《我用廣東話征服世界》第一季 已完結: 第四篇 言靈

何維見到童童啼啼哭哭，就算不知道她詳細的夢境，但感覺自己成功污辱咗一個少女非常之有成功感，掩口而笑。
此時茉里奈老師湊巧放工，順路經過活動室見到我哋五個人，茉里奈出於好奇就站到門外偷看。
上官鳩見到何維仲係到笑就扯火，「仆你個臭街！！！」一句粗口衝口而出。何維瞬間被吸入一條昏暗並且濕漉漉嘅街道中，街道佈滿腐爛嘅死老鼠同幾袋散發住惡臭嘅垃圾，其臭無比。何維用手掩住鼻子想用口呼吸，但每一口空氣依然係令人感到窒息。何維心裏只想盡快離開依條街道。他向前行踏出步「啪！」一聲地面濕滑，何維整個人「大字型」仆咗落去條街到，「吱吱！吱吱！」一隻肥老鼠係佢眼前走過，嚇得何維馬上跳起來。他轉身就逃走「卟！」佢又仆多次落街到，依個過程不斷重複又重複但無論佢幾努力逃走，始終都會仆返落依條臭街上，最後佢受驚過度暈倒在夢境。

上官鳩見到何維倒在地上，上前用腳輕輕力踢一踢佢腳踭，見佢手指微微郁動，上官鳩就鬆一口氣。「呼～好彩唔係死咗啫⋯⋯」童童見到何維暈咗就抹乾自己嘅眼淚重新振作起來，然後行去將何維手上嘅鞋交返俾嗰個女同學，女同學一邊著鞋一邊講：「多謝你哋幫我啊，我叫欣婷啊！」「我叫童童！佢喺上官鳩，依個係洪吉。」欣婷見童童臉上嘅眼淚未抹乾，便遞起一包紙巾俾童童「唔好意思啊連累左你。」「無事啊～好彩鳩係到。」