［打鬥/靈幻/鬼怪］《輪迴。道》/《噬魂》我由古惑仔變咗做現代道士: 398《第二季》

一團被煙包裹住的龐形大物從布袋中竄出，身上帶有兩種顏色的煙霧，一半紅，一半黑

顯然，我們面前的這東西，已經不是卓斌

「雙生靈？！」九叔看見面前的景象也有點不敢相信



「哈哈哈！！我足足比閻三困住咗三十年啦！！」卓斌身體裏鬼那女聲說





「九叔，點解卓斌會咁嘅？！」我問

「唔好問！襯隻野未郁，帶呂醫生出去先！」九叔緊張的說

「呃….哦！！」我遲疑一秒，然後馬上反應

「九叔咁我留低幫手？」啊仁難得英勇的問

「唔洗！雙生靈你地幫唔到手，即刻叫你地英叔嚟！出去！！」九叔目不轉睛的看着卓斌雙生靈





「我地全部出去？！」

「係！快！！」

見九叔如此堅決，我們也不敢逗留多一秒，往門口走去，我往夢晞和啊仁先出去

「八卦圍布！起！」九叔再次揮出符布，符布呈八角形的圍住卓斌

突然！卓斌從符布之間的縫隙中伸出了紅絲般的觸手，，纏住了我的後腿





「啊….」我被拉倒在地

卓斌一下收緊觸手，將我拉近他，我被拉得離開地面

「九叔！」我大叫

九叔跳起腳撐牆身，在牆身遊走幾步來到我身前

礫！！九叔揮劍把觸手砍斷

霹砰！！我和觸手一同掉到地上

「走！！」九叔喝令

我馬上爬起身，跑離冷藏室，九叔用腿把門關上，繼而在門上貼上兩張符紙





「封！」一聲令下，大門披上了一層淡紅色的薄霧，門被九叔封住了

「仁！你打比英叔！我帶夢晞出去」我作出分工

「好….好！」啊仁手忙腳亂的拿出手機

我趁著這時間馬上送夢晞出去

「我送你去到門口」我拉著夢晞的手走往殮房出口

「你一陣要返入去？」夢晞問我

「緊係，要返去幫九叔」我果斷回答





「但好危險喎…..九叔都叫你地走」夢晞再說

「但我點都冇可能掉低九叔一個人㗎」

我已把夢晞帶到殮房的門口，但一個人突然出現在我和夢晞的面前，我立刻放開夢晞的手

……..

「喂….喂！！英叔啊！救命啊」啊仁致電給英叔求救

「呵～仁仔？救咩命啊！咩事啊！？」聽英叔的聲音，他原本還在睡覺

「九叔叫我打比你㗎」

「咩事？！講！」英叔也感覺到事情不簡單，馬上變得比平時嚴肅





「九叔將自己同隻鬼鎖咗係間房入面啊！」

「下？！咩鬼？」

「呃….雙…雙生靈！！九叔係咁叫佢㗎」

「雙生靈？！你地千祈唔好入去！我依家即刻過嚟！！」

英叔趕急的說完就掛斷了電話

「妹頭！執架撐！」英叔在床上跳起，拿起一旁的衣服更換

「得！」葉靈聽到呼叫後馬上打開家中的工具庫「太極門」





九叔英叔的所有工具都存放在裏面






不足五分鐘，葉靈和英叔已拿著一大袋工具從象山出發往殮房趕去

說回我這邊

「呃…點解嚟咗嘅」夢晞問眼前的人

「今日早收工啊嘛，咪諗住嚟接你」突然出現的人正是——王奇

「你地啱啱個樣，做咩咁驚青？」王奇問這個問題時用奇怪的眼神看著我

「入面…」夢晞欲言又止

「嗯？」王奇轉看著夢晞

「九叔係入面，處理緊啲難搞嘅野」我跟王奇打了個眼色

王奇微微瞪眼，再點頭

「你地等我一陣，我入去去個廁所」王奇拍拍我手臂，以後跑進殮房

「喂！做咩啊！唔好入去啊，入邊….」夢晞想拉著王奇，但被我按住了

「放心啦，佢入唔到去冷藏室，你唔比佢入去咪仲奇怪」

夢晞在不情不願的看著王奇進入殮房

幾分鐘後，王奇便從殮房出來，但這王奇有點奇怪

「我地返去啦」王奇牽著夢晞

「好…好啊」夢晞也感覺到一點奇怪，但也沒說什麼，便跟他走了

我轉身想回到殮房，回頭一看發現王奇就站在殮房門口

「身外化身？」我走到王奇身邊，問他

「嗯，睇嚟九叔教你唔少野」王奇見我走到，便起步往殮房內裏走去

我跟上

「但我幫唔到佢手」我說

「經驗姐，九叔係邊？」王奇邊說邊問

「九叔將自己同隻雙生靈鎖咗係冷藏室入面」我說出目前的狀況

「冷藏室係邊！快！」王奇一聽馬上急起來

「到底咩…」我問

同時間

「到底咩係雙生靈？」葉靈問

「有啲複雜嘅，雙生靈萬中無一，需要兩隻鬼將級嘅怨靈同時身處一個空間，而咁啱周邊突然有強大嘅力量同時灌輸入依兩隻怨靈嘅體內，又咁啱佢地同時吸引同一服力量，又又咁啱佢地係冇排斥底下成功合二為一，共存係一個魂體入面」

一次過說完一大篇資訊，英叔都乾咳兩聲