［打鬥/靈幻/鬼怪］《輪迴。道》/《噬魂》我由古惑仔變咗做現代道士: 202

我將啊傑拉回課室

「啊傑你冇事啊嘛？」梁天焯上前關心啊傑

「佢冇事，不過就嚟嚇到瀨尿姐」我笑說

「過嚟傾兩句」聶修揚向我招手

我跟他走到課室的一角落





「點解唔帶我地出去？」他問我

「好簡單，你覺得出面危險啲定依到危險啲？」我簡單直接的問，而且我總不能把那麼多人都送去無極門，讓十方知道一定打死我

「咁當然係依到，但咁多殭屍，我地總唔可能成世留係個課室，唔悶死都餓死啦」他說

「我知，所以，我走個陣會幫你引走曬所有殭屍，你地要盡快鎖好曬所有出入口，同埋唔好發出過大嘅聲響，小食部嘅野食應該夠你地食一段時間，咁你地會相對安全過行出去」我也為他們想好後路

「咁....都啱嘅」他思量一會後，點點頭





「同埋我會盡量幫你引開附近嘅殭屍，行多兩步有麥當勞、百佳同咁多間餐廳，我諗只要一日有電供應，你地都仲有野食」這也是我可以為他們做的所有事了

「多謝曬你」他搭著我肩膀

「唔洗，應承我一樣野就得啦」我認真的說

「好，你講」他看著我

「好好睇住班學生」我說





「放心，我會」他堅定的說

「咁我走啦」我轉身離去

「好」

我沿路下樓梯，翻找一下袋子看看有什麼能用的，除了爆破符外，還有幾款不同的符，分別有：封印符、鎮屍符、借法符

「封印符...應該啱用」我腦裏運算著各種方法

到地面後，我在接待處找到鎖住大閘的鎖匙，解開鎖，敲一敲打大閘然後走出學校門口

不負所望，殭屍群好快便聞聲跑出來

「嚟啦嚟啦，全部跟住嚟啦！」我馬上向城門運動場方向跑往





運動場裏也有一兩隻殭屍在內，我躲過他們，跑到場內的中心點

「試下啦！」我拿出借法符

「呼....睇就睇得多，唔知得唔得，希望冇記錯...」


「龍神敕令，水神借法！湧！！」我集中精神！用力飛出符紙

殭屍愈跑愈近，但符紙久久也沒有反應，是失敗了嗎？......

「唉....」我也轉身跑起來

「唔好走啊！！」





「好肚餓啊！！」

「血啊！！！」

殭屍們瘋狂的向我追來

嘩啦！！

水浪聲響起

我轉頭望向後方，我飛出去的符紙奏效了！！巨浪從符紙裏大量湧出，成功截止了殭屍們的路

我趁機再在殭屍群的周圍飛出符紙，多做一個火圈出來，多重保障





然後再趁這時間跑到運動場的各個出口貼上封印符

貼到最後一個出口時，殭屍們也破火而出，向著我這邊衝來，我也加緊速度封印起來

我右手舉起食指和中指，左手托著右手

「封！」收一收食指和中指，擺出勾形

瞬間！整個運動場都被一層淡淡的黃光包住了，殭屍撞到黃光馬上被狠狠的飛彈開去

「嗄...原來真係咁攰...」我終於明白為什麼英叔上次在無常異境內借法會那麼累

解決完這班殭屍後，我再次經過梁省德中學時，望上去三樓的窗戶，發現聶修揚和都學生們都正在看着我

聶修揚再次對我舉起姆指，這次我也笑著回他一隻姆指，之後走到學校門前幫他重新鎖上大閘





剛鎖好時，聶修揚就來到大閘

「一路順風」他笑說

「比你」我把鎖匙拋進閘內

他接過鎖匙後就轉身回到校內

而我就繼續踏上我的路程