［打鬥/靈幻/鬼怪］《輪迴。道》/《噬魂》我由古惑仔變咗做現代道士: 422《第二季》

「三！你幾時偷入過禁書房！」

張帝拍枱大聲責罵閻三

「師父….我」其實閻三在台上使用殺鬼咒時就知道會被這樣

「我講過幾多次！禁書房裏面嘅所有秘笈學咗都會有損陰德！尤其係殺鬼咒，會令到隻妖永世不能投胎轉世！你做幾多好事，積幾多陰德都冇用！」

張帝激心的說，但也其實他心中又是擔心閻三的未來





「對唔住啊師父….徒弟知錯！我應承你唔會再有下次！」閻三跪下，向張帝叩頭

「三啊…你依家已經係四力，地位理應係與掌門平起平坐，我都唔管得你咁多，以後要生生性性啦」張帝上前扶起閻三

「師父，我會努力做好四力個位，唔會丟你架」閻三眼濕濕的擁抱張帝

咔嘭！！

突然門被撞開了





幾個身影從門外倒進房內

是張英、張九和幾個師弟

「呃….師父，唔關我事啊，我經過㗎咋！係啊九拉住我係到聽」張英將責任一下推給張九然後就逃離現場

「我…我？！」張九反應慢了一拍

「師兄，交比你啦！」另外幾名師弟也快步跑走





「唉…你班死仔」張九嘆氣

「啱啦，九仔你過嚟，我都有野同你講」張帝向張九招手

「係！」張九把門關上

「咩事啊師父」張九走到張帝面前

「三之後都會比較忙，以後就由你同衰仔英負責訓練師弟啦」

「好，冇問題，交比我地」張九點頭

「辛苦你啦，啊九」閻三搭著張九的膊頭

「哈，邊夠你辛苦啊～四力」張九回以一笑





「你兩個係北門嘅未來，你兩個要好好背負起依個責任」張帝用欣慰的微笑看著三、九二人

「我地會！」二人同時回答

時間好快去到一年後…..

四力正聚首相討行動

「霍老大啊，有師兄同我講，西貢天后廟個邊有人發現有殭屍出沒，我想帶人去睇睇」

懵懂的徐峰在跟著他們一年已開如變得成熟，但還是年輕，很多事都會先問霍鎮海

「好，但記得，要控制住自己」霍鎮海是說徐峰的內在性格





而年紀和實力都最為高的霍鎮海就被大家稱為「霍老大」，被推舉為四力的代表

「我會㗎啦，我依家已經慢慢可以同佢溝通到」徐峰猛然點頭

「叻仔」霍鎮海一笑




「三呢？處理咗？」霍鎮海問

早前霍鎮海派了閻三帶隊去處理薄扶林殭屍出沒的案件，各派帶多少人、怎處理都由閻三決定

「有我出手點會搞唔掂」閻三自信的笑說





「你做事我緊係放心啦」

「不過…」閻三突然面有難色

「今次傷亡好多？」霍鎮海大概也猜到原因

「北門傷五人，南陽西樓各傷十人，東道….傷七人，死兩人」閻三說出傷亡人數

在場的葉夜聽到自己門派有死傷後也面色一沉

「對唔住….係我能力唔夠先會有人死」閻三自責的說

「唔關你事，我知你盡咗力」葉夜強顏歡笑

「好啦，三啊你都辛苦啦，休息幾日」霍鎮海拍拍閻三





「嗯」閻三點點頭

「咁今日就傾住咁多先，大家都攰啦」霍鎮海也洞悉到大家的心情也不好，想大家早點休息

「峰仔，你有咩問題可以隨時搵我」

「好啊霍大哥」徐峰笑臉點頭

散會後，葉夜自己一個急步的離開了，霍鎮海和閻三相視一眼，知道大家都想追上，所以大家都沒追上

「我走先」閻三揮一揮手便離去

閻三並沒有打算去休息，他急急回到北門的道觀，他登上四力一位後的這一年經常都要出外處理大型事故

這一年閻三添了不了歷練，功力也增強不少，在外多了一個稱號

「閻王」

不少孤魂野鬼在遠處知道閻三要路過便會急急逃逸，免得傷及無辜，亦有不少無門無派的野道人因為閻三而加入了北門派

但這有一弊處，就是令閻三內心有點膨脹….

回到北門，一眾子弟正在練功

「三師兄！！！」眾子見到閻三回來便興奮的向閻三走來

「依班死仔」張九蹺起手說

「佢地有個目標都係好事嘅」張英笑說

「三師兄！你終於返嚟啦！」

「好耐冇見你啦！」

一班師弟衝向他，當中大部分是年紀較小的

「你地有冇聽話努力練功先？」閻三用大哥哥的態度說話

「有！！」師弟踴躍回答

「嗱，一陣食晚飯之後先再同你地傾計，依家去練功先」

「好啊！！」一眾又跑回剛剛練功的地方

閻三向張九招一招手