［打鬥/靈幻/鬼怪］《輪迴。道》/《噬魂》我由古惑仔變咗做現代道士: 296《第二季》

嘩啦...噗通.....

原來葉靈是掉進了洞內的急流裏，但從這麼高的高度掉到水裏身體也要吃上不少苦啊

而且最大的問題是葉靈並不熟水性，甚至是害怕，腦裏閃過一幕幕不堪的畫面

「嗄....唔好，唔好....水，爸爸！！」

過去的往事被洶湧的急流一下子全數衝出，恐懼好快就支配了葉靈，身體不受控制的抖震，一直被水流的衝力導致身體撞向石壁





「唔...好」葉靈的意識已開始變得虛弱，呼吸都逐漸無力

但上天非常眷顧葉靈，她命不該絕，救她的人趕到了

一條捆仙索纏住她的手，一下把她拉出了水面

「點啊你？未死得啊嘛」救起葉靈的人正是趕來的葉尚生

「哈....我個樣..似有事咩」葉靈死撐著說





「仲忘記唔到咩？」葉尚生嚴肅的問葉靈

「你想我忘記啲咩？」葉靈盯了一眼葉尚生

這話題亦在此完結

「你嚟做咩？」葉靈問

「我唔嚟，可能已經冇咗個妹啦」葉尚生冷笑





「你點知我行依條路？」葉靈再問

「三條路得依條路有卷紅線，好難唔知喎」葉尚生的觀察力敏銳

「咁你行得未啊？」葉尚生看著葉靈

「等你咋」

一人冒險變成二人前行，危險指數算是大大降低

「你啱啱有冇遇到其他人？」葉靈問

「冇，但見你跌到落個窿到就知有人啦」

葉尚生救起葉靈前的確有嘗試找出敵人，但無果





「至少有四個人，一等一高手，企係隔離都感覺唔到任何氣息」葉靈說出剛剛跟神秘人作戰的經驗

「咁近都感覺唔到氣息？會唔會唔係人」葉尚生提出一個可能

「你覺得我會分唔出人同鬼？」葉靈反白眼

「點知你依幾年有冇退步」葉尚生輕輕一笑

「你係咪想試下啊！」葉靈拔出桃木劍，指向葉尚生

「你可唔可以唔好咁粗魯，冇人要你㗎啦」葉尚生用雙指夾住桃木劍

「佢一定會出現」葉靈不屑的說





「唉...你到依家都信夢入面嘅人會出現？」葉尚生無奈的嘆氣



「嗯！佢會」葉靈堅定的點頭

「你個夢發咗咁多年，佢要出現一早出現咗啦」葉尚生慨嘆道

「個夢好真，佢為我做咗好多野」葉靈再說

「咁你到依家都睇唔到佢個樣咩？」葉尚生問

「睇唔到」葉靈失落搖頭

「咁嘅夢你都.....」葉尚生說到一半





「唔好講住啦」葉靈停下腳步，定睛看著前方

「嗯」葉尚生也停下

因為他們前方正正是一尊金光閃閃的佛像，佛像極其巨大，二人站在佛像前就像螻蟻一樣渺小

「咁易搵到？」葉尚生懷疑面前的佛像

「睇下咪知」葉靈手握桃木劍前進

葉尚生沒多說話，扼著兩個拳頭就跟著上前

走到佛像前





「曼巴話舍利子係對眼到」葉尚生說出資訊

「咁上去啦」葉靈收起木劍，拿出捆仙索，綁上繩結

一拋！套住了佛像的手指，慢慢收繩，一步一步向著佛像眼睛進發

葉尚生當然也跟著一起爬上去，對的，他選擇不用捆仙索幫助，而從徒手爬上佛像

二人差不多時間到達佛像的頭部

「隻眼冇野㗎喎」葉靈看著佛像的眼睛，一臉疑惑

「試下鑿開佢睇下，曼巴冇需要呃我地啊」葉尚生也皺著眉頭

葉靈雙手放開，全靠捆仙索承托整個人的重量，然後拿出銀釘，一下下鑿向佛像的眼睛

鏘！鏘！

佛像堅硬得銀釘鑿下去時都發出刺耳的聲音

「硬成咁，唔似係金」葉靈跟葉尚生說

「睇得出，鑿開埋佢睇下」

大概多鑿了十數下後，佛像眼睛終於出現裂紋，葉靈瞄準著裂紋，將銀釘一下直插進去，眼睛終於裂開了

但裂開後清楚看到，這佛像是石頭做的，並不是曼巴所說的純金製造，它只是一尊油上金漆的石像

「咁點？」葉靈問

「落返去先，可能仲有....小心！！」葉尚生眼睛突然瞪大，看著葉靈的身後