《我用廣東話征服世界》第一季 已完結: 第二十一篇 殺了他

「點⋯⋯點解嘅？佢做咩衰嘢？」事到如今鳩已經無得唔做，不過點都要問個明白嘅。
禮行似乎都睇得出鳩心裏所想就同鳩講：「嗰個男人私底下捉左唔少少女去賣淫，
佢通常派幾人去跟蹤啲五觀精緻可愛嘅女仔⋯然後用架貨車捉個女仔上車，
個女仔上到車會俾幾十個男人除晒衫輪姦雞姦然後影埋裸照去威脅個女仔賣淫⋯
咁你覺得依種人抵唔抵死？」
鳩聽到好驚訝，自己居住嘅地方居然發生依種事。
「咁⋯咁點解言靈師公會唔拉佢？」
禮行擰一擰頭：「無用架～啲女仔跟本唔敢亂講嘢，就算肯上法庭指證，
但依個光頭佬從頭到尾都無出過面，根本無證據指控佢。」
「有無搞錯啊！」鳩拍一拍枱，似乎已經下定左決心要替天行道。



「咁一間我地應該要點做啊？」
禮行諗一諗：「應該要買把刀先。」
鳩：「吓⋯你明知嚟冧友都唔帶刀！？」
禮行：「哈哈～平時都有帶！今日唔記得咗帶～」鳩同禮行去到一間超市買刀，但畢竟依把刀要用來殺人，所以唔可以太過張揚。
鳩拎起一把餐刀問：「喂～依把點啊？」
禮行：「你唔好on9啦，切水果咩⋯」
鳩又拎起一把菜刀問：「咁依把呢？」
禮行：「咁係人都知我地去劈友啦⋯⋯買依把啦。」禮行拎起一把廚師刀，雖然唔大把但非常鋒利。
鳩點一點頭，不過只係買把刀太可疑啦，鳩買多幾包零食掩人耳目，又買多個扳手以便不時之需。



佢地去到酒吧附近監視光頭佬嘅一舉一動。
禮行細細聲講：「嗱⋯一間等光頭佬走嘅時候，你就跟住佢尾搵機會捉佢入夢境，之後我就去隊冧佢。有無問題啊？」
鳩：「無問題⋯不過我有啲緊張⋯⋯」
依個時候光頭佬企左起身埋單，睇嚟機會嚟啦。
禮行：「去啦，唔洗驚！最多搞掂之後我應承你一件事啦。」
鳩心諗應承我一件事？唔係咁爽掛！「咁一言為定啦！」然後鳩就去跟蹤光頭佬。光頭佬係酒吧飲到有啲醉，完全察覺唔到鳩跟係佢後面，
鳩隻手插係褲袋拎住個士巴拿，等待時機成熟嘅時候就捉佢入夢境，
如果失敗就用士巴拿扑爆佢個頭！
光頭佬行下行下無端端轉左入後巷，上官鳩小心翼翼咁跟上去，


貼住牆邊伸個頭去巷仔睇吓個光頭佬係到做咩。
原來個光頭佬飲太多，係後巷到嘔緊。
依個機會簡直千載難逢，
鳩兩話不說就行去光頭佬後面捉佢入夢境。「落地獄啦你！」

光頭佬上一秒仲嘔緊，下一秒就去左一個黑蚊蚊嘅地方。
「咦⋯邊到嚟架依到⋯？」光頭佬仲有啲醉～突然前面有一道火光亮起。
「咳！咳！牛頭馬面，將今日嘅客人帶過嚟！」一把威嚴嘅聲音傳出。
「係嘅！大人。」道火光慢慢向光頭佬行近，光頭佬瞇著眼睛想看清楚啲。
只見兩個上身赤裸戴著奇怪面具嘅男人拎住火把行過嚟。
一個戴著牛面具，一個戴著馬面具。

「你地係邊個？依到又係邊到啊？」光頭佬仲懵盛盛，
牛頭馬面兩人渾身肌肉，一手就抽起光頭佬，拖咗佢去唔知邊。
「喂，放開我啊你地！」光頭佬不停叫喊。


牛頭：「馬兄～依個男人都幾煩喎！」
馬面一腳踢去光頭佬到：「光頭佬，你再嘈唔好怪我唔客氣啊！」
光頭佬已經唔敢再講嘢，佢被拖行了一段距離就被牛頭馬面丟到地上。

「你叫咩名？」光頭佬向上望，從微弱火光嘅照射，隱約見到一個人問佢問題。
馬面：「仲唔回答閻羅王大人！？」
「閻⋯閻羅王！？」光頭佬終於知自己身處地獄。
光頭佬驚到聲都震埋講：「小⋯⋯小人叫劉基。請問搵我咩事呢？」
閻羅王：「劉基，宜家俾個機會你，將你做過嘅壞事一五一十講晒出嚟！」
光頭基做過太多壞事，一時三刻都記唔清，情急之下就話：「我⋯我衝紅燈，亂丟垃圾⋯⋯」
閻羅王聽到佢咁回應，即刻大發雷霆，一掌拍落張枱到：「劉基，我屌你老母！」
牛頭馬面見閻羅王發火就話：「大人請息怒！劉基，你有無逼良為娼？」
光頭基嚇咗一跳點解佢地會知嘅⋯
劉基馬上狡辯：「無啊大人！唔係我做架，係我啲手下自把自為捉啲女仔去強姦，一啲都唔關我事架。」
正所謂對付無賴嘅手法就係無賴，閻羅王笑一笑，


係櫃桶攞左支小木棍出嚟：「牛頭馬面！依支木棍⋯你地幫我收埋佢。我唔要見到。」
劉基奇怪啦「做乜無端端話要收埋支棍呢？同埋依到邊有地方收埋支棍啊？」
牛頭馬面接起支木棍就話：「明白嘅大人！」然後慢慢行近劉基。
劉基都唔知發生咩事，不過似乎有啲危險嘅事就快發生。


牛頭突然捉住劉基個身壓佢落地，劉基俾個大隻佬㩒住完全郁唔到，
依個時候馬面拎住小木棍行到去劉基後面，一下就除咗劉基條褲。
劉基驚到痴線：「喂！你想做咩啊！」
話口未完，木棍就強行塞咗入光頭基個屎眼。
佢今次真係基啦⋯⋯
劉基忍住眼淚俾馬面用木棍塞屎眼。
閻羅王笑到哈哈聲：「哈哈！我無叫我啲手下咁做架，所以唔關我事喎！」
笑左陣之後閻羅王係褲袋攞咗部iPhone 出嚟：「牛頭馬面！幫我影低佢，本王都未見過咁噁心嘅光頭佬！」
劉基終於忍唔住眼淚喊咗出嚟：「嗚～嗚～唔好影啊！」




依個時候禮行攞起刀直接插入光頭佬喉嚨，當場血肉橫飛。