［打鬥/靈幻/鬼怪］《輪迴。道》/《噬魂》我由古惑仔變咗做現代道士: 368《第二季》

「呃……啊」被十隻指甲插入的啊武疼痛得面目猙獰，雙眼瞪得像燈籠般的

雙腳漸漸被抬至離地，呼吸也開始成為問題

「嘶…….」女鬼發出低沉的聲音

「望咩….啊望」啊武面頰都變得通紅，眼睛也佈滿紅絲

女鬼將手扣得更緊





「啊呃…..」啊武的口水從嘴角處流出，大腦開始缺氧，意識逐漸變得模糊

而女鬼就像在等這刻一樣，拔出插在啊武頸內的指甲，轉為雙手捧著啊武的面頰，烏黑的雙眼一下變成鮮紅，定睛看著啊武的眼睛，對視著

原來意識已變得模糊的啊武在看到女鬼的雙眼後更直接失去了知覺，跪坐在地上

「嘻嘻哈～」站在一旁的小孩看到啊武的倒下，歡喜地拍掌笑笑

「唔好….對..對唔住…我唔想燒你㗎…」





啊武亦陷入「幻象」之中……

畫面轉來到九叔家裏

英叔不斷的左右徘徊，為我們感到緊張，而九叔則淡定的喝著茶，像沒事發生一樣

「你唔緊張㗎咩」英叔問九叔

「點解要緊張？」九叔看一眼英叔





「咁睇嚟邊個會贏，你心入面已經有數啦」英叔坐到九叔面前

「唔知你講乜」九叔偷偷嘴角上揚

「都差唔多夠鐘啦，我地出去搵佢地啦」英叔拍枱站起

九叔被英叔拍枱嚇一跳

「……你可唔可以唔好咁大動作」九叔反英叔白眼

「哎呀，男人老狗唔好咁煩啦，行啦」

英叔背起自己的弓箭就往大門走去

「唉…..」九叔亦拿起劍袋出發





現在距離訓練時間結束尚餘五分鐘




「你估班死仔有冇入到百佳啊嗱？」英叔將弓放在肩膀上，雙手搭上

「你覺得？」九叔反問

「我？我估應該唔會入去嘅，裏面黑媽媽，寫住危險兩隻字咁濟，冇咁蠢嘅，入面嗰兩隻野對佢地嚟講，唔係講玩㗎」

「佢地應該會去停車場，停車場咁大應該有排搵，加上停車場又淨係得巫靈，佢地識揀嘅」英叔分析他的看法

「唔係個個都咁冇冒險精神」九叔則一句反駁





「喂，說話唔係咁講啊，我都係停車場綁咗兩條白布帶㗎」

「哼～」九叔冷笑一聲

「笑咩姐？你又知佢地一定去邊嘅！？」

九叔沒有回答，只是繼續前行

「喂！唔好了解自己徒弟咁喎！」

超市內

女鬼看著啊武，並沒有作出攻擊，而是站在一旁竊笑





更有點像在觀看表演節目一樣，頑皮的小孩鬼也安靜的坐在母親的腳邊，盤著腳自玩自的

「唔好….求下你…啊…對唔住…」啊武雙眼放空，口裏說著「幻象」裏的對白

這刻！

一下刀光閃過！是我！我重新拿起彎刀往女鬼的背部揮了一刀

「放開我朋友！！」我意識強行衝破了女鬼的幻象

「啊咔？！」女鬼痛疼慘叫，同時又顯得一臉錯愕，不懂我如何衝破幻象

說真的我也不知道我是如何脫身的，在「幻象」中我看到一個身穿白色長裙的女子被困在一個玻璃棺材中，她不斷向我求救，但我卻像被一幅透明的牆擋住一樣， 完全無法靠近她，我就這樣眼睜睜的看着他在我面前灰飛煙滅…..

而就在這一刻，我的意識衝破了女鬼的幻象





女鬼受襲，對啊武使出的幻象也隨之而消失

「呃…..」啊武朦朧中醒來

「武！醒啊！」我叫喚啊武，希望令他更快醒來

「嗚啊！！！！！」小孩鬼看到母親受襲馬上對著嚎哭起來

但他這一聲嚎哭卻不是開玩笑，哭聲像超音波一般把我震飛開去，震得我頭昏腦脹，耳朵和鼻孔都流出了鮮血