［打鬥/靈幻/鬼怪］《輪迴。道》/《噬魂》我由古惑仔變咗做現代道士: 396《第二季》

時間又過了幾天

殮房內，夢晞正在進行一項解剖手術，陳一和他的「門口狗」林家材也在場，因為死者是一位江湖猛人…..

「死者何瑞濤，六十三歲，江湖人稱水叔，係皇圖深水埗區嘅揸fit人，十六歲就出嚟行，深水埗就係佢幫皇圖打嘅第一個地盤」

「估唔到咁嘅老叔父都會橫屍街頭」林家材說

「人有三衰六旺，月有陰晴圓缺，入得黑道半個身已經入咗棺材」九叔站在一旁





「喂…你覺唔覺得個啊叔好熟口面？」啊仁稍稍的問我

「有少少…但又醒唔起」我也一時記不起

夢晞脫下外科手套

「初步估計，死者係被毆打致死，身上超過三十個地方閉鎖性骨折，六個地方複雜性骨折」夢晞說出她的初步分析

「嘩…都狠」啊仁聽後不禁搖頭





「三十幾個地方骨折….洗唔洗啊，對住啊伯都咁重手」我也感心寒

「唔止啊，我相信致命嘅係頭頂嘅傷，粉碎性骨折，幾乎成個頭頂碎曬」夢晞用手上的筆來指出骨折位置

「痴線….」

「等陣先，咩閉鎖、咩係複雜性骨折？」久久未發聲的陳一問道

「閉鎖式骨折即係，斷骨冇凸出皮膚表面，而複雜性骨折，斷骨凸出皮膚表面，造成開放性傷口」夢晞簡單解釋





「陳sir ，皇圖班友仔真係當我地冇到喎」林家材跟陳一說

「依班仆街，估唔到連老叔父都郁埋，睇嚟嚟緊有大龍鳳睇啦」陳一雙手叉腰無奈搖頭

隔了幾秒，陳一又說出一句

「某啲人最好就生生性性，走得甩一次唔代表走得甩第二次㗎」他邊說眼神就邊看向我們

「仁、航」九叔突然呼叫我們的名字

「係！」

「咩事九叔」

「你地記住，做人嘅野，平生不作虧心事、半夜敲門也不驚」九叔這句話擺明是說給陳一聽的





「哈，人唔笑狗都吠，啊材我地返去」

「仲有！呂醫生，唔該你一陣send返份詳細報告比我」

「好，轉頭我搞掂就比你」夢晞比出okay 的手勢



「九叔，陳一擺到明針對你喎」確定陳一走後，啊仁跟九叔說

「我知，但我行得正企得正，唔需要驚佢，相反係你地要小心」九叔拿出白布蓋著水叔的屍體

「我地？」啊仁指著自己，再看一看我





「你地依排同啊烈行得咁埋，佢實有機會抽秤到你地」

「咁又係喎….」啊仁說道

「我地會小心啲㗎啦」我說

「九仔啊，你聽唔聽到啊？」在一旁的夢晞突然拍一拍九叔肩膀

九叔被夢晞一拍後，就皺眉望向門口，然後將夢晞推向我

「睇住呂醫生」並且說了句

「咩事啊九叔」啊仁問

「噓….你聽下」我阻截啊仁說話並叫他細聽





嗄……嗚……

不知從何處傳來奇怪的聲音，像是人的悲號，又像是怒吼…

夢晞害怕得瑟縮在我身後，手扯緊我的衣服

「小心！」九叔猛然一個轉身

位於我們上方的通風槽突然坍塌，我抱緊夢晞向前一撲，啊仁則向後跳開，但卻稍有不夠，通風槽如直線下墜，定必壓中他

「乾坤八極！布！」

幸好九叔及時揮出符布把通風槽拉往自己，啊仁才逃過一刧，但通風槽就壓到在水叔的屍體上





「有冇事？」九叔問啊仁

「冇…冇事」啊仁呆站原地

「你有冇整親？」我問夢晞

「冇事…唔該你」夢晞被嚇呆

不過她沒事也是應該的，剛剛那一撲，我用整個身體抱著她，落地的也是我的後背

但究竟是發生了什麼事