［打鬥/靈幻/鬼怪］《輪迴。道》/《噬魂》我由古惑仔變咗做現代道士: 351《第二季》

焯哥用手臂護住肋骨，他自己也知道莫逆將會針對他的傷患

「驚啊？冇用啦！」莫逆說完就上

他故意起腳踢向焯哥的腰間，焯哥後退，莫逆再追

「走去邊啊！」莫逆一個弓步，揮出右勾拳

目標也是焯哥的腰間，焯哥繼續以手臂抵擋





「嘶….」但即使用手臂擋住，震盪還是會傳到體內，骨折的地方還是會受到影響

「嘻！」莫逆也觀察到焯哥的反應，不斷的出拳，擊在同一個位置上

嘭！嘭！嘭！嘭！

「焯！撐開佢啊！」啊武大叫

「啊！！」焯哥看準時機前腳一蹬，成功跟莫逆拉開了距離





直至這時，才看得清原來焯哥的前臂已瘀黑了一大片

「嗄….嗄…」焯哥整個的重心都偏向了一邊，骨折的那邊

「好似好痛咁喎」莫逆已瞬速的找回重心

焯哥沒理會莫逆

「哈～真係幾硬淨」莫逆笑語，之後又再追擊





焯哥這次奇怪的沒有任何反應，只站在原地，一動不動，莫逆見此也沒想太多，舉腳就是重掃，一腳一腳的踢在焯哥的肋骨上

「焯！唔好！」

咔…咔…咔咯…骨折此起彼落，場上的人都開始隱若聽到了

大家的表情也是震驚的，因為即使這樣，焯哥都沒有反擊或是任何動作，任由莫逆攻擊自己的傷患處

啊武大概也猜到焯哥的想法，但他實張看不去，他搶過焯哥助手手上的白毛巾，繼而拋出

而與此同時的焯哥卻突然作出了動作








「啊！！」焯哥突然一聲大叫，把台上的莫逆嚇了一跳

但莫逆已出現一個黑影，是焯哥的手踭，莫逆想提手去擋，但已來不及了，焯哥的踭擊從天而降，剛好擊中莫逆正向上看的眼珠，踭骨和眼窩配合得完美無瑕，

莫逆的右眼眼球受到強烈的衝擊力，被強行壓破了

「嗚啊！！！！我隻眼啊！！！」莫逆在極度疼痛的情況下，胡亂的向前揮出一拳

嘭！！！這一拳狠狠的打在焯哥胸口，但焯哥卻無動於衷，而且還伸手接住了啊武拋出的白毛巾

「我，唔需要投降」焯哥把毛巾拋離擂台

而莫逆用手掩著右眼，但也阻不到血液洶湧的流出

「我睇唔到野！！啊！！！」莫逆跪在地上，好快便暈了過去





「呃…..救護人員！！即刻送佢去醫院！！」台上的拳證這刻才意識到問題的嚴重性

「……」台下的莫盡更是意想不到，他錯愕地看著台上的焯哥

「我係唔會比人，破壞拳賽」焯哥視線掃向莫盡

「焯哥點解會咁講…佢知道咩….」我問啊仁

「我冇講啊，佢仲要係望住莫盡喎…係咪你啊？」啊仁又再問啊武

「我都冇喎….」啊武見我們都看著他便搖頭

焯哥理應是不知道南陽派控制拳賽的事情啊…..





這就要回到一個月前….



啊武的拳館內

「你真係唔諗住比啲師兄弟參賽啊？」我跟啊武啊仁站到啊武的工作枱旁說著南陽派的事

「嗯….我都唔想，但冇可能由得佢地上台面對啲唔公平嘅比賽」啊武做出這個決定也是需要很大的決心

「咁啲師兄弟有冇嘈你？問你點解」啊仁問啊武

「唉…點會冇啊…但我又唔可以我直接講係有人操控拳賽，到時洩漏出去就麻煩」啊武無奈的說

「南陽依班人真係…..如果可以真係好想打鑊佢地」啊仁說





「唉…但我地邊可能打得贏莫盡啊」我向啊仁潑了一大盤「冷水」

「屌….我夠知啦，死仔，講下都唔得咩」啊仁用拳套掉向我

「我地唔得姐，或者英叔九叔得呢」

而其實這時，同樣也在拳館的焯哥剛好站在了一個大沙包後，都聽到了我們的話，事後焯哥動用自己的手下，四出調查「南陽」是什麼新興起的幫派，但卻無果

「焯哥，我地啲手足依幾日出盡力去搵都搵唔到江湖上有「南陽」依班人…..」焯哥的師爺跟焯哥匯報

「…….嗯」焯哥點頭

「但我搵到…..」師爺卻又補了一句

「嗯？」焯哥望向他

「呃…搵到….」師爺欲言又止

「講啦！」焯哥大聲一哮

「我搵到茅山道術入面有個派別叫南陽派….不過我估應該唔會係焯哥你想搵嘅人」

「知唔知佢有咩人？」焯哥問

「淨係查到，佢現任嘅掌門叫莫盡」

「莫盡….」焯哥依稀記得，我們的對話裏出現過莫盡這名字

「嗯，係佢啦」