［打鬥/靈幻/鬼怪］《輪迴。道》/《噬魂》我由古惑仔變咗做現代道士: 436《第二季》

數年後的四派中秋晚會上，熱鬧非常

霍鎮海一群人圍著燒烤爐，大人在吃東西，小朋友就在到處亂跑玩樂

「峰哥哥啊！哥哥又蝦我啊」

「冇事，一陣我幫你打佢蘿柚」徐峰單手抱起小女孩

「好啊！！」小女孩開心的拍掌





「啊東！我講咗幾多次！你係哥哥嚟㗎！做咩成蝦個妹妹」葉夜揪著兒子的耳朵

「啊！！爸爸啊！」兒子大喊，找救兵

霍鎮海的兒子是一年四季都穿著住長袖衣服的小孩

「好啦好啦，佢地都係玩下㗎姐」霍鎮海把兒子抱到自己的肩上

「你啊！就係你縱壞曬個仔㗎啦」葉夜盯著霍鎮海





「啊東，你聽唔聽到啊，媽媽唔開心啊，你下次唔好再蝦妹妹啦，知唔知道」霍鎮海抬頭看著兒子

「知道啦爸爸」兒子乖巧的點頭

「乖～咁你地自己去玩啦」霍鎮海把兒子放回地上

「霍大哥，啊東真係越大越似你」徐峰輕笑說

「緊係啦！我個仔嚟㗎嘛！」霍鎮海得戚的說





「霍老大，咁你諗唔諗住教你兩個化骨龍道術？」張英看著自己燒得正香的雞翼

「我緊係想啦，不過好矛盾嘅係，我又想佢地健健康康咁成長，唔想佢地有咩危險…..」霍鎮海說著說著停了下來

然後葉夜接著說

「但…入得我地依行，又有邊個會唔危險，第一日學法師父就已經同我地講，要預咗有一隻係踏咗入鬼門關」

「今日！你地全部人都要去鬼門關！！」突然閻三的聲音傳來

「係啊三！」張九聽出是閻三

「小心！」霍鎮海感應到危險，馬上掉下手上的燒烤叉抱著旁邊的葉夜躲開

嘭！！一道強大的能量打在中秋晚會的現場，場面瞬間變得凌亂不堪，各派都有不少弟子受傷倒地





「夜，你點啊？」

「我冇事，睇下對仔女先！」葉夜自己的額前已在流血，但還是一心想着自己孩子的安全

她四處張望，但完全不見子女的影蹤

「媽咪爸爸！！」聲音從上空傳來

他們眾人抬頭一看，閻三飄浮在半空中，兩手各捉住了霍鎮海的子女

「啊東啊晴！」葉夜看到子女有危險，眼淚都在眼眶打轉

「啊三！有咩事放咗我仔女先！」霍鎮海對著閻三大喊





「你地咁緊張做咩啊，我都係想同我對契仔契女打個招呼姐」閻三的聲音極其古怪，像是有數把聲音重疊在一起

「契仔契女，我係你地契爺啊～快啲叫我啦」閻三用著詭異的語調跟兩小孩說話，並且把他們提高到自己面前

「啊！！！媽咪啊！我好驚啊！！」原來已很害怕的霍蘊晴，被閻三這樣一嚇，更是嚇得小便也尿出來了

「啊！！你個衰人！！你快啲放開我個妹啊！！」霍映東一腳踢在閻三的面頰上，身為哥哥的他平時經常欺負妹妹，但到了危險關頭就看得出來，他非常愛護這妹妹

「你咁樣同契爺講野㗎咩！！」閻三對著霍映東怒吼

「霍鎮海！你點樣教我啲契仔契女㗎！！你唔識教我教！」閻三對著地面的霍鎮海罵道，然後再邪笑的對著霍映東

「契仔，你以後要對契爺要禮貌啲啊～知唔知啊」閻三說完後，突然一手拋下霍映東，霍映東以高速墮下

「仔！！！！」葉夜大叫





「東仔！！」眾人看到也不禁大叫

「爸爸啊！！」霍映東害怕的呼喊

嘭！！！！！！一聲重響….煙霧瀰漫

「仔…..」葉夜雙腳頓時軟掉，跪在地上

「嗄…..嗄….」喘氣聲在煙霧中傳出

「唔洗驚，爸爸係到」煙霧散去，原來霍鎮海以極快的速度趕到，在霍映東墮到地面前接住了他，但自己就被衝撞倒了