［打鬥/靈幻/鬼怪］《輪迴。道》/《噬魂》我由古惑仔變咗做現代道士: 365《第二季》

「武！準備落地！」我盯著旁邊的欄杆

左腳踏前跳起，提起右腳往欄杆借力一撐！色餓鬼的舌頭就在我面前，我反手握著彎刀，下而上一揮

嗞！！！

「嗷啊！！！！」色餓鬼那肥粗的嘔心舌頭響刀而斷，他發難反抗，也面前的啊仁一腳踹開

「掂啊！」啊武做好落地的準備，舌頭一斷，離地甚高的他就捉好重心，身體微傾向前，腳尖一著地就向前翻滾，一滾就是三圈，把衝擊力都卸掉





斬斷舌頭的我也回到地面

「我埋尾！」啊武要把被捉住的怒火狠狠地發洩

啊武飛身就是一記衝膝，正中色餓鬼的的下巴，他乘勝追擊，雙踭下沉，直劈到色餓鬼的鎖骨位置

再次中招的色餓鬼胡亂揮爪，希望能抓到啊武，但敏捷的啊武早已後退兩步，色餓只能抓了個空

到色餓鬼回過神時，啊武又已回到他的面前





「嗚？！」色餓鬼被啊武的速度嚇到

「鬼都識驚㗎咩」啊仁在一旁冷笑

「咁鬼以前都係人，只係怨念太深先變成咁姐，可能佢地都唔想」我或許道出了怨靈的唏噓

「嘩，你講野幾時咁玄㗎，學曬九叔啲野」啊仁皺眉微笑，對，簡單來說就是一個奇怪的表情

「下？冇啊，突然諗到咋」





其實啊仁也不是第一個這樣說，連洛兒也說過我的性格發生了點轉變，變得沉實、成熟了一點

不過我自己就不覺得有太大分別

說回啊武

「仆街啦！！」啊武將雙手塞到色餓鬼的嘴內，上下發力！

咔咯咔！！清脆的爆骨聲響起，綠血也隨即四濺，色餓鬼的上下顎被啊武強行扯開，嘴巴變成了口裂女般

「呼！行得」啊武將色餓鬼的掉到一邊，色餓鬼亦隨即化為一灘血水

「啊武你進步咗好多」

「如果係叻嘅就唔會比佢纏住啦」啊武仍然為被色餓鬼所捆而心有不憤





「九叔佢地比得呢個訓練我地，就預咗我地一定遇到困難，今次當拎經驗啦！」我拍拍啊武

「再遇到依隻鬼，我第一時間就要扯甩佢條脷！」啊武磨拳擦掌的準備接下來的戰鬥

短暫的戰鬥結束，我們三人繼續踏上尋找白布帶的旅程

但十五分鐘轉眼又過去 ，我們沿路經過象山快餐店、護老中心，也毫無發現，時間剩下不多，至今也只得我手上的一條白布帶，毫無進展

「點㗎….搵極都冇嘅，九叔係咪fake我地㗎」啊仁已開始急躁起來

「行快啲啦，如果到尾真係搵得一條，我地死梗㗎」急躁的他加快腳步從平台下樓梯到下二樓

嗚…..





突然一聲悲鳴，把啊仁的急躁都收起

「你地…」啊仁停下了腳步，整個人定格的看著聲音的來源

百佳超級市場…..

「我聽到」緊追在啊仁身後的我同樣聽到剛剛那一聲悲鳴

「咩聲啊？我聽唔到喎！」跟在最後的啊武則聽不到

「有啊，好肯定有，係入面傳嚟㗎….」啊仁指著超市

「嗯，我聽到係女人聲」我說

「女人？我聽到係男人聲….」啊仁錯愕的看著我





「嗯….但我聽到好高音，係女人聲嚟」我咽一下口水，全身的毛管都竪起

「我就聽到好低音….」啊仁的表情也逐漸變得有點恐慌

「我地唔好理男定女啦，係結界入面都係得我地三個人㗎姐，所以啱啱個下聲都唔方係咩好野㗎啦，我地繼續搵白布帶啦」啊武的頭腦在這一刻莫名的清晰，他環視四周，沒有特別發現後後就再下一層進發