【寫實】考衰DSE怎麼樣？: 揀學校

望住窗外飛過既樹木花草,折射出我面上淚光,點醒我依家去緊大學claim offer。我真係好失敗呢間大學本身只係大專院校,只不過前年上咗做大學。當然我中學個d「養尊處優」既老師自然睇唔起呢d非純種既大學。私心論我好鍾意呢間學幽靜既環境,重有好多assistance。 讀既一間稍好既地區英中都知道,除非你好突出or有人脈。否則學校任何幫助資源,與你無關。你最好各家自掃門前雪,咪煩到佢地 係佢哋predict我可以入三大...我自問口齒伶俐,此刻都無話好說。我刻意同父母分開坐,因為我實在討厭,俾佢哋講中。「其實以你資質考到大學已經偷笑,唔好好高騖遠。」一直以來,我都係唔俾好既一個再看窗外風景,我想起令我呢一生都好不安既人,我既妹妹。我冰雪聰明,曾討人喜愛既妹妹。 好多人成日誤以為我係獨生女,嚴格嚟講,我係唔係獨生女既獨生女。當年我舅母有慣性流產而舅父希望有個小朋友可以承接佢既中小企生意,就索性過繼咗我剛出世既妹妹,佢哋係我妹妹法律上既父母。點知係阿妹10歲個年我舅母又生出個表妹,有時真係世事難料。 不過點都好外人睇都似係我表妹,但此終有所比較。記得細細個佢已經出落得好標致人又醒目温文有禮,唔似得我細個吱吱喳喳好鬼死煩重要有語言。好笑既係細時d大人特別鍾意安靜乖順小朋友,大人唔需要麻煩好似公仔放係一邊做自己野,但到大個既時候,明明同一個內向既人,大人就唔多like。佢哋突然鍾意我呢d活潑既人,多言變成健談,覺得呢種人好有communication skill 識sale自己。明明都係同一個人。 所以我呢位阿妹慢慢就唔係親戚們既寵兒,而舅母有自己細佬自然少理佢,搞吓搞下佢先係入咗間bamd 3到最後無心向學 直接當返學係興趣班。之後佢已經同我兩個世界再唔需要怕 怕有一日我爸媽覺得佢更值得培訓好似其他大人更喜歡佢然後接番佢返屋企再最後就叫我去做舅父個女。所以當初我爸媽本來想俾多番溫暖佢結果我一發現就一哭二鬧三上吊。佢現家都話自己好好，不過係講吓既好好---- 好好啊平均每次拍拖最多一年，chem 永遠肥佬邊緣糾纏，而同舅父屋企既紛爭成為我哋所有人飯餘既一個笑話。真係好好。  我明白，就係每到新年一年一度見親戚我就條件反射努力打扮，暗中要比佢 下去，其實係好好笑但我亦不能容忍自己被比下去，一定要爭d咩先prove到自己。而依家所努力只係一場笑話。我花咗一生努力去證明我可以推翻定律，結果原來定律就係注定。  終於去完大學claim offer再去其他專上學院claim offer，的士司機一知道我係去學校就笑首着唔收錢，話當年佢陪啊女去撲學校個的士司機，重祝我成功。其實我本身已經有conditional offer唔需要撲學校，本來以為閒時無嘢做既後備方案就用得着。 祝我成功？我知道我 唔應該反之唔高興，但我本唔應該去呢到，叫我點開心。好似我爸媽人人都要樂觀面對放榜失利，有病！除非一開始你根本唔在意，否則無可能無動於衷。 到我一入去想轉我 offer 本身揀既major，重擔心我啊妹下年會考到好得過我。我完全知道以我依家狀態我連我十分之一實力。。。我有實力咩？！ 有實力DSE 就唔會一堆屎啦！