［打鬥/靈幻/鬼怪］《輪迴。道》/《噬魂》我由古惑仔變咗做現代道士: 223

「香港依家比啲妖魔鬼怪搞成咁.....未來就靠曬你地班後生啦」

「冇問題，交比我地，你好好休息」

我離開英叔房間，向前走兩步後靠著牆坐在地上....我知道要解決問題...但...如何啊...

我坐在地上發呆，沉思著未來的去向...突然，大廳傳來嘈雜聲，我馬上站起來，走向大廳

「你嚟做咩啊？」是十方，十方的語氣帶着點敵意，那我就猜到來者是誰了





我拉開布幕，來者果然是秦王，他保持著西裝骨骨的造型

我上前拍一拍十方，示意他收起敵意

「一段時間冇見啦小朋友」秦王看著我

「係啊」

「嗯～你地個個都好似有所進步，唔錯唔錯」秦王笑說





「秦王，請問你今次嚟係咩事啊」我禮貌地問他

「朕今次嚟係想問，萬天玄係咪已經變咗殭屍」秦王收起笑容，一臉嚴肅的問

「係啊...」我回答

「始終都係阻止唔到...」秦王放輕聲調

但還是被十方聽到





「阻止唔到？！即係你一早就知道我師父嘅事？！」十方激動的衝上前來

我馬上攔著十方，畢竟...跟秦王開戰絕對不是一個明智之舉

「朕的確係一早知」秦王直接承認

「咁點解你唔一早講！」十方指責秦王

「就算朕一早講又點？可以改變到事實咩？可以令佢由殭屍變返做人？」秦王此話一出，十方頓時答不上

「況且，朕已經幫過佢一次，亦講到明結果會係點就睇佢自己嘅造化」秦王冷靜的走到茶桌前，坐下，倒了一杯茶給自己

「你講咩啊...已經幫過師父一次？」十方錯愕不已

「嗯，上次你師父以半人半屍嘅狀態嚟搵朕，要我幫佢拖得幾耐得幾耐」秦王淡定的喝著茶





「即係....」十方說

「天玄叔一早知自己會變殭屍....」啊武接著說

「冇錯」秦王點點頭

「咁秦王你，今次嚟應該唔係淨係確認天玄叔係咪變殭屍」啊烈發聲問秦王

「聰明，今次我嚟係幫你地」秦王放下茶杯

「幫我地？」十方問

「你覺得，你地有能力對付屍化咗嘅萬天玄？」秦王問我們





「呃....」

在場的我們都說不出話，因為我們都知道，我們沒人能抵擋得住天玄叔

「咁秦王你意思係，你肯幫我地對付天玄叔？」啊烈問

「嗯，朕好中意現今世代，未想佢比人破壞住」

「你憑咩對付我師父啊！」十方不滿

我上前

「十方，秦王講得冇錯㗎，天玄叔出手嘅話我地冇人可以頂得住」我說

「師父點會對付我地啊！冇可能㗎」十方不信





「咁如果會呢，到時點」啊烈問出尖銳的問題

「呃.....」十方說不出話

「比秦王幫我地都冇壞處」啊烈跟十方說

「嗯...」倔強的十方也被逼點頭

「咁秦王，你知唔知佢地係邊」我問秦王

「朕當然知道」秦王點頭

「咁就要麻煩秦王你啦」我跟秦王致謝