［打鬥/靈幻/鬼怪］《輪迴。道》/《噬魂》我由古惑仔變咗做現代道士: 342《第二季》

是英叔的聲音

他走到九叔的身旁，用手搭著九叔的肩膀，由一對一的變成了一對二的局面，莫盡興奮的表情逐漸變得僵硬

「點解你係到」九叔推開英叔的手

「平時你冇咁早出門㗎嘛，今日見你咁早咪跟下你囉，點知就有野玩」英叔看著莫盡笑了

莫盡自知自己已陷入了吃虧的局面，真的起衝突的話，勝算甚低，所以他沒作聲，一直靜觀其變





「點啊？同唔同我玩啊？」英叔笑著再問莫盡

「英哥啊，好耐冇見」莫盡收起悄悄鐵鍊

「唔洗扮野啦莫盡，你係咩人，你估我地心裏冇數咩？」英叔帥氣的回答

「哈，英哥，你真識講笑」

原本還笑著的莫盡突然變臉，從袖裏拿出一疊符紙





「天君令，破」咒語一出，他手上一疊符紙馬上變得像炮仗一樣，爆響不停，更揚起一陣沙塵，把大家的視線弄模糊

「咳咳….咳咳..咳」沒昏迷的我吸入沙塵，不繼咳嗽

「你條粉腸！」英叔舉手一揮就把自己面前的沙塵撥開，撥出一條「縫隙」，他從「縫隙」看到莫盡的身影

馬上提步衝去，他跳起轉腰，拉弓揮拳！拳風把他身邊的沙塵都捲成一個小小的「塵龍捲」跟隨著他的拳揮出

呯！！






英叔這一拳，狠狠擊中莫盡的面頰，但結果卻不如他所想

他眼前的「莫盡」被擊中後化成了一縷煙，消失在面前，只剩下一張人形符紙在地上

「唓，身外化身」英叔一臉不屑說

英叔起步想去追

「唔好追」卻被九叔阻止

九叔拿著雙劍一揮，空氣中的沙塵一下就被吹散了

「追嚟都冇用，睇下佢地幾個點先」九叔看著地上的我們





「依到三個，邊兩個係你徒弟啊？」英叔問

九叔用雙劍分別指住我和啊仁

「好彩莫盡留咗手咋，如果唔係你兩個徒弟睇怕都係咁先㗎啦」

英叔邊說邊為我們檢查傷口，而九叔則拿出手機

嘟….嘟嘟…

「靈，你係唔係屋企？」原來是致電給葉靈

「係啊，做咩啊？」葉靈問

「準備啲敷藥、紗布繃帶、藥水，一式三份」





「你同英叔整親？！但一式三份…仲有邊個？」

「唔係我地，準備咗先，我地依家返嚟」

「好」

電話掛斷，九叔收起電話

「帶曬佢地返去？」英叔好像很意外

「嗯」九叔點頭，九叔二話不說就把我和啊仁扛在肩膀上

「佢唔係你徒弟喎」英叔指著啊武





「咁你做唔做得出唔救佢？」九叔反白眼

「哈，咁又做唔出」英叔也將啊武扛到肩上

「我地點返去啊？」英叔問

「搭的士，唔通行返去？」

「咁都好啲」

回到象山

「妹頭，開門！」

葉靈聽到呼叫快上跑往開門





「嘩？！搞咩啊？」葉靈看到九叔英叔肩上的我們被嚇了一跳

「入去先講」九叔扛著我們二人，體力已開始下降

進屋後，九叔他們將我們三人安置在沙發上

「九叔啊，佢地…」葉靈說到一半，看到沙發上的我

「係佢？……」

「妹頭，你識佢？」英叔問葉靈

「唔知佢叫咩名，但我幫過佢，上次我去泰國都係救佢」葉靈說

「去埋泰國救人都唔知人地叫咩名？唔係掛」英叔半信半疑

「真係唔知啊」

「佢叫陳天航」九叔在背後發聲

「陳…天航？」葉靈疑惑的看著暈倒的我