［打鬥/靈幻/鬼怪］《輪迴。道》/《噬魂》我由古惑仔變咗做現代道士: 353《第二季》

靈堂內的氣氛突然變了，原本肅坐在前排的幾個中年人都轉望向門口

門外，一名外表冷酷的男子到來，他身穿全套三件頭黑西裝，髮型兩邊剷青，後留了一條辮，而他的左臉頰上有一條刀疤，因此他跟焯哥十分相似，而他身後跟著幾十名手下，而且他的年紀應該跟我相若而已，他是什麼來頭

「搵到打死我啊哥個條友未？」那男子問靈堂內的人

「未啊…烈哥」焯哥的其中一名手下怯懦的說

男子深深吸一口氣，然後從西裝外套的暗袋拿出了一支雪茄，並拿出一個雪茄剪，剪去末端，而他身旁的手下見狀也拿出打火機，為他點煙





「三日，三日內搵唔到佢，你地自己落去同我啊哥交代」男子吸入一口雪茄，緩緩說出

「呃….知…知道烈哥」焯哥的手下點頭

男子用雪茄的煙頭推開焯哥手下

「啊嘶……」焯哥的手下讓路，男子繼續前行

「啊烈你嚟啦？」





「你伯爺點啊？」

「節哀啊，烈仔」

前排的中年人全都走到男子面前，噓寒問暖似的，而這時更清晰，他叫啊烈

「各位叔父，你地介唔介意比我鞠個躬先？」啊烈口擔著雪茄，目無表情的說

「呃…..好」眾叔父都呆一呆才反應回來





啊烈一步一步走到焯哥的遺照前，雙手按著供奉枱，低下頭，深深吸氣，戚一戚眉頭，笑起上來

「哈哈哈哈..張炎焯啊張炎焯……」

「你話你幾戇鳩啊….你話你劈友比人斬死斬我冇得怨…依家你打拳比人打死…..屌..你叫我點同老野交代？」

雖然啊烈像是在罵在諷刺，但由他的表情和語氣其實看得出他十分傷感，眼框也濕潤起來

「你一路好走，我地來世….再做兄弟」啊烈瞪大雙眼，用手抹去淚水

「不過係我做大佬」

啊烈收拾好情緒，轉向走到焯哥的妻子面前蹲下

「嫂，生活有冇問題？」啊烈摸著芷柔的頭





「冇問題嘅，你啊哥留低嘅都夠我地兩母女洗大半世….」焯哥妻子落寞的說

「依到，係我做細佬嘅小小心意，生活上有咩麻煩嘅記得同我講」啊烈從暗袋內拿出了一大疊鈔票，全是千元大鈔

「唔洗啦，我地夠啊」焯哥的妻子不願收下

「芷柔，你幫媽咪拎住啊，記得小心啲袋住喎」啊烈也不強求要她收下，轉向將錢給了芷柔

「知道！」乖巧的芷柔將那疊千元大鈔放到自己的小背包裏，然後緊緊抱住背包

「乖女」啊烈笑著摸芷柔的頭

突然，啊烈望向站在旁邊的我們





「你地好生面口，邊位？」

「呃….我地係…啊焯嘅朋友」突如其來的問題讓我們呆一呆

「朋友？我大佬都會有朋友？」啊烈似乎不太相信

「烈，佢地真係你啊哥嘅朋友，中間嗰個算係佢打拳嘅教練」焯哥的妻子發聲

「嗯？打拳教練？」啊烈走到啊武面前，並且是靠得超近，感覺來者不善

「唔算教練，大家交流下咁姐」啊武淡定的回答

「交流….即係係你條撚樣推我大佬上台㗎啦」啊烈突然一手揪住啊武的衣領

啊武一手壓下啊烈的手臂，一手推開他





「喂！！」

「 咩料啊！！」

「想點撚樣啊你」

啊武這一推引起了現場人士的強烈反應

「你地冷靜啲先！」啊武卻依舊淡定

「啊焯唔係我拳館嘅人，亦唔係我推佢上台，比賽前我有叫佢唔好上台，我相信冇唔少啊焯嘅手下都聽到，唔信你可以問下佢地」啊武說

「係啊烈哥，嗰日我地幾個都有聽到」跟啊武比較熟的焯哥手下馬上幫啊武出聲





啊烈整理好西裝，望向那手下

「我有叫你出聲？」

「呃…..對唔住烈哥」那手下退下

「點解你要叫我啊哥唔好上台？」啊烈問

「嗯….」啊武不直接回答，因為這答案難於開口，難道說有一群邪道控制拳賽嗎？

「邊個係到嘈宣巴閉啊？」這是門外又傳來一把聲音