［打鬥/靈幻/鬼怪］《輪迴。道》/《噬魂》我由古惑仔變咗做現代道士: 328《第二季》

他直接暈倒過去

其他人被我的動作嚇到，停下了衝上來的愚笨行為，而剛剛被垃圾袋絆跌的六人亦有四人趕到「戰場」

「做咩停曬手？」我擺好功架，等他們隨時過來

「𡃁仔！你唔好咁撚串喎！」

「我地係跟斌哥嘅，依到附近好多都係佢地盤，你死梗咪㗎」





他們你一言我一語的說著

「我唔知咩地唔地盤，我淨係知我唔係見死不救嘅人，你地咁多人都驚我一個人？」我淡然說

「一齊郁佢！我撚唔信佢有三頭六臂！」

「啊！！」

「斬柒你！！」





現在為數八人同時向我衝來，我不能坐以待斃

我視線掃描他們每一個人，發現他們當中有一個人下盤最為不穩，我選他下手

我主動衝前「迎接」他，他見我向他衝前，他高舉手上的刀

「蠢…」我無奈的搖了一搖頭，他這樣舉高手，只會令自己的弱點都暴露給對，所以他這樣正合我意

我用左手捉著他的右手，然後踏步轉身同時右手伸出夾著他的肩胛，過肩摔！！





我把他摔在地上，捉緊他的手，繼而踩住他助骨處，用力一扭

咔咯一聲！脫臼了

「啊！！！」他痛苦的叫喊

我放開手，蹲下，一把刀從我頭頂上劃過

我右手按地，作為圓心，往後一擺腿

噼啪！！

我背後的人被我掃倒，我舉起手踭向前一趴，手踭正中對方的氣門

再加一踭，又搞定一個





又是剩下六個

我正打算繼續出手時，情況出現了變卦令我可以停手

「焯哥！！」一群人突然從四方八面湧出

「你地死撚咗去邊啊？咁遲先嚟」看來就是被斬傷那男人的手下

「對唔住啊焯哥….我地已經盡快㗎啦」手下馬上道歉

看來已經沒有我的事，我拿起背包，準備離開現場

「喂，兄弟，等陣」那個焯哥叫停我





「係？」我回頭看他

「兄弟，唔該你」他向我道謝

「唔洗啦，好少事姐」我揮手道別

「你叫咩名？」他問我

「叫我啊武得啦」

「以後有咩事就撻我焯哥個名」他這是報恩？

「你自己小心啲啦」說完後我就真的離開了現場

這是我跟焯哥的第一次相遇





《啊武視覺》完

回到現在

焯哥已收拾好離開了拳館，啊武亦從擂台上下來走到我旁邊

「你頭先打得好精彩」我由衷的敬佩他

「普通練野姐，你地努力啲你地都得㗎」啊武謙虛的表示

「係就好啦，咁就唔洗比九叔打得咁慘啦」啊仁說

「九叔？」啊武不知九叔是誰





「佢係我地兩個嘅上司嚟」我解釋

「下？！上司會打你地？」啊武驚訝

「唔係！呃….好難解釋清楚，總之佢唔係真係想打我地，佢打我地係教我地….」我自己說著說著也亂了

「呃…..唔緊要啦」啊武有點尷尬的說

「不過，你地依家身手都叫有啲進步啊，連啊叔都打唔贏？」

「佢唔同，佢唔係一般啊叔，佢….」我也不知道該怎麼說下去，難道直接說出九叔是一個身手了得得道士？

說出來啊武也不會相信吧

「佢係一個好打得嘅啊叔」啊仁補一句

「搞到我有啲興趣見見佢添」啊武莫名的有點興奮

「有機會嘅」我官控的說

「武師父！」在拳館的一角傳來呼喚啊武的一聲

「你地練住先，我過去睇睇」啊武拍一拍就過去了

「咩事？」啊武問呼叫他的學員

「武師父，我星期日就要出賽，但硬係覺得自己啲動作好怪，你可唔可以幫我睇下」那學員說

「好啊，我地上台試下」啊武點頭

「唔該師父」學員得到啊武的幫助十分開心

拳館不算很大，他們的對話，我和啊仁也依稀聽到

「佢地星期日比賽，你去唔去睇啊？」啊仁問我

「係喎，個日我同你都放假喎，咁緊係去啦，當學下野都好」我說

「我想睇下啲重磅拳手係咪真係成㗎坦克車咁，撞死咁款」啊仁笑說

「咁你洗乜去姐，啊武咪重磅拳手囉，佢好似打71kg以上組別㗎」我指著啊武雄厚的背影說

「嗯…..真係成架坦克車咁」啊仁看著啊武的身影咽了一下口水