［打鬥/靈幻/鬼怪］《輪迴。道》/《噬魂》我由古惑仔變咗做現代道士: 345《第二季》

但我和啊仁相對地淡定一點，而第一次接觸靈界朋友的啊武便嚇得不輕

「啊泉，同佢地打個招呼」九叔說

「你地好，我係啊泉，係九叔嘅靈界幫手」那個啊泉向我們招招手

「你….你好」我回應他

「得啦得啦！我信啦！！！」啊武緊閉雙眼，不敢直視





「啊泉，你可以走，做自己野，有野我再叫你」九叔看啊武的反應就叫啊泉離開

「係，九叔」說完後啊泉就在空氣中散去

「得啦，走咗啦」英叔搖搖頭

「呼…..」啊武這才鬆一口氣

「唉，本來見你身手咁好諗住過你兩招，點知你咁細膽，都係算啦」不知英叔是跟啊武開玩笑還是認真的說





「唔好！！我好想學野！我一啲都唔細膽㗎！你教我啦！」啊武聽到後極大反應，他果真是一個武痴，對於進步有源源不絕的渴求

而這次我們也讓見識到「師伯」——英叔的身手是如此非凡

「見你咁有誠意，我考慮下啦」英叔坐下，蹺起手說

「好啊！」啊武興奮的歡呼

…..





日子轉眼又過去了兩個月

「下星期會有拳賽，相信到時南陽派個班人會同上次一樣，影響拳賽」啊武說

「最怕到時唔係啲魚毛蝦蟹係會場，係莫盡親自出馬」啊仁說出的也是我的擔憂

「今次見到佢我一定唔可以再輸比佢」啊武一想起莫盡，萬般怨恨立刻湧上心頭

「武仔，唔啱聽我都要講㗎啦，以你依家嘅身手，同莫盡仲差好遠啊，所以見到佢都唔好郁手，蝕底嘅只會係你」英叔提醒啊武

「……..」啊武聽後不語

「你兩個都係，見到佢唔好亂嚟，要即刻同我或者佢講」九叔指著英叔

「但我到依家都唔明，點解南陽派要插手拳賽呢？對佢地有咩好處」我問





「係囉，就算修羅場班人會比錢佢地，應該都唔會多得去邊啊」啊仁接著我的話說

「依層我已經問過啊焯，原來一直以來都有社團利用正規嘅拳賽嚟做賭盤，一年都有過千萬賭注」啊武說出他所得的資訊

「估唔到連正規拳賽都有得賭….」啊仁錯愕

「唔怪得南陽派嘅人會控制拳賽啦，佢地賺埋賺埋應該賺唔少」我說

「點解南陽班友仔咁多年都係咁，硬係要走偏路」英叔無奈的說道

「正所謂上樑不正下樑歪，佢地嘅掌門係咩人，下面嘅咪跟足」九叔說道

「其實都唔完全關莫盡事，我地做𡃁仔個陣南陽都已經係咁，係南陽一直以嚟嘅風氣」英叔補充





「點解咁老土，門派之間總有一派一定係奸嘅呢」喎裙啊武突然說出一句令全場人靜下來

「呃….唔好意思」啊武看一看現場氣氛，馬上道歉

「嗯….近朱者赤 近墨者黑」九叔看一看啊武再看一看英叔

「嘻嘻….」英叔和啊武同步尷尬笑笑

「好啦好啦，講返正經野先，武仔今次你拳館會有幾多人出賽？」英叔把話題拉回正軌

「我…諗住叫佢地今次唔好出賽住，對手咁樣作弊法，對佢地好唔公平」

「嗯…都啱嘅，可以嘅就叫佢地停一次，等我地解決咗件事先」英叔同意點頭

「但啊焯堅持要出派人出賽，我點勸都冇用」啊武說





「你同佢講咗咩事？」我問

「冇啊，我只係同佢講今屆會有特別狀態，叫佢唔好出賽，但佢唔聽，而且今次佢仲會親自上場，佢話以佢年紀再唔打多幾場就冇得打」

「焯哥今年幾多歲啊」我問

「佢今年三十㗎啦」

「嘩，咁又真係睇唔出喎…」

「勸唔掂都冇辦法，唯有到時睇緊啲」九叔說

「好，或者我依兩日再同啊焯講下，睇下佢可唔可以唔出賽」