［打鬥/靈幻/鬼怪］《輪迴。道》/《噬魂》我由古惑仔變咗做現代道士: 431《第二季》

三日後，一直昏迷的徐峰終於醒過來，他醒來第一件事就是要求見霍鎮海他們，而且還神情慌張的

霍鎮海他們三人知道徐峰醒了便立即趕往南陽派道觀

「峰仔！」霍鎮海他們來到徐峰的床邊

「霍大哥….你地終於都嚟啦！」徐峰雖然已經醒來，但還是十分虛弱

「你受咗傷，唔好亂郁啦」霍鎮海溫柔的笑說，真的像一個大哥哥一樣





「係呢峰仔，你咁急搵我地咩事？」閻三進入主題

「我係想同你地講個奇怪地方嘅事」徐峰說

「我地都想知，到底發生咗咩事，點解全部人變曬殭屍？」霍鎮海看著徐峰

「個日…..

我得到霍大哥點頭帶隊去清除西貢區嘅殭屍，原本都進展得好好





直至到，有位東道派嘅師姐話佢嘅黑石吊咀感應到好強烈嘅屍氣，咁我地就一路追蹤住啲屍氣去到郊野公園

去到郊野公園之後，我地發現有幾隻殭屍嘅蹤跡，但佢地絕對唔係發出強烈屍氣嘅殭屍

我地將依幾隻殭屍解決咗之後，有個男人突然出現

嗰個男人著住卡其色長大褸，紮係條辮，戴住咗個黑色惡鬼口罩

佢一出手，我地全部人都唔係手腳，我已經即係放咗另一個我出嚟，但…..都係冇用





最後佢唔知點樣打開咗一個異空間，將我地所有人同附近嘅一啲路人拉曬入去

仲將佢地變曬做殭屍，而我就比佢吊咗係棵樹到…..」

徐峰將那天的事都說出來

「連你都完全唔係佢手腳…..」霍鎮海在思考著

「峰仔啊，咁佢除咗嗰個鬼面罩之外，仲見唔見到佢有咩特徵？」閻三想得到更多資訊

「特徵….」徐峰苦苦回憶當日的情景

「峰仔，你認真啲諗下」

「三啊，峰仔啱啱先醒，你比啲時間佢啦」葉夜搭著閻三的肩膊





「我知啊…但如果嗰個人真係咁危險，我地遲一秒做野，就可能多一個無辜嘅人出事」閻三也說得不無道理

「啊！！我記得啦！佢對眼！佢對係紅色㗎！鮮紅色！好似發光咁㗎」徐峰終於想到多一個神秘人的特徵

「紅色眼…好，連埋鬼面罩有兩個特徵，我會同北門嘅師兄弟講」閻三說

「嗯..」徐峰看著閻三點點頭

「峰仔啊，你隻手點啊」三人來到多時，葉夜是第一個問起徐峰的傷勢

「呃…..暫時郁唔到」徐峰一說到這個，眼眶馬上泛紅

「師父話傷到筋骨，應該要一段長時間先可以慢慢恢復」徐峰擦擦眼淚





「冇事嘅峰仔，信我！你一定會冇事，好快你就會變返以前咁，同我地一齊去搵嗰個紅眼佬報仇」霍鎮海眼神堅定的看著徐峰

「嗯！我信你！霍大哥」徐峰微笑著點頭

「咁今日我地走先啦，你好好休息下，記得唔好亂郁啊」

「你有咩就再搵我地啦，我地會即刻趕過嚟㗎啦」

「好！我會好快好返！同你地一齊對付紅眼人！」徐峰見完霍鎮海後，鬥志高昂，又燃起了一團火

「啊～我地嘅霍老大真係好野，幾句說話就可以令到峰仔好似撞邪咁，充滿鬥志」閻三笑說

「依個時候，峰仔最需要嘅就係鬥志，咁樣傷都快好啲」

「兩位啊哥，我地係咪應該討論下點樣搵嗰個紅眼人呢？」葉夜看著面前的兩個大細路





「你啱～三啊，你有咩想法啊」霍鎮海將「球」拋給閻三

「呃….我地」閻三一時接不上