《我用廣東話征服世界》第一季 已完結: 第三十一篇 洪吉決意替天行道
茉里奈：「咁今日就係咁先啦！聽日大家準時返學啊！」
班主任茉里奈今日特別快就放大家放學，說完就急急腳走人。
真係奇怪啦⋯⋯
茉里奈走咗無耐班上嘅女同學就突然起哄起來。
「喂！你地睇下！」
「下？睇咩啊？」
一個女同學指著窗外：「學校出面有個靚仔啊！」
一群被愛情沖昏頭腦的少女衝到窗口望出去。
有人失望地說：「吓～都唔係好靚仔啫！」
「唔係啊，我覺得ok喎⋯⋯」
「咦⋯佢攞住紮花係咪等邊個啊⋯」
「唔係掛～送花咁老土架～」
「吓⋯我覺得幾浪漫喎。」
鳩同洪吉好奇咁行去窗邊八卦下咩事，
鳩一望心諗：「咦⋯條友⋯咁熟面口嘅⋯⋯」
鳩再睇真啲成個人嚇咗一跳：「屌！啊哥係到做乜撚野啊！？」
洪吉細細聲係鳩嘅耳邊講：「就係佢啦！就係依個男人溝咗我女神啦⋯⋯」
鳩驚訝望住洪吉：「吓！？佢就係茉里奈男朋友！？」
整個班房嘅女同學突然又指住個窗起哄：「喂喂！嗰個咪係茉里奈！！」
「吓！？」
「係喎！！！原來佢有男朋友架！！？」
「唔係掛！？」
童童驚訝呆咗同鳩對望咗眼，宜家得童童知道嗰個男人就係鳩嘅啊哥。
鳩心諗：「唔撚係掛⋯wtf？」
洪吉：「鳩！咁我地要點做啊宜家⋯」
鳩：「er⋯⋯⋯er⋯⋯我好肚痛啊⋯我都係返屋企先啦⋯⋯」
講完鳩就急急腳攞起書包走咗。
洪吉：「吓？喂～」
童童跟住鳩一齊走咗，洪吉心諗：「咁睇嚟⋯今日要靠我一個人嚟替天行道啦⋯」既然鳩都幫唔到我，咁我就要用自已嘅手段啦！
洪吉揹起背包跟上遊同茉里奈。
遊舉起鮮花：「送比你啊～」
茉里奈疑惑地問：「做咩送花俾我啊？」
遊：「er⋯⋯」遊怕怕醜咁又講唔出口，
茉里奈偷偷笑一聲：「嘻嘻～多謝喎，我好鍾意啊～」
遊聽到她咁講終於放鬆心情，
茉里奈：「咁我地去邊啊？」
遊：「去睇吓啲傢俬⋯？」
茉里奈：「點解嘅？」
遊：「咁⋯可能遲啲會一齊住嘛⋯⋯」
洪吉站在一旁偷聽佢地嘅對話嬲到癲，咬緊條校呔心裏唸著：「奸夫淫婦！」
茉里奈伸出手示意遊：「咁我地行啦～」
遊拖著茉里奈出發了，洪吉見到佢地兩個拖手行街就想攞刀斬左遊隻手。
遊同茉里奈有講有笑拖住手就去到一間好大嘅商場，
洪吉係書包攞著把剪刀，偷偷望住佢地兩個。
遊：「BB你覺得依張床單靚唔靚啊⋯」
遊攞起白色嘅床單上面有幾隻米奇老鼠嘅公仔。
茉里奈：「幾靚啊～話說你琴晚整濕咗我張床單喎！」
遊尷尬笑著說：「嘻嘻⋯係咩～咁我買張新嘅，然後再整濕過⋯」
茉里奈笑咗出聲：「鹹濕仔～」
洪吉聽到佢地嘅對話痴咗線：「狗男女！居然已經扑左嘢！搞我條女！」
洪吉大嗌一聲然後攞出剪刀衝向遊：「去死啦你！！！」「去死啦你！！！」
遊愕然擰轉頭見到洪吉攞住把剪刀衝緊過嚟。
遊心諗：「依個肥仔乜水啊⋯？」
茉里奈一臉黑人問號：「洪吉！？」
剎那間剪刀就插左去遊嘅膊頭上，茉里奈嚇到尖叫，鮮血一滴一滴滴在地上。
遊捉緊洪吉拿著剪刀嘅手問：「你係邊個？」
洪吉見插唔死遊就想逃走，不過手被捉實完全逃唔到。
