［愛情純愛］由嗰一個Kiss開始，我地唔再係青梅竹馬: 116. 我不懂

梁玥嘉一踏入自修室門口就已經見到李穎容同張子萊坐咗喺一張長枱前

「你地咁早嘅？」梁玥嘉行到枱前問道，然後坐喺李穎容對面，「你地一齊嚟㗎？」

「邊個同佢一齊嚟？」張子萊第一時間就反駁道，「我到先㗎！」

其實呢度唔係圖書館嘅自修室，平日都有好多學生嚟呢度溫書做功課，什至有啲人只係為咗放學同朋友一齊聚下先嚟呢度

「你唔好小學雞啦張子萊！」李穎容朝張子萊反一下白眼



「你就小學雞！」張子萊反駁李穎容

雖然都習慣咗李穎容同張子萊成日都鬥氣，不過梁玥嘉嘅心裏都有啲佩服佢地⋯鬥咗幾年都仲鬥緊⋯

「真係鬥唔厭⋯」梁玥嘉喺心裏無奈地講道

「霍思傑！」張子萊忽然指住前方，「你買嘢食有冇預我？」

「冇。」霍思傑聳聳肩，行到張子萊旁邊嘅座位坐低，「楊楠恩嚟緊，啱啱見佢喺7仔買緊嘢飲。」



宜家只剩下宋千辰左邊嘅位置冇人坐，即係話楊楠恩一定係錯喺宋千辰隔離

霍思傑一撕開M記嘅紙袋，佢身邊忽然出現咗一大堆餓狼，一人拎一條薯條，喺霍思傑嘅面前光明正大咁食

「你班人真係冇良心㗎喎⋯！」霍思傑一邊掀開麥樂雞盒嘅盒蓋，「搶個肚餓嘅人嘅嘢食⋯」

「我地一人食一條咋嘛！又冇食晒⋯」宋千辰一邊講，一邊伸手去薯條盒又拎多咗條

「你肚餓又唔自己買定嘢食！？」霍思傑理直氣壯地講道，然後朝住正前方抬一抬下巴，「佢嚟啦。」



著住白色衫，外面再著咗件牛仔外套嘅楊楠恩孭住一個布袋走向佢地，今日嘅楊楠恩喺出門口之前仲特登噴咗少少香水，身上散發着淡淡嘅花香味

「啱啱去咗買嘢飲，遲咗少少～」楊楠恩坐低喺宋千辰身旁嘅位置，心裏興奮地道：「Yes！今次可以坐佢隔離！」

琴日佢地就已經講樂咗今日要溫數學，所以大家都有帶數學書同堂課簿，當然有帶最重要嘅cal機啦

「你平時點溫數學？」張子萊望向李穎容，望住李穎容掀開數學書嘅動作

「做題目囉⋯唔係仲可以點溫？」李穎容擺出一副「你係唔係低能？」嘅表情望住張子萊，「阿sir唔會做晒所有題目㗎嘛，I mean後面B part難啲嗰啲題目。」

「哦。」張子萊得到佢想要嘅答案之後便做自己嘢，打開書同堂課簿

⋯

「呢題你識唔識做？我計出嚟個答案同後面唔同。」張子萊拎起堂課簿遞到李穎容面前，「係唔係上面計錯數？」



「等陣，你做緊邊題先得㗎？」李穎容望向張子萊嘅堂課簿

「擦膠。」宋千辰望住自己嘅堂課簿講道，放喺堂課簿旁邊嘅手攤開

「嗱。」梁玥嘉將擦膠遞到宋千辰嘅手上

「喂你呢度計錯咗啦已經⋯」李穎容指住張子萊寫嘅第一個步驟，「你再計過啦！」

「吓？」張子萊自己都唔知計錯啲咩，拎番堂課簿、拎起cal機再計一次，「哦。」

「我想問⋯」楊楠恩伸手拍一拍宋千辰嘅手臂，宋千辰望向楊楠恩嘅堂課簿，「呢度我計唔啱，係唔係用錯公式？」

宋千辰接過楊楠恩嘅堂課簿，低頭望一望自己本書搵題目



「你做咩用咗計等差嘅一般式？」宋千辰望一望楊楠恩寫嘅答案，又望一望數學書，然後將堂課遞到楊楠恩面前，「呢度計緊等比，要用番等比嘅一般式。」

「哦～」楊楠恩明白地點點頭，然後將堂課簿放番喺自己嘅面前繼續做數

去到晏就嘅時候，大家都開始攰，做咗幾個鐘要數學，個腦都開始轉唔郁

「玥嘉，去廁所。」李穎容直接企起身行到梁玥嘉嘅身旁

「哦⋯」梁玥嘉懶洋洋地企起身，同李穎容手拉手一齊去廁所

女仔總係中意一齊去廁所，就算自己唔急都會陪朋友一齊去，可能因為女廁有太多可怕嘅傳說同鬼故啦⋯

「我想問呢個係點？」楊楠恩嘅身子微微傾答向宋千辰，「係唔係直接用正態分佈？」

宋千辰望向楊楠恩，見到楊楠恩拎住數學書，指住一條數學題



「係呀。」宋千辰答完之後便低頭繼續做題

「呃⋯我唔係好明正態分佈其實⋯」楊楠恩一臉唔好意思咁講道，「可唔可以解釋比我聽⋯？」

「哦，可以呀。」宋千辰拎起筆，「堂課寫唔寫得？」

「可以呀～」楊楠恩笑咗一笑，將堂課遞比宋千辰，「寫喺呢頁就得～」

「你唔明邊度？I mean正態分佈嘅邊度？」宋千辰㩒咗兩下鉛芯筆呃筆頭，㩒出筆芯




IG Link: https://www.instagram.com/nd_cotttoncandy/?hl=zh-tw