［打鬥/靈幻/鬼怪］《輪迴。道》/《噬魂》我由古惑仔變咗做現代道士: 559《第二季》

「喂」陳天航離開餐廳後就拿出了電話

「肥仔？你打比我做咩啊？」原來是致電給了洛兒

「我真係唔記得你，亦都唔知點去記得你，所以我地之後都唔會有可能，再見」

嘟……..

陳天航就這樣說下了一句便掛斷了電話





「……..」另一頭的洛兒還未反應過來，仍呆呆的拿著電話

但好快，桌面上的文件便被眼淚滴濕了

「點解….點解會咁…」洛兒雙手捂著臉不讓人發現自己在哭

「洛兒？」但就是在這時候，段天剛好來到了洛兒的座位前

「呃….嗯…段生，唔好意思，我想去個toilet 」洛兒擋著臉跑走了





「…….」段天看著洛兒傷心的背影，有點失落，是段天成為殭屍以來少有的感覺

或許他真的喜歡上洛兒？

我們也無從稽考

「維…你幫我….」段天往後對身後的習維招招手

「係～Boss，有咩吩咐？」習維馬上上前





「幫我…殺咗陳天航」其實段天是聽到洛兒和陳天航的對話，殭屍那超敏銳的聽覺令他在老遠也能聽清二人電話中的對話

「Boss ……咁樣」習維呆住的看著段天

「你係咪聽唔清楚我講咩？我洗唔洗再講多次？」段天瞪大雙眼看著習維

「明….明白，Boss，我知點做啦」習維立刻低下頭，卑微得像小孩做錯事一樣

「叫埋一凡去，我今晚就要見到佢個人頭」段天再下更狠的命令

「係嘅…Boss」習維無奈接下命令，皆因他知道這命令是段天一怒之下才決定

待他火氣消退就會後悔這決定

不過那是之後的事，現在他還是要先找段一凡





「喂，一凡」

「咩事啊習維哥～」段一凡說話的口吻像極他兄長

「Boss有野要我地做，你依家係邊？」

「啱啱開完餐～準備執埋啲手尾」

「好，咁一個鐘後老地方見」

「好啊維哥～一陣見」

一小時後





「維哥，今晚係咩事～」段一凡問習維

「Boss吩咐我地去殺一個人」習維跟段一凡說話的態度跟平常的大為不同

「嘩～咁有趣啊～」段一凡天真的笑說

「有趣？我地今日要殺嘅人唔係高手，但佢身邊嘅人都唔係講笑」習維換上一套全黑的裝束，是一件黑襯衫、黑皮外套、黑牛仔褲

跟他平時的西裝打扮相差甚遠

「呼….都係咁樣舒服」習維把自己的西裝摺好放在一旁

「嘩維哥～同平時嘅你完全唔同」段一凡打量著習維

「唔好咁多廢話，Boss要我地今晚拎到個人頭比佢，準備好就出發」





「隨時行得啦～」段一凡戴上皮製手套，拍拍手

「出發」

………..

夜幕降臨，一股冷風吹襲

「嗚啊…你地覺唔覺今日凍咗好多？」英叔磨擦雙手

「係囉，琴日都仲係有啲風，今日突然就咁凍」啊仁附和英叔

「你唔凍咩啊航？」啊仁問陳天航





陳天航則蹺起手坐在一旁閉目養神，而霍鎮海和徐峰都離開了，徐峰是有留下聯絡方式才離開，但霍鎮海就是自己突然不辭而別，一天醒來英叔就發現他不見了

「登登！」這時啊烈和啊武突然拿著數袋紅色膠袋出現

「我地見今日凍咗咁多，買齊料過嚟打邊爐啊！」啊武提起手中的袋

「叻仔！醒目啊！我去拎爐同煲！你地執住枱先」英叔一刻充滿了動力，飛快的跑進了廚房

「但有個壞消息要同大家講」啊烈突然一轉態度，十分沉重的說

「咩事啊？」啊仁被啊烈的驟變嚇的愣住

「搞咩啊？」英叔也把頭從廚房探出

「就係….」啊烈故作神秘的拖慢語句

「我地未買野飲！」啊武接下啊烈的句子

「唓！！」啊仁向二人舉起中指

「死仔！」英叔拿起一塊濕布掉向啊武