鳩：「比咩嘢啊？」
童童攞咗部即影即有相機出嚟微笑著說：「嘻嘻，相囉～我地影相啊！」
鳩驚喜得會心一笑：「嗯！」


茉里奈幫佢地影相：「貼埋啲～3！2！1！」

影咗幾張之後童童就貼滿係鳩間房，
鳩：「點解貼咁多張嘅？」
童童溫柔地說：「等你日日都掛住我嘛～」
鳩攬住童童：「嘻嘻～掛住你～」
童童貼滿房間之後就出返廳。

遊同茉里奈穿上鞋子：「細路～我地走啦！」
原來遊今晚去茉里奈屋企到瞓，
鳩：「嗯～拜拜～」
童童拍一拍鳩：「咁我都走啦～費事太夜返去俾啊媽鬧～」
鳩：「咁我送你返去啊⋯」
童童：「好啊～」



鳩拖住童童送到返屋企門口，
童童：「咁我走啦～」
鳩：「嗯！聽日見啊～」
鳩錫一啖童童然後就返屋企。

「依家屋企無人，俾林海欣瞓一晚都可以嘅⋯分開瞓囉⋯都唔係出軌啊⋯
咁佢無地方住咁慘⋯我幫人啫⋯」鳩安慰著自己去搵林海欣。
實際上鳩唔中意林海欣，只不過有幾嘢想請教下佢。鳩返到去間便利店搵林海欣，不過已經唔見她嘅身影。
「奇怪啦⋯唔係講好依到等嘅咩⋯⋯」鳩周圍行咗陣都唔見佢。
「算啦～可能佢搵到其他地方瞓掛⋯」鳩居然有少少失望。

鳩買咗幾包薯片返屋企食，睇嚟佢今晚可以享受一下自己一個嘅時間。
鳩返到屋企瞓係沙發到一邊食住薯片一邊睇電視，不知幾嘆連燈都費事開。
電視嘅光線很微弱，剛好照射到鳩的面龐。
電視係到播緊《鋼之鍊金術師FA》首片頭曲again 真係好聽。


鳩雖然唔識日文依然跟住頭幾句唱：「U咩囉之之gi！」
正唱得投入背後突然傳出腳步聲，嚇到鳩即刻擰轉頭望一望。
鳩疑惑不解「無人喎⋯唔通我聽錯？⋯⋯算啦繼續睇電視！」
睇到一半鳩整個人突然彈起身大嗌：「鍊成！！！」然後拍合雙手打落張枱到。
睇嚟佢係模仿緊片中嘅主角，如果旁人睇一定會以為佢係痴線，不過好彩依家屋企無人。
當鳩睇完電視就打算去沖涼瞓覺，周圍黑孖孖鳩摸黑返房搵睡衣。
不過途中經過廁所居然聽到裏面有啲奇怪嘅聲音，聽落似有人在狼吞虎嚥地進食。
感覺很詭異，鳩攞起旁邊支士巴拿，心驚膽戰地打開廁所門。
一打開門鳩嚇到三魂唔見七魄。林海欣居然係入面一邊食薯片一路浸浴。
鳩驚叫：「呀！！！點解你會係到啊！？」
林海欣都驚咗一跳：「我係到好耐啦喎！！！你啱啱睇電視我咪企你後面囉！」
鳩：「吓！你幾時入屋架！？」
林海欣：「你地出晒去我咪入咗嚟囉！」
鳩望住海欣嚇呆左，都唔知講咩好。
海欣叫：「喂！你睇完未啊，快啲出返去啦！」


鳩醒過來即刻閂返門。
「嘩⋯依個女人真係黐孖筋⋯⋯」