［打鬥/靈幻/鬼怪］《輪迴。道》/《噬魂》我由古惑仔變咗做現代道士: 356《第二季》

「……..你想點啊」西狗也是無奈，十多名手下都傷不了面前這人分毫

「我啱啱講咗啦，我係嚟傾生意」莫盡再次坐下

「你….你想傾咩啊，我..我又唔知你咩料」西狗還是口窒窒的

「唉啊，搞到啲野亂曬，好彩仲有半碟肥牛姐」莫盡在把掃到枱邊的肥牛放到鍋裏

「嗯…」莫盡突然停下動作，望一講火鍋再望一望地上那古惑仔





「……..」莫盡放下筷子，吃意全滅

「唉，講返正經野先，今次我係好有誠意嚟搵你合作」莫盡十指合上認真的說

「合作？你想點合作先，或者咁講，點解我要同你合作」西狗雖然為人討厭，但也不是沒有智慧

「我知道有人阻住你上位，死咗個啊哥，依家又到個細佬，我可以幫你解決佢，幫你上位，甚至做埋龍頭，但你賺到嘅要分一半比我」

「你到底咩料啊，點解知依啲野，仲要同我五五開？」西狗開始嘗試拿出自己的「大佬格」





「睇你又唔似係出嚟撈野，你邊瓣㗎」西狗拿出香煙，點火

「我？我當然冇狗哥你咁威啦，做大佬，在下係南陽派第七十二代掌門——莫盡」莫盡總算自我介紹

「南陽派？乜嚟？聽都未聽過」西狗蹺起手說

「唔緊要，你將會知道」莫盡微笑說

「哈，點解要信你？你一個可以打十幾個，咁廿個呢？三十個呢？」西狗擺出囂張的笑臉





繼而有約莫三十人手拿著武器從四方八面湧出，把把大排檔重重包圍，不留一條生路

「唉….想合個作都要搞咁多野，冥頑不靈….」莫盡無奈的搖頭

「驚呢？夠膽單拖嚟搵我，傻閪」




莫盡一下拍枱，嚇西狗一跳

「嚇鬼啊大笨象！！郁佢！！」西狗把手上的煙頭往莫盡彈去

「郁佢！！」





「你死撚梗啦！！」

「劈佢老味」

莫盡冷靜的看一看四周，看一看有沒有適合用的東西，他眼睛停留在一個角落，嘴角上揚

讓他定睛的是筷子盤，有過百隻筷子在內

莫盡閉上眼，吸一口氣，運氣，靈氣外露

第一刀揮來了！莫盡及時張開眼睛，往後退一步然後再低薪避開背後一棍，轉身一個掃堂腿，身旁的四五個人全數倒下

然後莫盡再向前一個筋斗，遠離人群

「走啊？！」





「你咪走啊！」

古惑仔們都以為莫盡是想逃跑，但卻想不到自己的惡夢到了

「走？未得」莫盡冷冷的說

莫盡吹一下口哨，筷子盤裏的筷子傾盆而出，全都升到半空中，去到莫盡身後

「攻！」莫盡一聲令下！全數筷子往三十多名古惑仔飛去

本應毫無殺傷力的筷子，在莫盡手上變的恐怖非常，利用速度和衝力變成了一支大「針」，不停刺穿古惑仔的身體

「啊！！！」





「咩嚟㗎？！」

「屌！！筷子？！」

哀號聲四起，好快那三十多名古惑仔全數倒下，身上都是一個個洞，雖然莫盡已盡量避開要害，但多處傷勢也是疼痛

「呼～搞掂，又得返你啦狗哥」莫盡轉身望向呆住的西狗

「你…你…你咩人嚟㗎…..」西狗再一次被嚇到口窒窒

「我？我啱啱已經講咗㗎啦，你唔好要我講多次啦，合作定唔合作啊？」莫盡伸手一扣，一束筷子飛到他手裏

「得！！！合！！你想點合作都得！！！」

「唉，你一早咁合作咪冇事囉，狗哥」莫盡拍兩拍西狗的臉就轉身離去





「我…我點搵你啊」西狗想起自己沒有莫盡的聯絡方式

「我會再搵你」莫盡揮一揮手就離去了

「啊！！！！仆街！！」在確認莫盡離去後，西狗發瘋似的拍打枱面

並拿起地上的一張摺櫈揮打地上的手下

「你地！！一個二個！全部都冇撚用！廢柴！！」