［打鬥/靈幻/鬼怪］《輪迴。道》/《噬魂》我由古惑仔變咗做現代道士: 149

他在腰間拿出四根銀針，飛往啊武身邊，圍著啊武，呈一個正方形，然後再拿出一卷紅線，纏著四根針，形成繩陣

「天地八極，乾坤借法，令！」天玄叔雙指指著繩陣

紅繩陣的上方打開了一個異空間洞，一條紅色的龍在洞裏飛出，紅龍在啊武身邊盤旋著，然後衝入了啊武的胸口內

「條龍？！」我驚訝

「噓～」十方拉住我





幾秒後，紅龍口裏咬住剛剛那骷髏從啊武身體內出來，並把它咬碎吞食了，在屋頂盤旋了幾圈後發出一龍吼，就回到異洞裏，啊武剛剛痛苦的表情亦開始慢慢放鬆了

「呼...有驚無險」

突然，天玄叔站不穩腳，差點跌到

「天玄叔你點啊？」

「師父！」





我們馬上上前扶住他

「我冇事...少少攰姐」天玄叔用手按著頭

「天玄叔唔好意思啊....你身體唔好我仲要你咁操勞」我看到天玄叔這樣，心裏難免有點內疚

「唔緊要，救人要緊，啱啱好危險，如果比個骷髏反噬，你朋友就係咁先㗎啦」天玄叔走到大廳

「咁佢依家點啊？」我緊張的問





「陰氣已經全部散曬㗎啦，但幾時會醒又或者醒唔醒到就睇佢自己做化啦」天玄叔說

那代表我也只能等待

「我返入去休息下先」天玄叔腳步不穩，跌跌撞撞的走回房間方向

「師父，我扶你返入去」十方打算上前扶他

「唔洗！我自己行」天玄叔突然態度變得兇惡

「呃....好啊，咁你小心啲啊」十方被嚇一跳

「天玄叔..做咩啊」我也嚇到了

「可能太攰掛，我都好少見佢咁樣」十方也不懂天玄叔是何事





天玄叔在回房間的路上，一路扶著牆身

「真係比我捱多陣都唔得咩.......」天玄叔一手扶牆一手按著胸口

「啊.....」跪下了

「多一陣啦！」天玄叔的眼珠變成了紅色

他在衣服拿出一顆東西，吞下，天玄叔瞬間青筋暴現，痛苦非常，身體冒出白煙

「嗄....」他雙手撐在地上，汗水都滴在地上

「時日無多....」他蹣跚的走回房間





這時在大廳的我們

「無極門嘅紅龍陣....我仲以為依世都冇機會再睇到」九叔慨嘆的說

「當年依招...簡直係震撼成個道界」英叔也在回想當年

「啱啱條龍衝入啊武心口個陣嚇死我....」剛剛真的一額汗

「我之前都係見過一次，個次亦係我第一次見師父」十方說

「佢救咗你？」我問

「嗯」他點頭，然後接著說

「個陣我老豆唔知係邊到惹到一群黑靈修，我老豆老母比佢地殺咗，正當我以為自己都要死個陣，師父就出現咗啦」





「我同九叔都係差唔多，都係因為佢救咗我，所以就跟住佢」我接著說

「九叔，咁你地係咩情況下見到紅龍？」十方問九叔

「好耐之前啦，個陣都未有上無極依個名」英叔說

「東道西樓，北門南陽，上無極...依個排名係天玄叔接任掌門後先有，無極門本來同我地四派平起平坐，的確無極門嘅弟子係比有天資，但未至於超班，

有一次天玄叔同四派掌門出現意見上嘅分歧，四派掌門大打出手，天玄叔有嘗試調停，但四派掌門根本唔聽，仲係我地面前大打出手，天玄叔為咗阻止佢地，就第一次召喚咗紅龍」




150






「嘩！我記得個陣在場嘅人都嚇呆咗，我個陣都擘大個口得個窿」英叔接著說

「到底天玄叔巔峰時期有幾犀利...」我敬佩的說

「話說，你知唔知天玄叔當年同成班門生到底發生咩事？」英叔問十方

「我唔知啊，師父都冇提起以前啲野，其實係咩事？」十方反問英叔

「當年，天玄叔同班門生一夜消失」九叔說

「仲要一消失就係三十幾年」英叔接著說

「但師父完全冇同我講過，下次問下佢先」

這晚我們在無極門過了一夜，啊武依然在昏睡

「你地返去先啦，我會幫你地睇住佢」天玄叔說

「好，咁我地返去先」九叔說

的我們向天玄叔道別，十方送我們回去

「有咩消息通知我啊」我跟十方說

「得啦，我會啦」十方點頭，離去

啊武的事暫告一段落，現在只能等他起來，起碼我知道他安全