［打鬥/靈幻/鬼怪］《輪迴。道》/《噬魂》我由古惑仔變咗做現代道士: 384《第二季》

「請你地出示搜查令」九叔跟陳一說

「搜查令？依家我有合理懷疑疑犯匿埋係依到，唔需要搜查令都可以搜！」陳一雙手叉腰

「好，咁你地慢慢搜」九叔蹺起雙手，故作淡定的靠在一旁，實質腦內已在不斷不斷想辦法為我們脫身

「咩事啊咩事啊」肥主管從辦公室走出來了解情況

「你係邊位？」陳一看著肥主管





「我係依到嘅主管啊，啊sir請問發生咩事啊？」肥主管對著陳一恭恭敬敬的

「你係主管？我仲以為佢先係添」陳一看一看九叔

九叔低頭沒說，但偷偷一笑，因為他知道待陳一走了之後又要聽肥主管的廢話了

「哈哈，我先係啊」肥主管笑說

「依家我地懷疑有疑犯走咗入嚟匿埋 ，所以我地會全面搜查」陳一保持着雙手叉腰的動作





「哦～咁唔知我有咩可以幫到你地呢？」肥主管問

「有」陳一說

「係咩呢？」

「行撚開」陳一推開肥主管往雪藏室走往

「呃….」肥主管愕然





九叔馬上跟上陳一的腳步

「跟咁貼做咩，身有屎啊？」林家材亦跟在九叔身後

「唔夠你貼」九叔回看一眼他，林家材跟九叔的距離只有不到一個身位

「依到係咩地方？」陳一指著雪藏室問九叔

「雪藏室，雪屍用嘅」九叔簡單回答他

「雪屍….？」陳一懷疑的看著雪藏室的門

他慢慢伸手，一推而進

「嗯？？」陳一剛踏入就停下腳步





九叔推開另一扇門，探頭一看

「早晨九仔」

原來是夢晞，不知為何她會在這裏出現

「呂醫生你…」九叔也一時反應不了

「九仔，我係到點緊數啊」夢晞跟九叔打個眼色

九叔馬上明白用意

「哦～琴日三個撞車散件，前兩日兩個發脹麵包，啱唔啱數？」九叔故意這樣說





「嗯，啱啊」夢晞乖巧的點點頭

「散件…發脹麵包….」林家材聽到這兩個名詞已經打了一個冷震

「即係交通意外入面屍體比較零碎嘅同埋係水入面浸咗一段時間已經發脹嘅屍體」夢晞還要加以解釋

令林家材對冰格更加恐怖



陳一聽到也不自覺的咽了一下口水，雖說多年經驗已看慣，但應該也沒人會想看到嘔心的東西

九叔看到他們的表情便知自己的計劃成功了

「陳警官，如果你地想徹底搜查我唔介意你地打開冰格睇一睇」九叔把手攤開，伸向冰格





而躲在冰格的我們當然也聽得到他們說的話，原本快要被雪得變冰的身體都因為緊張而回溫

「陳sir～隨便啦」夢晞亦調皮的跟著九叔說

「材仔，你去睇下」陳一卻只是指示林家材一人去探查，自己則站到一邊

「下….下…陳sir，我去？」經過上次可怕的經歷後，林家材聽到要再次面對屍體，害怕的聲音都在抖震

「唔通我啊？」陳一瞪著林家材

「出面…..仲有好多夥記啊」林家材嘗試找籍口為自己推搪

「叫你去就去啦！」陳一怒號





「係…係…」林家材最終還是要認命，垂頭喪氣的走到冰格前

「全部？」林家材望向陳一再次確定指示

「唔通呢？淨係開一個好唔好？」陳一反白眼表示無奈

「……」林家材無語

嘭！嘭！這時，九叔突然拍一拍冰格

「啊！」把林家材嚇了一跳

「你做乜撚野啊！」林家材怒火沖天，將抑壓着的怒火全都向九叔一下爆發