［打鬥/靈幻/鬼怪］《輪迴。道》/《噬魂》我由古惑仔變咗做現代道士: 494《第二季》

箭徑直的往我飛來，我往後彎腰避開，然後躲回士多內

「仁，睇唔睇到？！」我馬上問啊仁看不看到英叔的方位

「睇唔清楚啊！太快啦！」啊仁搖頭說

「嘖….！又要比人射多次」我無奈的說

「航！你出多去一次！那咁比英叔射你」啊仁突然說





「點避啊？雖然係木箭姐，但都死人㗎」我瞪大眼看啊仁

「唔係啊，我試下用靈力整停枝箭，咁你咪有時間睇下英叔係邊囉！」啊仁卻說

「嗯….」啊仁雖然是我們眾人之中控制靈力最好的一人，但也只是「半桶水」的程度，如果木箭太多，我真的避不到時，他也控制不了，那就….

「唉，試下啦！」我無奈下同意啊仁的提議

「好！夠英勇！」啊仁給我舉起一隻拇指





我以一隻中指作為回答

我再次跑出安全的地方，在空曠的廣場上奔跑

「啊！你個𡃁仔啊！睇小我射你唔中啊嘛！」英叔口中唸唸的說著，而手又開始準備瞄準我

咻！英叔又發出一箭，我聽到箭發來的聲音，馬上往前加速來了一個滑鏟，並捉住前方的柱來急轉彎，箭就剛好落到我的後方

「呼….第一枝」我心裏想著





「啊！！死仔！又幾叻仔，真係避到喎！」英叔不忿的看著我

英叔馬上再放一箭！

咻！！噠！！

但這次我躲在了柱後，柱為我擋住了一箭，然後我趁英叔換箭的數秒間再次跑出

咻！！又是一枝，我直接爬下躲開

咻！噠！第三枝

第四枝…..第五…第六……

直至我躲過第八枝箭時，啊仁都還未能弄停木箭





「死仔！你肯整停啲箭未啊」已喘氣不斷的我忍不住問啊仁

「我今次三枝！」而這時的英叔正打算三箭齊發

咻！！！！三枝木箭同時向我射來

「呃….」而且這次英叔還將三枝箭的距離控制在我的五步活動範圍左右，令我無處可避

「停啊！！」啊仁突然衝出，雙手舉起

木箭居然真的被啊仁停住了

「終於捨得整停佢啦咩？！」我對著啊仁大喊





「我盡咗力㗎啦」啊仁說，然後啊仁把木箭飛往其他方向，再仔細的觀看天井上方

「啊～又幾叻仔喎」英叔用欣慰的眼神看著啊仁

「係個到啊！」啊仁指著上層老人院的樓說

我跟著他指的方向一看

英叔居然是蹲在老人院外牆上的冷氣機的機體上

「上去！拉近距離！咁樣佢就好難再用箭攻擊我地」我用捆仙索向上一揮，纏住了天井的欄杆，遊繩上去，啊仁也正用自己的方法上去

「嗯？！咁快搵到我？！」英叔也感到錯愕，但動作只停了一秒，他見我們正上來找他，他好快便回復狀態，用箭阻擋我們前進

「仁，小心！」我自已向左邊一撲避過木箭





啊仁再次用靈力把木箭弄停了再把它回飛到英叔方向

「嘩～依班死仔進步又幾大喎」英叔笑笑，然後把弓收起了，皆因我和啊仁已逼進到他不方便發箭的範圍內

「英叔！你落啦！我地去飲茶啦」啊仁笑笑口的向英叔招手

「好啊好啊！追到我咪唔洗比人罰，咁就去飲茶啦」英叔突然拔腿就跑，動作十分敏捷，從一台冷氣機跳到另一台上，然後再爬到老人院的頂層，活像武俠片裏那些使用輕功的大俠飛檐走壁

「呃…即係點啊？」啊仁轉頭問我

「即係追唔到佢就要比人罰囉！追啦！！」我開始跟著英叔的方向跑

「嘩….英叔好似試飛咁，點追啊！」啊仁看著英叔敏捷的動作苦笑地說





「冇計啦，英叔不嬲都係咁跳脫㗎啦」我們圍著老人院的外圍跑，希望可以攔截到英叔

「唉！早知我地揀應付九叔啦」啊仁說

「痴線，你覺得九叔會容易對付咩？」