［打鬥/靈幻/鬼怪］《輪迴。道》/《噬魂》我由古惑仔變咗做現代道士: 382《第二季》

「我認真」我堅定的說

「得，去」啊烈同意了我的建議，啊全也都沒有出聲了

「返去搵九叔？」啊武問我

「其一啦，其二係，我諗陳一冇咁快搵到去殮房，我地可以多啲時間諗應該點做」我認真的分析著

「都啱嘅…」啊仁在旁邊點頭





「不過今次真係好似有啲大鑊….」連行走江湖多年的啊全也感到事態嚴重

這一句過後，車內頓時陷入了寂靜

良久，啊武拿出電話，撥通一個號碼

「啊妍，我….我依幾日有啲野做，應該返唔到嚟」

「下？你要去邊啊？」電話對面傳來一把女聲





「有野做啦….總之你自己小心啲啦」

「哦….咁你自己都小心啲啊」

「得，我有咩會話你知㗎啦」

啊武掛斷電話

我們一同看著啊武





「做咩啊？」啊武發現我們的目光

「你有女朋友㗎咩？我地唔知嘅」啊仁問他

「仲要一齊住？」我也答上嘴

「咩女朋友啊？我個妹嚟㗎」啊武反了白眼

「下，但連你有個妹我地都唔知喎」啊仁窮追不捨的問

「平時冇講開啊嘛，所以咪冇提起」

「幾時介紹嚟識下啊」啊仁搭著啊武

「死仔，我警告你啊，你唔好打我個妹主意啊！」啊武一手夾住啊仁的頭





「啊…..得得得！唔打唔打！」啊仁求饒

「點解你地仲有心情玩….」啊全從倒後鏡看著我們

「下，咁都發生咗，頹都冇用㗎啦，諗下辦法好過啦」啊武就是這樣樂觀，安慰自我的人

好快，啊烈就將車駛到葵涌殮房門外




「啊全，你揸架車走，搵地方同我燒咗佢」啊烈將車匙給了啊全

「收到」啊全接過車匙





「有人搵你問我係邊嘅話，死都答唔車，話我揸咗架車走」啊烈再吩咐

「得，冇問題，烈哥，有咩打比我」啊全坐到司機位上

「嗯，自己執生」啊烈點點頭就馬上跟我們跑進殮房內

隆！！！！

啊全駕車離去

「你地口中嘅九叔係咩人？」啊烈主動問我們

「佢係一個高人，好本事好可靠」我說





「嗯…不過，份人就好嚴肅同惡咗啲」啊仁補充

「咳嗯」一聲乾咳從我們背後傳來

「九叔！」除了啊烈外，我們全都轉過身去

「你地做咩慌慌張張」九叔一看我們就察覺不妥

「呃….」我們三人都說不出口，我們闖禍了

「我地比差佬追緊」啊烈卻主動答話

「你係邊位？」九叔並不知道啊烈是誰

「佢係啊烈啊，係我地朋友」啊武先說





「你地做咗啲咩？」九叔皺眉問我們

「呃….」

「講！」九叔一聲怒喝

「就咁嘅…..」

我將整件事的過程和盤托出，九叔聽完後一手抱胸一手托著下巴，眼睛不時盯著我們

叮叮！電話響鈴，是啊烈收到信息

「係啊全，佢話啲差佬真係上咗堂口搵我，依家班叔父比人問緊」是啊全跟啊烈通報

「好彩我叫你唔好返去」我說

「唔知佢地下一步係咩呢」啊仁始終有點慌張

「堂口」九叔戚一戚眉然後輕點頭，眼睛再掃我們

「啊烈嘅背景係比較複雜少少」啊武解釋

「唔歡迎我？」啊烈不屑的問

「我睇人從來都唔睇背景，係睇個心」九叔平淡回應

「咁點呢？我地依家企係到做咩呢？」啊烈不耐煩的，想離開

「後生仔，你出到去可以去邊？」九叔問啊烈

「總好過企係到唔知做乜」啊烈無奈，然後盯著我

「都唔知帶我嚟做乜」啊烈正想提步離開

「我係你就唔會出去」九叔蹺起雙手

外面馬上傳來警車的警笛聲

「又話班差佬係堂口嘅？！」