［打鬥/靈幻/鬼怪］《輪迴。道》/《噬魂》我由古惑仔變咗做現代道士: 313《第二季》

「妹頭！！你係邊啊！」英叔大叫

「噓…未睇清楚環境，小心有為妙」九叔緊握著雙劍中的金錢劍

「唔好咁生人唔生膽啦！邊有….%&#@」

英叔踩到地上的水，滑了一腳！

噠！！





「哎啊！」英叔屁股落地

「講咗」九叔縮一縮膊，側一側頭，表現得無奈

英叔正想站起來時，好像看到了什麼東西

「咪住！有啲野！！」英叔爬著前行

「搞咩啊你」九叔跟著他走





英叔推開一張長凳，發現了葉靈留下的符紙

「喂！符紙！！哎呀！」英叔拿著符紙轉身又撞到長凳

「係啊靈比我地嘅指示」九叔接過符紙，看一看前方的左右分岔路，葉靈應該有用符指出哪條路才是正確的

「啱啱道符係指向邊一邊？」九叔問英叔

「呃……哈…邊一邊啊….應該呢..」英叔的尷尬了





「你係唔係冇睇清楚就撕落嚟…..」九叔的白眼快要反到頭頂了

「唔係嘅！你比返道符我先」英叔搶過符紙

研究著符紙剛剛的方向

「得啦，唔好曬時間，分開行，我左你右」九叔二話不說就往左邊的路走去

「喂！」

「喂！！」

英叔連番叫喊，九叔也不為所動，沒理會他，好快也不見人影了

「唉，依家啲老人家真係心急」英叔搖搖頭





「我想講，我好似記得係指向右邊，咁咪可以一齊行囉，分開行咁危險」英叔一直自己碎碎念

果真，英叔沒記錯，他向右邊的路走了不久，在一個轉彎位又看到一張葉靈留下的黃符，這次英叔學聰明了，他看清楚符紙是指向哪邊，而且沒撕下，因為九叔隨時會走上這條路，要把線索留給他

突然！！

嗖！！！一支冷箭從一旁射向英叔

幸好英叔感覺到殺氣和空氣的流動，給時接住了攻來的箭

「邊個鬼鬼鼠鼠？係男人就出嚟」英叔霸氣的說出

但…不到一秒





「哎呀，有可能係女人㗎喎」

「英式爛gag」又來了

英叔拿箭一看，居然是他自己的箭？！

他馬上檢查箭袋，並沒有少了箭

「仇家？….」

「喂！兄弟！我地以前係咪有啲咩過節啊？」英叔嘗試跟偷襲者對話

但沒有得到任何回應，整個空間靜了，連空氣流動的聲音都聽到

嗖！！！





英叔感覺到空氣流動有所改變，馬上轉身！在箭袋拿出一支箭，當作飛標般飛出

兵！！！

兩箭相交，擦出火花

「條友有啲料到啊」英叔雙眼不斷滾動，觀察對方身在何處

嗖！！又來了！

英叔重施故技，飛出箭，但這次雙箭並沒有相碰，不是英叔失準了，而是對方射出的箭在中程轉向了一點

英叔看到這事瞪大了眼，幸好他反應不慢，及時側身閃避，箭只擦傷了肩膀





「噫….」英叔按著肩膀的傷口看看

「仆街..好彩冇毒….」檢查傷口後，估計箭上無毒

「到底你咩料啊！出嚟啊！」英叔不斷轉身，尋找對手

踏…踏…

一個身影站到英叔面前，英叔呆住了，因為現時站在他面前的人樣貌跟自己是一模一樣的，衣著也相同，不過已變得破爛不堪

「你到底係邊個？」英叔認真的問面前的人

「我？我咪你」那人笑說

「我？哈，你依件冒牌貨，箭術係邊到學㗎？」英叔又突然轉換態度

「哈，冒牌貨？你話係就係啦」那人連語氣都跟英叔一樣

「啊，又真係幾似，我捉鬼咁多年都未見過有一種係咁高模仿能力，新品種？」英叔蹺起雙手

「我講咗啦，我係你，我做到嘅你都做到，唔該由今日開始好好練功」