［打鬥/靈幻/鬼怪］《輪迴。道》/《噬魂》我由古惑仔變咗做現代道士: 582《第二季》

「𡃁仔！𡃁仔！醒啊喂」英叔拍打陳天航的臉頰

「嗯…..」

「醒啦醒啦！」

「咩事啊…」陳天航昏迷了半小時後才在朦朧中醒來

「你啱啱突然暈咗啊！」英叔緊張的說





「我…暈咗？」看來陳天航自己也不知狀況

「係啊死仔，你又暈咗啊」啊烈忍不住挖苦一句

「呃…..我差啲以為你話我」葉尚生愕然的跟啊烈說

「唔係啊….我…佢…死仔…佢」啊烈一時間突然語塞，接不上葉尚生的話

「唉，我講笑㗎咋」葉尚生無奈地嘆氣





「你同九叔一樣…唔係好適合講笑」葉靈替葉尚生尷尬的說

「咩…咩姐，我係中意講笑啊，唔得啊，死八妹」葉尚生口硬的說

「好啦好啦，你地比𡃁仔講句野先啦」英叔截斷眾人的對話

「係嘅，啊航你有冇印象啱啱發生咩事？」啊武問陳天航

「….冇」陳天航呆呆的搖頭





「冇印象？！你個死仔啱啱摷亂曬我啲珍藏啊！」英叔非常執著他的「珍藏」

「英叔啊，你唔好講你啲珍藏先啦」啊烈攔住英叔的話

「航，你啱啱突然間發咗癲咁衝咗入英叔間房係咁摷，我地點攔你都冇用」啊武再接著說

「我摷咩啊…」陳天航問

「我地唔知啊，你突然摷咗霍老大件衫出嚟，之後就痴咗線咁跑咗出去」

「件衫….」陳天航好像知道又好像不知道

「未講完啊，最誇張係你拎住件衫出咗去之後，死仔出咗去搵你，件衫就唔見咗」英叔故意用陰森的語氣說

「真係搵唔到」葉尚生再補一句，證實英叔的話屬實，並非他胡亂編作





「航，你真係一啲印象都冇？」啊烈問陳天航

「衫….我啊..呃..啊！」陳天航雙手掩著頭

「我見到..有個男人！古裝！祝…」他的兩個眼球突然變得純黑

「咩古裝啊？！祝咩啊𡃁仔！我未生日喎」

「航！！」

「喂！係咪後生仔，但個樣好有威嚴，套古裝係白色㗎？！」葉尚生推開眾人，問陳天航

「嗯…呃…」陳天航回答得似是而非的又昏倒過去





「唉….到底咩事」

「點解突然會咁…依排好似突然好多事發生，所有野都嚟得太密集」啊烈提出一個疑問

「唔通依啲就係嗰個人講嘅刧？」啊武說

「嗰個人講嘅係大刧，唔會係依啲芝麻綠豆嘅小事」九叔說

「大事….會係點㗎……」說到這裏，眾人的臉上都掛擔憂

叩！叩！叩！

這時，門外突然響起一陣敲門聲

「依個時候….會係邊個？」眾人你眼望我眼的





「我去開」葉尚生拿出畫龍戟走近大門

「邊個？」葉尚生問

門外沒有回應，所以葉尚生也沒有行動

但隔了一會，門外的人終於發聲

「九哥，我係莫逆」

是南陽派的莫逆！那正是打死啊烈大哥———焯哥的人

「莫逆？…..」啊烈聽到這名字後馬上眉頭緊皺





「啊逆？？死仔開門」英叔知道門外的是莫逆後就馬上吩咐葉尚生開門

「哦」

咔！！

「嘩？！唔歡迎我都唔洗擸野掛」莫逆不自覺的後退了一步

「呃…唔好意思」葉尚生馬上彈出結界，把畫龍戟收起

「等陣….細路，你啱啱個把係…」莫逆瞪大他那只剩一隻的眼睛看著葉尚生

「係啊係啊，你冇睇錯啊靈器嚟㗎，你特登嚟搵我同老野，有咩想講啊」英叔直接略過葉尚生和莫逆的對話

當莫逆步進大門時，啊烈便突然衝向了莫逆

「喂啊烈！」