［打鬥/靈幻/鬼怪］《輪迴。道》/《噬魂》我由古惑仔變咗做現代道士: 497《第二季》

「點解？因為你地未夠火喉囉～」英叔收腹，將右手從後穿到啊仁的脖子前，勒緊！然後左手在後把啊仁的頭推前，加重勒頸的力度

「呃….救….命…..我投…降」啊仁好快便被英叔勒得雙眼充滿紅絲

英叔沒有理會啊仁的投降，繼續用力勒緊，而我站穩後就馬上上前迎救啊仁

我本來想再次起腳踢向英叔，但英叔聰明的用啊仁的身體擋護住自己，我根本無從下手

我往左出手時，英叔就拉著啊仁往右走，完全找不到位置能解救啊仁





最終啊仁還是被英叔勒得昏倒過去

「英叔，洗唔洗咁重手啊」我問他

「我地咁樣都係為咗你地好㗎咋，簡直係用心良苦啊」英叔搖頭自嘆說

「……」我無言以對

「唔好講咁多啦𡃁仔！得返我地兩個，嚟啦！」英叔舉起手在面前，手伸出拇指和尾指搖動，扮作李小龍的模樣





「死就死啦！！」我深吸一口氣

上！！！！

………..

大約一個多小時後，我朦朦朧朧的醒過來

「嗯…..」我視線還是非常模糊，但我認得出，我已回到九叔的家裏





「果然最快醒係你」是葉靈的聲音

「嗯…下？我….」聽到葉靈這樣說後，慢半拍的我才望向我的兩側

原來啊武他們三個就躺在我的兩邊

「佢地….」我搖一搖腦袋想讓自己的視線變回清晰

「咪同你一樣」葉靈冷笑一聲後說

「呃嗄…..今次又會咁重手都有嘅」我左右扭動脖子，鬆動一下筋骨

「你地冇用姐」她還是冷笑

「呃……」我也不好說什麼，的確是我們不濟才會被九叔他們用實力輾壓





「妹頭，你又唔好咁講啊」是英叔和九叔從大門外回來

「嗯？」葉靈回頭望去

「佢地依家可能已經可以同你打返場㗎」英叔笑說

「好笑」葉靈敷衍的回答

「佢講得冇錯，佢地咁多個當中，啊武嘅實力最高，啊烈轉數夠快，啊仁嘅靈力控制最好」九叔跟英叔剛剛在外應該就是在分析我們的表現

但九叔剛才並沒有提起我的表現，那應該是代表….

「相反，𡃁仔….你要努力啲啊」英叔莫名的幫我打氣，令我更加尷尬





「嗯，知道….」我只能點頭示意

「冇鬼用，爭氣啲啦」葉靈看我一眼

「呃…..」我無言了

「嗯…..嗄….」這時，啊武也醒過來了

「我都話佢係第二個醒㗎啦」葉靈跟英叔說

「啊～又真係比你估到喎」英叔










「下一個咪係佢」葉醒指著還在昏迷中啊烈

「係真唔係啊，咁都估到？」英叔用疑惑的眼神看著葉靈

但下一秒…

「嗯…..呃….」啊烈就真的有馬上醒來的跡象

「下…..」英叔目瞪口呆的看著醒過來的啊烈

「哈，講咗㗎啦」葉靈冷笑道

「妹頭，你係點估到㗎」英叔走近葉靈問





「睇佢地平時嘅意志力咪知囉，意志力愈強就愈早醒」葉靈說

「哦～咁樣，好啊！下次佢地暈咗我又估下先」英叔一說，我和啊武馬上看向他

「哎～講笑！講笑～」英叔留意到我們的視線看向了他

「唉….咁就暈咗…嗯？你地做咩」啊烈醒來時明顯比我和啊武都要清醒，然後他迷惘的看著左邊的我和右邊的啊武

「我都係啱啱醒….啊嘶！」啊武說完後突然按住自己的右手，面露痛苦表情

「做咩啊武仔？！」英叔問

「隻右手….突然好痛」啊武的冷汗開始冒出，面色亦瞬間變得蒼白

「係咪頭先龍氣使用過度？」九叔也感到不妥，上前關心

「唔知…」啊武繼續用力按著右手

而就是這同時間….天庭上