洪吉：「你唔需要知我係邊個，你安心去死啦⋯⋯」
然後就儲氣準備用言靈。
遊見狀就馬上先發制人用言靈控制住洪吉：「痴線架你？！」
洪吉突然驚醒過來，一張開眼就發現自己瞓咗係張床上。
剛才就嘈吵聲音消失不見，一片寧靜舒適。
四面簡樸，白茫茫嘅空間，窗外周不時傳來玩樂嘅笑聲
洪吉迷迷糊糊問：「依到係⋯⋯係邊到⋯」
一把柔和嘅男聲：「你終於醒啦！」
洪吉：「你⋯係邊個？我宜家係邊到？」
男人又說：「你好啊，我係依間醫院嘅醫生，我叫啊康啊。」
洪吉記唔起點解自己會入左嚟醫院：「醫生？點解我會係醫院嘅？」
啊康溫柔咁講：「你唔記得啦？你痴咗線啊⋯⋯所以就要入嚟我地醫院囉。」
「咩痴線啊！？我無啊！！！」洪吉講完就起床，但身上原來被布帶綁實在床上。
洪吉掙扎著激動大嗌：「做咩綁住我啊！！！快啲放我走啊！！」
啊康：「洪吉，你冷靜啲先⋯⋯只要你乖乖食藥，好快就可以走架啦⋯⋯」
洪吉：「食咩藥啊！！！我都無病，你先係痴線啊！！！」
啊康拍一拍洪吉膊頭安慰著：「我明白嘅，最初係好難接受嘅⋯⋯其實我有好多病人都係咁，但係最後都康復返出左院。」
洪吉冷靜下來：「醫生，你睇吓我宜家，邊到似痴線啊？」
啊康皺起眉頭望一望洪吉：「的確唔似，咁就證明我嘅藥好有效啦，你宜家冷靜下來咁就好啦～可以繼續食藥啦！」
醫生攞起一樽藥，上面寫住「搖頭丸」嚇到洪吉流晒冷汗。
洪吉：「醫生⋯你依樽係搖頭丸嚟喎⋯⋯」
醫生鎮定地說：「你放心啦⋯我一定會醫好你架！」
洪吉緊閉嘴巴不停擰頭，示意唔需要食藥。
醫生見洪吉唔肯食藥，唯有塞兩粒入洪吉個口到。
誰不知洪吉咬緊牙關堅持唔食藥。
「洪吉⋯我咁樣都係為你好架咋⋯⋯」醫生失望地說，
「護士～唔該入一入嚟啦！」隨著醫生嘅呼叫，兩個男護士入嚟房間。
啊康醫生：「依個病人唔肯食藥，你地幫我張開佢個口啦⋯⋯」
「知道！」
洪吉被強迫之下終於吞左兩粒藥。
醫生果然名不虛傳，洪吉食完兩粒藥之後精神了很多。
嘴上突然唱著陳偉霆嘅《野狼Disco》並跟著節奏搖擺身體。
唱到一半又突然扮下李克勸，不斷搖動下體。
醫生坐喺旁邊微笑著：「睇嚟佢就快醫好啦！」然後就解開洪吉身上嘅布帶。
洪吉就如一隻從獲新生嘅雀仔，跳上床大嗌：「Doctor！Come on ！Make some miusc！」醫生馬上攞出手機播放林曉培嘅《娃娃愛天下》
洪吉好似充滿電一樣聞歌起舞，跳出阿舜獨特嘅舞姿並高唱著
：「蝴蝶第十萬個心願！Yo！沉醉在啊叔的樂園！」洪吉High到連歌詞都改埋。
醫生見到病人康復得咁快內心非常恩惠，所以就點起一支大麻在旁邊吸著。
整個房間佈滿大麻的味道，令到洪吉也吸了不少。
「嘿啊嘿啊希！嘿也嘿也希！」
洪吉精神得跳落床，然後拉起醫生一齊跳家燕姐的十字步，
肥胖的身軀正好將十字步發揮得淋漓盡致。
過了一段時間洪吉就不自不覺筋疲力盡暈倒了。
當洪吉再次醒來時，路人就通知左言靈師公會就將洪吉綁住。
而遊就去咗醫院醫治。