［打鬥/靈幻/鬼怪］《輪迴。道》/《噬魂》我由古惑仔變咗做現代道士: 162

收拾卓斌後，這裏也再沒有事，我們把手尾交給了陳一

「我要做嘅野做曬，你應承我嘅事唔該你地都同我做好佢」啊烈把手上的手槍交給陳一

然後跟著我們走了

「你點解無啦啦做咗...」我欲言又止

「你以為我做咗差佬？」啊烈問我





「唔係咩？」我驚訝的問

「我點會好地地有人唔做去咗狗...加上我咩身世啊，做差佬要查三代，淨係我老豆已經唔得啦」

「咁...點解..」我搞不懂

「當年我對冧咗豹爺之後，原來班死差佬一直跟着我，我去到台灣個陣，搵人捉住我，話佢地有曬證據，證明我殺咗豹爺，之後話只要我肯幫手就幫刪除曬所有證據，咁搏一搏同終身監禁，你揀邊樣？」

「嘩.....原來係咁」





這時我的電話響起，帶來了一個消息

「喂」是十方的聲音

「做咩啊？啊武有事？」我緊張的問

「佢...」十方吞吞吐吐的

「到底做咩啊」我焦急的問





「佢醒咗，哈哈哈哈」

「屌你，好好玩咩....」我破口大罵

「真係醒咗啊」十方再次說

「認真？」我又再次確認

「係啊！！」

「得！一個鐘後象山接我」這已是我想到最快的方法

「咩事？」啊烈問我

「十方話啊武醒返啦！！」





「咁即刻過去！」

一小時後我們回到象山，十方已在中庭等著我們

「會唔會慢咗少少？」十方打著呵欠說

「已經趕返嚟㗎啦，去咗救人」

「救人，今次又搞咩？」十方問

「怨靈，殺咗十幾人」我說

「依排特別多事」十方搖頭





「可能不嬲都係咁多事，只係我地唔知呢」

「出發啦」

「烈，準備啦」我轉頭跟烈說

「嗯」啊烈點頭

一秒間，到達無極門舊址

我跟烈用急速的步伐走到啊武的房間，推門

「啊武！」我大叫，並衝上前，啊烈緊隨其後

「烈....？！」啊武對於啊烈的出現感到驚訝，跟我剛剛見到啊烈的反應一樣





「點啊大舊衰，未死得啊嘛」啊烈笑說

「你地都未死，我點敢死啊」啊武淡淡的笑了

我們三個大男人相擁在一起，眼淚默默的在眼角流下，也許旁人會覺得很奇怪，但我們都可說是劫後重生再相遇...這種感觸沒人能懂

「終於齊人啦！」我破涕為笑

「等你好耐啦」啊武望著啊烈說

「冇穿冇爛」啊烈拍拍胸口笑說

「不過，武...你知道未？」我知道這時侯說，很掃興，但啊武需要知道





「唔講都估到八九成啦」啊武淡然的說

「啊妹點啊？」啊武問我

我黯然搖頭

「我都估到....佢...點死㗎」啊武出奇的冷靜

我再次搖頭

「講啦...我可以㗎」

「佢比隻女鬼...撕碎咗，對唔住...」我低頭說

「都唔關你事，件事我同你都有份做，係我自己保護唔到佢」

啊武變得成熟了，感覺沒有了以前的朝氣

但好快我就知道我的感覺是錯的

三個月後

「英叔！再嚟！」啊武興奮的說

「你條友，唔攰㗎咩？」英叔笑說

「一講到練野就精力充沛」

啊武在這三個月已克服了失去一隻手的問題，並開始鍛練左手

他知道英叔是拳腳高手，所以就纏著英叔，要鍛練他