［打鬥/靈幻/鬼怪］《輪迴。道》/《噬魂》我由古惑仔變咗做現代道士: 570《第二季》

「洛兒個衰妹….實喊死佢啦」

「我未死㗎….」

沒錯，我是陳天航

自上次被霍鎮海擊了一掌後，我就一直身處這個黑暗的地方，我也不知自己被困在這裏多久

能否有人告訴我…..





「邊個話你未死㗎！！」空氣中倏然迴盪著一把沉厚的聲音

「你係邊個啊！憑咩困住我！快啲放咗我」我問那把神秘的聲音

「我？我唔止有權困住你，甚至令你永不超生都可以！」神秘人說

「永不超生？…..」我被嚇阻了

隆！！！突然我身處的漆黑空間發生了強烈搖晃





「嘩…咩事啊！！」我被搖得倒在了地上

「我要帶你去見一個人，之後我就升官發財」

「升官發財？！你講咩啊！你到底係咩人！！」

「判官」那神秘人回答得

「判官？！咩判官啊？！的士判官啊？！」





「…….」神秘人沒有回答我

糟了….這段時間跟英叔太多，像他說起了這種不好笑的笑話

「等陣！！你係判官？！地獄嗰個判官？！」我突然才發現他的身份

「冇錯！」判官回答我

「唔通我真係死咗…..」我認真的回想了一下

當天，我被霍鎮海用掌所傷，最後的記憶便是在醫院正跟洛兒和啊姨，然後我就像被一股強勁的吸力送到來這裏

難道這裏就是死後的世界？……

我身處的空間還保持著不斷搖晃，他應該是在移動





「喂！你想帶我去邊啊！」

「生死簿上，能查核死者功過來歷，並可上溯九十九世

生死冊記錄：第七十二世

姓名：陳天航

生於一九九七年七月十日/丁丑年 丁未月 癸丑日

卒於二零二二年九月十九日/壬寅年 己酉月 乙亥日

生死冊寫得清清楚楚」





判官無視我的問題，直接讀出了生死冊的內容

「原來我真係死咗…..」我也不得不認命了

「等陣！咁點解我唔可以好似啲人咁，頭七返屋企！我有好多野未同屋企人講！」我再次拍打那應該是類似金屬的牆壁，確實是什麼我實在看不清

這裏太黑了……

「點解？因為我唔比」雖然我看不見他，但我很清楚，判官他剛剛冷笑了一下

「依家你話唔得就唔得㗎啦？！應該規矩嚟㗎！！我要見你上級！閻羅王！！」

「閻王係你見就見到？不過唔緊要，我帶咗你去見一個更高級嘅人」判官還是那冷笑的態度

「卑職判官，參見太上老君」判官的態度跟對著我是一百八十度的轉變，變得恭恭敬敬





「判官….你用嘅時間比我想像中有啲長」命令要捉拿我的居然是在地位超然的太上老君

「對唔住啊天尊大人！係卑職無能！因為我怕如果我太快就帶佢嚟，閻王大人會發現端倪，請天尊大人恕罪」判官對著太上老君就像小狗一般聽話

「唔緊要，最緊要完成到任務」太上老君說

「多謝天尊大人恕罪….咁唔知天尊大人應承卑職嘅事…嘻嘻…」判官唯唯諾諾的說

「你係講緊，升官嘅事？」太上老君問判官

「嘻嘻…係啊」判官笑說

「冇問題，如願以償」





突然！！太上老君一笑，在手揮出一條「氣鞭」

咻！！！氣鞭由判官的頭頂將他對半分開了

「呃….天尊..大人」判官到死的一刻都還未反應過來

「你知道咁多，我仲會留你？」太上老君為人冷酷無情，殺了判官也面不改容