［打鬥/靈幻/鬼怪］《輪迴。道》/《噬魂》我由古惑仔變咗做現代道士: 172

「Miss Chan！學校依家係咪有棒球隊啊？」啊烈看到操場邊有一籃棒球

「係啊，做咩啊？」Miss Chan點頭

「咁你知唔知棒球棍擺係邊？」啊烈問

「好似擺係小食部隔離間房仔啊」

聽到後啊烈馬上跑往那房間





呯！！！

應該是破門聲

呯！！！

又是一聲

好快啊烈就往回跑來





「搵到，三支鐵嘅兩支木嘅」啊烈說

「張一烈你做咩爆門啊？」Miss Chan驚訝又生氣的問啊烈

「Miss啊，我唔想㗎，一陣你就知我係為你好」啊烈解釋著

我走到啊烈身旁，輕聲的問

「但我都唔明點解你爆咗兩次門」





「我入咗小食部」啊烈拉開外套，拿出了一把跟彎刀差不多長的刀

「啱洗！」我悄悄在他的外套拿走刀，以免嚇到其他人

「武！」啊烈把球棒遞給啊武

「唔洗，我用手得啦」啊武拒絕用武器

學校的燈再次亮了起來，咆哮聲伴隨著燈光響起

「咆哮？係咩嚟？」啊烈問我，啊武亦等待着我的答案

這咆哮聲我當然是什麼...當日在荃新天地跟他們苦戰過一場

「係....殭屍」我跟他們說





「下！終於遇到啦」啊武說，更像有點興

「我地應該點對付佢地？」啊烈問的問題才是重點

「其實同控鬼一樣，爆頭、瞄準心臟，不過佢地有個地方好唔同」

「有咩唔同？」啊烈問我

「佢地識得自我復原....」

「咁點打啊？！」啊烈瞪大眼

「冇其他辦法，我地又唔似九叔英叔咁高法力，只能夠係佢地未復原之前就打殘佢地」





「啊！！！」出現了，為數五隻殭屍從教師停車場的入口進來了

「到啦，執生！」我隨時準備拿出刀

啊烈舉起球棒，啊武亦準備好攻擊的姿勢

「佢地咩人嚟㗎？！你地到底做咩啊？」Miss Chan問我們

「Miss，講你都唔信，行返後先，危險啊」啊烈說

殭屍衝來！！

我拿出刀，揮斬！！

他避開了，其實我也沒預計能斬中





「啊！！！你地做咩啊？」

「嘩！要打出去打啊！！」

「劈友啊？！」

同學們都被嚇到了

「肥仔！你搞咩啊？！」洛兒也問我

「你小心啲！唔好行埋嚟！」

我正對付著的殭屍不知道是不是被洛兒的聲音刺激到，突然發狂似的衝向洛兒





我馬上伸手拉住他

他張開嘴，向著洛兒咆哮

「佢...佢有兩隻尖牙嘅？！」洛兒看到他的獠牙

「佢...係殭屍，小心啲！行開！」說畢，我用力把他拉開，再補上一腳，把他跟洛兒的距離拉遠

「殭.....殭屍？！你唔好嚇我啦！」洛兒說

「咩話？！殭屍？唔好玩啦！邊有啲咁嘅野㗎」

「打交仲搵咁多藉口」

同學們聽到後，理所當然地不相信

我揮刀斬向殭屍的後背，傷口深得見骨，但殭屍的復原能力好快就令他的傷口癒合了

「咁快好返嘅？！」

「唔係啊嘛？！係咪拍戲咋？！」

他們開始意識到危險

啊武啊不烈亦擺脫了纏上自己的殭屍

「大家退後啲！」啊烈大叫

在啊烈的呼籲下，大家都後退了

殭屍也停下攻擊了

「佢地真係殭屍？！」

「呃你地都冇用」我說

「班長！」啊烈大叫

「係！」王迪回應

「拎起球棍，做好班長嘅責任，保護好同學」啊烈說

殭屍們好像給機會我們說話一樣，啊烈一說完話後，他們又再次衝上來了

啊武低身衝向殭屍，用左手抱住其中一隻殭屍的腰，然後重心腳發力，把殭屍拋開了，拋到攻擊啊烈的殭屍身上，啊烈再揮棒，打在殭屍頭上

拿著刀的我較為有優勢，攻擊也比較有效，我會捉住殭屍的頭部，再攻擊他的頭部

捉住頭部的原因是他們的殭屍牙有著強勁的屍毒，一但被咬中，神仙都難救