《我用廣東話征服世界》第一季 已完結: 第十二篇 屁股殺人事件

上官鳩同童童係沖涼房玩緊鴛鴦戲水。
而喺第二個地方，
依個時候上官遊在城外面調查一件殺人案，據說是一個餐廳員工永仁被殺。
上官遊去到現場，屍體已經送到去被法醫檢查，法醫報告死者年齡是26歲，男，初步估計死因是毒死，胃入面食物嘅殘渣含有一種叫氰化鈉嘅毒物。
案發當時餐廳有三人在場，分別是餐廳老闆明仔，死者女朋友陳怡，一個老店客達哥。而死者毒發前都有食過佢地三個嘅食物，所以依三個人都有毒殺死者嘅嫌疑。
依間餐廳係由永仁同明仔兩個人落手落腳經營，開業接近三年但業績並不理想，
所以兩個人經常會因為餐廳嘅事而嘈交。
今日早上五點鐘，永仁同明仔係餐廳處理今日嘅食材。每次準備開店之前，永仁都會試食明仔嘅料理，今日都唔例外，七點鐘開店，達哥同陳怡係今日最早嘅客人，「喂，達哥好耐冇見喎！」「喂！老闆請你食啊！永仁食唔食啊？」達哥最近去完旅行所以帶咗啲手信請大家食，陳怡見到有野食都忍唔住攞咗塊嚟食，「嘩，bb好好食啊！」
永仁食完之後，陳怡就比咗杯熱奶茶永仁飲，永仁飲咗兩啖繼續做野，突然間永仁失去意識暈倒，救護員到場後永仁已經中毒死咗。
上官遊收到任務就去到現場調查，係三個人俾永仁嘅食物入面都檢查唔到毒藥。


佢望一望明仔，達哥，陳怡，真正嘅兇手就係依三個人裏面。上官遊留意一下三個人，明仔同達哥坐喺一邊睇落有啲傷心，而陳怡一直企係廁所隔離大喊，上官遊已經心裏有數知道邊個就係真正嘅兇手。
上官遊行去陳怡旁邊話：「不如你坐低休息下先啦！」
陳怡話：「我想企喺度冷靜下⋯」
上官遊笑咗出嚟，「你就係兇手！」
陳怡嚇左一跳！「你講咩啊，我點會殺永仁啊！」
「你係咪兇手檢查一下你條裙咪知囉。」
陳怡聽到突然發癲，原來永仁嘅毒唔係喺食物沾上，而係摸陳怡屎忽嘅時候沾上。
摸完陳怡屎忽再用手食嘢，令到永仁不知不覺被毒死。依個時候陳怡比人發現自己係真正嘅兇手，轉身就想逃走。
上官遊見陳怡想逃走，即刻用言靈捉佢入夢境。「咪走啊！頂你個肺！」
「beat ～」一道哨子聲響起，陳怡踩住個足球去到一個足球場，場外嘅觀眾不停為兩隊球員打氣。「喂，傳波啦！」一個身型健壯嘅球員嗌陳怡。


陳怡根本就唔識踢波，但係對面隊嘅球員來勢洶洶衝緊埋嚟，
陳怡好驚踢波被人撞親，所以求其就將個波踢走，希望佢唔好再衝過嚟。
點知踢走咗個波之後嗰個球員完全無打算停下來，反而好似一隻癲牛咁全力衝刺。
「啪！」陳怡被人撞到飛開十尺咁遠。陳怡訓咗係個球場上，暗住個肺完全抖唔到氣。依個時候有個球員行到去陳怡旁邊，陳怡以為依個球員想扶自己起身，就伸手出嚟俾佢扶。誰不知個球員伸起隻腳出嚟用力一嘢踩落陳怡個肺到。
陳怡連口水都飛埋出嚟想嗌都嗌唔出聲，球證見到咁即刻吹起哨子暫停比賽再係衫袋攞出一張紅牌。陳怡心諗終於得救啦！
球證攞住紅牌指住陳怡「beat～犯規！」，陳怡嚇左一跳：「吓，我俾人踩喎，點解係我比人吹出場？」
球證聽到陳怡咁講就谷鬼氣，一腳對住陳怡個肺踢落去：「屌你老母！你係咪想同我作對啊！宜家我係球證，我話咩就咩啦！」
陳怡覺得非常委屈，自己明明咩都無做反而俾人用紅牌趕出場。
其他球員都走過嚟指住陳怡鬧佢：「屌你老母！球證叫你出場就出場啦！」
陳怡決定訓係到死都唔出場，想攞返個公道。


十幾個球員想快啲繼續球賽，所以就不斷用手踭頂陳怡個肺。
陳怡諗起自己以前都係有份頂人個肺，非常後悔。
比人頂在十分鐘之後，佢終於從惡夢中醒來。