［打鬥/靈幻/鬼怪］《輪迴。道》/《噬魂》我由古惑仔變咗做現代道士: 564《第二季》

「……落到去，萬事要聽我講」九叔見二人如此堅決，也妥協了

「多謝九叔！」二人扶著九叔快步前行

說回公園那激烈的戰況

「行天！破！」英叔對著敏捷的殭屍二人組放棄了擅長的近戰

嘭！！黃符的碎屑散落四周，沙塵滾滾





「哈哈哈哈！！！」但沙塵裏傳來了習維和段一凡的笑聲

「嗄…惡戰..一場」英叔喘著大氣

「英叔！」啊武啊烈扶著九叔趕到，眾人立即拿起自己的武器

「你地落嚟做咩啊？！！」英叔看到三人的到來反而有點生氣

「英叔！我地點可以抌低你一個啊」啊武說





「武…老野你又係嘅，點會比佢地落嚟㗎….殭屍唔係佢地應付到」英叔轉怪責九叔

「咩話？！」

「佢地係殭屍？？」

「嗯….」英叔無奈點頭

「你有信心自己一個有能力解決佢地？」九叔是在說習維二人





「……..」英叔無語

「我話你聽！！佢冇！！」

「哈哈哈哈！！」

習維和段一凡揮臂將煙霧弄散，重新出現在眾人面前

「嘖….又係一啲事都冇…烈、武你地配合老野對付高啲嗰個，我搞個矮仔」英叔分配工作

「好！」

「你講邊個矮仔啊？！！」耳靈的段一凡當然聽到英叔的話

「話你囉！咩啊！」英叔挑釁段一凡





「嗚啊！！」段一凡怒不可遏的衝向英叔

「你地自己執生啦！」英叔上前應戰

剩下的幾人互望著

「九叔，我地目標係兩點鐘方向」啊烈提示九叔

「嗯，我感應到」九叔雖雙眼失去了視力，但他自年幼開始就跟閻三一起到魂鬥房那幽暗伸手不見五指的環境修煉，所以也未至於武功全失，約莫打了個六折吧

「其實你地只要交陳天航出嚟，成件事就可以完結，你地亦唔需要咁辛苦」習維像是給他們最後通牒一樣

「你咁樣算係比我地揀？」啊烈脫去他的西裝外套，並從腰間拔出兩把虎爪刀純熟的耍舞





「的確，你地係有選擇」習維雙手插袋說

「唔好意思，冇選擇，你頭先講嘅野對於我地嚟講係得一個選項」啊武也接話

「明白明白，愚蠢嘅人類永遠都係咁不自量力嘅」習維暗暗一笑，雙腳稍微用力

「小心！！」九叔突然皺眉舉劍

咻！！！習維果然以極高速移動，消失在眾人前

「佢去咗邊啊？！」啊武左右環看，始終看不清習維的動作

「嗯？！」九叔頭輕輕一側，感應到有動靜

他舉起金錢劍擋在啊武的面前





鏘！！！！金錢劍被劃出火花

習維突然出現在啊武的面前，九叔的金錢劍就剛好為啊武擋下了習維的一下抓擊

「你地小心！唔好比佢地啲牙同抓整傷，有屍毒！」九叔提醒啊武啊烈二人

「嘖！殭屍真係煩….」啊烈厭惡的看著習維

「你唔好用依啲眼神望住我，你唔配」習維像是被啊烈的眼神弄得突然火起了

他轉移目標，轉向攻擊啊烈

「咩啊？！眼神得罪你啊？！」啊烈雙手舉在臉前，人不斷後退，想要跟習維保持距離





「係你啲咁低等嘅生物唔配咁望我！」習維右手一揮，一團黑氣從他的手揮出

「哈，終於肯出真實力啦」一旁跟英叔過招的段一凡笑說

「你慳啲啦，講到你地自己好似好勁咁」英叔嘲諷段一凡

「一定勁過你啦老野！」段一凡抵不過英叔的話，反駁說

他們二人…..異常地好像能搭上到嘴