［打鬥/靈幻/鬼怪］《輪迴。道》/《噬魂》我由古惑仔變咗做現代道士: 208

沿著公路行，又是半小時，當然遇到了不少殭屍，但在二人合作下，大多都可以輕鬆處理掉

「我發覺你用嘅道術同我見開嘅都唔同，係邊一派嘅道術？」我借機問他

「我應該唔算任何一派，因為我冇師父」他說

「冇？咁點識？」我追問

「唔知，我十八歲生日個日，個頭突然好痛，一道光閃埋嚟，之後就識」這麼誇張？！是真是假啊....





「嗯...」我輕輕點頭

「好難相信呢，有時我自己都覺得好荒謬，我會諗係咪自己幻覺，但我的而且確又真係突然識得道術」他有點像自言自語的說

「咁你今年幾歲？」我問他

「26」他答

「同我地差唔多」我點點頭





「你地？」他問

「我仲有兩兄弟，不過一個受傷暈咗，一個......」我沒再說下去

「人最緊要就係絕望中搵到希望」他拍拍我

突然有一塊混凝土飛來！！

「小心！！」他推開我





我們左右散開

「嘻～又避得幾快」

我們望向聲音源頭，一個身穿黑色開衩旗袍，手拿著一把白色的羽毛扇，身形婀娜多姿，五官標緻的女子站在前方的一輛車頂上

「女人？」我疑惑

「佢唔係人」陳鯨說

「我睇得出」我冷笑

「兩位靚仔～你地係咪都打算同姐姐玩下呢～」她拋著手上的另一塊混凝土

有這樣的力氣，絕不會是普通人類





「都打算？仲有其他人？」我問

「哎喲～真係聰明啊～」她看著我，妖媚的笑一笑，然後從車頂上跳下來，還一手把那塊混凝土擲向我們

幸好我們反應夠快，再次避開了混凝土

「哎呀～唔好意思啊，姐姐唔小心掉咗過你地到啊」她用手掩著嘴笑一笑

然後她一腳把面前的車踢開了，看來她不是一般的低級殭屍

車被踢開後，原來車後有一堆人躺在地上，他們有着一個共通點， 就是頸上都有兩個牙洞， 明顯是被殭屍咬了，而且他們手上全都拿著武器

「全部都你咬？」陳鯨問她





「嘻～係啊」那女子點頭

「小心啲，佢同其他個啲唔同級數」陳鯨輕聲跟我說

「我知道」我回答

她慢慢走向我們，她走到我面前，用白羽扇撩撥我的臉

「靚仔～我叫媚娘啊～你呢？」她看著我

「知我個名對你有好處？」我問她

「哎喲～你真係不解風情～人地係想食....想識你啊～」她將手放在我胸口上，用食指劃圓圈

我後退一步





「啊烈」我說自己的名字

「啊烈～咁唔知你會唔會愛得激烈㗎呢～」她笑說

我沒給她反應

「唔理人都有嘅～姐姐嬲啦！」她走回剛剛的位置，舉起白羽扇

我和陳鯨馬上戒備起來

「哎喲～你地放心，姐姐仲有其他野要做～唔得閒同你地玩，同你地玩嘅係佢地～如果你地過埋今日仲有命嘅，姐姐下次再同你玩過啦～靚仔～拜拜」她指著我

她揮一揮白羽扇，刮起一陣霧，我們二人不敢輕舉妄動沒有上前查看，站在原地等候，待煙霧散去後她已一早消失不見了





但躺在車後的那班被她咬的那班人慢慢站了起來，當然是以殭屍的身份

到他們站起來時，才發現他們手上拿著的武器不是桃木劍就是金錢劍，那就代表這幫人都是道士....

「眼見有六、七個，你今餐飽啦」我笑說

「打曬先講啦」他笑著回應

「主人有令！要殺咗佢兩個！」其中一個屍化道士舉起武器指著我們

「殺啊！！」其他人就蜂擁而上

陳鯨果然飛出戰斧，來個突襲，戰斧像是迴力標一樣，在空中旋轉著飛往他們