［打鬥/靈幻/鬼怪］《輪迴。道》/《噬魂》我由古惑仔變咗做現代道士: 505《第二季》

「係邊個啊？」一直在房靜候的我們問

「係我啊」王奇回應

之後我們又將啊武發生的事跟王奇說了一遍

「會有啲咁嘅事…..」王奇聽到後感到不可思議

「武….你可以？」王奇關心啊武





「嗯，我可以」啊武點點頭說

「啊奇其實你拎住本咩？」英叔問他

「我都唔知，啱啱係門口執起九叔就開門」王奇把書遞給英叔

「等我睇過，本書咁舊，咁似我地啲古書嘅」英叔接過古書

「封面寫住咩啊？睇唔明嘅」啊仁看著古書的封面





「係古字嚟嘅」英叔說

然後他自己才仔細的看看封面寫著什麼

「地….地王」英叔瞪大雙眼看著古書，口窒窒的說

「地王？！」九叔聽到英叔說出兩字後馬上搶過了書

「地王三世書….」九叔難以置信的看著面前這書





「痴線….邊有可能啊….點會係到」英叔也露出少見到的反應，帶點興奮但又帶點慌張

「三世書？同我地個本有咩分別？」我問

「我地睇嘅三世書係千百年前由一班道行極高嘅術士用推算術推算出嚟嘅結果，準確度可能有百分之八十……」九叔說到一半停下了

「但係依一本係地藏王親手記錄嘅三世書，準確度係百分之百，而且依本野唔單止記錄咗凡人嘅三世，連天界上面嘅神都有記錄」然後英叔就拿回三世書再接著九叔的話說下去

「咁本書又會冇啦啦出現係我地門口….」我疑惑不解

「我有個恐怖啲嘅想法，有可能有人一直監視住我地嘅情況，佢知道我地啱啱討論三世書嘅話題，而佢覺得要出手？….」啊烈提出一個令人毛管直豎的想法

「頂！唔會咁恐怖啊嘛…..你講到我啲毛管都豎起曬」啊仁用手掌搓擦兩邊手臂

「都係只不過係一個猜想推測，當然有其他可能」啊烈攤一攤手說





「咁我地依家係咪可以打開嚟睇吓我地嘅上一世……」啊仁問出這問題

大家看著地王三世書都有一種莫名的緊張，大家的上一世到底是如何，為何我們在普通的三世書都沒被記錄上一世

現在有機會為大家揭曉答案時，大家又卻步了

「嗯….係嘅，可以睇嘅」英叔打開地王三世書

第一時間就先翻查自己的時晨八字

「依到…..差唔多啦….搵到啦」英叔指著書中的一欄

英叔認真的查看自己的一欄





「下…..點會咁㗎」英叔看完後，整個人都呆了

「又做咩啊？又係冇上一世啊？」啊仁有點怕又有點不耐煩

「我上一世係張英…..」英叔緩緩說出

「嗯？！」九叔一手搶過地王三世書，自己再翻查

「咩意思啊英叔？點解上一世都係張英？」連頭腦清晰的啊烈都搞不清狀況

「我上一世都係張九….」九叔已查到自己的前世今生

之後九叔再為我們所有人查閱了前世今生…..

結果是我們的前世今生是重複了一次，無論是出生日期還是名字都是一模一樣





「咁即係點啊？我地同一樣嘅事經歷咗兩世？…..」整件事實在是太不可思議，我整個腦袋都混亂了

「如果以依本書嚟睇，係….」九叔也無奈的要承認這一點

「但冇可能啊….點會咁啊」英叔有點不敢相信

此時屋外…

在我們高幾層的走廊上出現了一個身穿「三件頭」西裝，手拿著一支權杖的人

「記起啦！係時候要記返起㗎啦！再唔加快步伐就冇時間…..」

「朕可以做嘅暫時只得咁多，再出手就會比人發現，希望你地趕得切」





來者正是一直在旁觀察的——秦王

而身處屋內的九叔突然察覺到不妥

「好重屍氣！！」九叔馬上跑往大門外