［打鬥/靈幻/鬼怪］《輪迴。道》/《噬魂》我由古惑仔變咗做現代道士: 418《第二季》

「嚟啦！！」莫峰也轉成握雙刀向王尚仰戰

「決勝負嘅時候啦！」張英跟師弟們說

二人拿著武器向大家衝去，要來一個正面交鋒

乒！！！一道火花閃出

………





周遭都靜了，靜得快要連空氣流動的聲音都聽得見

台上的二人也定住了動作，一動不動的站著

「佢地….」

「已經分咗勝負啦」張英說

砰！！倒下聲響起，他們其中一個倒下了！！





「果然係佢輸」張英冷冷一笑

倒下的是王尚，他的腰間被劃出一條血痕，但莫峰也是留了手 傷口沒有很深，王尚用手按住腰，一步一步拐著下台

「我服你，四力」臨下台前，王尚說出一句

「多謝指教～你好犀利～嘻」莫峰向王尚九十度鞠躬，表示對他的尊敬

然後莫峰又突發眼神變的迷糊，腳步不穩的，霍鎮海上到台扶住莫峰





「峰仔你點？」

「霍…老大，我冇事」莫峰搖一搖頭

「霍老大？哈～唔緊要啦，落台先講」霍鎮海讓莫峰用手搭著自己的肩膀，不想直接扶他下台，因為他想為新四力樹立堅強可信的形象

到了台下時，葉夜和張三都馬上圍著莫峰

「你點啊？」張三問莫峰

「我…我冇事啊」他又變回那個怯弱的莫峰

「等我幫佢回復體力先」葉夜將手放到莫峰胸前

「回天！補！」葉夜的手將一團白氣傳到莫峰體內





「呼～搞掂啦」葉夜擦一擦額前的汗

「你冇事啊嘛？」霍鎮海和張三同時問出

「我冇…」莫峰想回答時才發現他們不是在問他，他們的視線都停在葉夜身上

「我？我冇事啊，你地關心佢啦」葉夜指著莫峰

「係啦峰仔，我問你啲野，你要講真話」霍鎮海看著莫峰

「嗯….」莫峰點頭

「你係咪有雙重人格？」張三搶先一步問出





「係…..」莫峰點頭

「嘩！！依一場係一場勢均力敵嘅戰鬥！多謝兩位為我地帶來咁精彩嘅戰鬥！！咁我地有請最後一位四力上台啦～北門派嘅張三！！」

「呃….我要上台啦，你抖下先！等埋我先講啊！」張三一下就從台下跳上到台上

但這次南陽和東道都沒有派代表上台，而只有西樓派了一人上台，他雙手捧著一個酒酲，而那酒酲上綁著紅繩，貼著符紙，掛滿了銅錢，一看便知這酒酲來頭不小

「我係代表西樓同另外兩派上嚟，今次我地西樓唔係要挑戰你，而算係我地想你幫下手」西樓的代表微微鞠躬

「哎！道兄唔好咁客氣，請講！」張三扶著他的手踭

「依個酒酲係我地上任掌門收嘅一隻千年惡妖，原本一直好地地，早一兩年佢突然破酲而出，好彩我地嘅掌門將佢再次封住，但無論我地用符、用紅線、用銅錢都封唔到長時期，佢好快又可以走出嚟」

「連王掌門都冇辦法？」張三問，因為連一派之首都無能力將這惡妖徹底鎮住，他也不敢輕言





但他也不能說不，四力的其他人都已得到各派的認同，就只差自己一人未「過關」

「嘶！！！！！」剛好，酲內發出刺耳的聲音

「又嚟啦！」西樓代將酒酲捧起

肉眼可見，酒酲內有東西在掙扎，不斷撞擊酒擊，連外形都變了