［打鬥/靈幻/鬼怪］《輪迴。道》/《噬魂》我由古惑仔變咗做現代道士: 441《第二季》

「當年嘅事….大概就係咁啦」英叔說這「故事」差不多說了兩小時，說得他口都乾了

「嘩…..原來當年發生過咁大件事」啊仁聽得目瞪口呆

「但係上次閻三出現冇傷害我地，反而幫咗我地，佢會唔會係已經變返正常？」我想起那次殮房的事，他的確是救了我跟啊仁

「唔知，佢消失咗二十幾年，一直都冇任何消息，突然返嚟，一定有古怪」事隔多年，九叔對閻三還是失望與不信任

「佢就講得啱啦，你地話上次佢突然出現吸走咗個隻卓斌，或者佢根本就唔係想救你地，而係純粹想吸鬼，只係咁啱變相幫咗你地」英叔也是覺得閻三不懷好意





「咁如果我地下次再見到佢應該點做？」啊武問

「佢理應係唔識你地，如果真係再見到佢，記得扮唔知道佢嘅野，唔好同佢有任何交流，去到安全嘅地方再通知我地兩個」九叔叮囑我們

「嗯，知道」我們點頭

「九叔、英叔，點解咁多年都未聽你地提起過依件事嘅」在旁葉靈發問，好像想了什麼

「咁多年閻三冇出現過，所以我地先冇提起」英叔心虛的解釋





「咁個兩個細….」葉靈想再問，但被啊仁截住了

「咁嗰個徐峰呢？佢最後去咗邊？」

「佢？自從霍老大退出江湖之後，佢都放低咗四力個名，離開咗南陽派，自己周圍流浪，都係冇人見過佢啦」英叔說

「咁不如我地去搵霍鎮海？話佢知閻三返咗嚟，等佢處理」王奇問

「我地根本唔知佢去咗邊，況且閻三暫都有咩行動，可以睇定先」九叔搖著頭說





「我地講依件事出嚟呢，係想大家知道閻三嘅危險性，如果真係大家見到佢，記得！千其千其唔好衝動，個人安全最緊要啊！」英叔苦口婆心的說

「由其係你啊！妹頭！你份人咁好勝，唔好以為自己處理到啊，閻三唔係講玩㗎」英叔像極囉嗦的母親一樣

「嗯，得啦」葉靈揮揮手敷衍了事

「今日要講嘅都講曬，夜啦，你地早啲返去」九叔讓我們離去

「係囉係囉，𡃁仔、啊奇！夢晞同洛兒都係隔離乾等咗好耐啦，快啲返去啦」英叔也配合九叔

那我們也只好聽話回去

我們走後，葉靈纏著英叔和九叔

「英叔，霍鎮海個兩個細路依家係邊？」





「呃…佢地」英叔支吾以對的

「佢地係好細個就死咗」九叔從後回答

「死咗…..？」葉靈一臉迷茫

「嗯，就算我地幫佢地改咗名，都係講躲唔過一個刧」九叔開聲

「係一個咩刧？」葉靈追問

「我唔想提」九叔拒絕說出細節

「乖啦妹頭，啲唔開心嘅野我地唔想提起」英叔拍拍葉靈的膊頭





「……..」葉靈一臉失望無奈

「妹頭，點解你咁想知佢地嘅野啊？」

「我啱啱聽完你地講嘅野有一種好奇怪嘅感覺….個心…好似好痛咁，好似關我事咁，而且佢地又係兩兄妹，所以我想知多啲佢地嘅野」葉靈說著說著眼眶莫名的濕潤了起來

「哎喲，傻妹啊，做咩冇啦啦想喊咁啊」英叔想抱抱葉靈

「我返入房」但被葉靈推開了

待葉靈回房後，英叔靜靜的走到九叔旁邊

「喂，咁樣瞞唔到好耐㗎啦喎」

「噓….唔再刻意提起，應該冇事」九叔表示也沒辦法





……..

說說啊烈那邊的情況

在殮房逃走後，「水叔」跟著那水貨明真的找到了啊烈，現在正在過去

「烈哥，啱啱收到個電話，係一個叫水貨明嘅人，佢話佢帶緊水叔過嚟搵你」啊烈的一近身手下跟啊烈報告

現時啊烈正忙於成立一個新社團———天圖

他正不斷招兵買馬，擴大自己能力，決定要自己父親的「皇圖」來個正面交峰