［打鬥/靈幻/鬼怪］《輪迴。道》/《噬魂》我由古惑仔變咗做現代道士: 138

已是洛兒走後的第五個月....我旁邊仍是一個空位

在今天我做了一個決定

「烈，你幫我同你老豆講，我跟佢」

「真係決定好？」啊烈問我

「嗯」我點頭





「好，咁我今晚同佢講，到時佢地應該會約你地兩個見面」啊烈說

雖然啊武一早就答應了會跟啊烈老豆，但他說想等我做好決定才正式開始，所以他還未算是在跟啊烈老豆

兩日後的午飯時間

「我老豆話今晚想見你地」啊烈邊吃邊說

「到時你會唔會係到？」我問他





「應該會啦」啊烈點頭

「有啲緊張添！」啊武笑著說

「你都識緊張㗎咩？」我和啊烈同時說

「緊係識啦！你老豆個樣同焯哥一樣，一樣咁有霸氣，令人有窒息嘅感」啊武難得認真的說

「咁又係啊，我由細到大都好驚佢兩個，係依幾年先開始唔驚咋」啊烈也認同啊武的話





「不過其實你老豆叫咩名？！我地到依家都唔知喎」我突然想起這問題

「又好似係喎！」啊武也是這時才發現

「出面啲人多數叫臣哥，我就叫老豆，我哥就叫佢老坑，你地可以試下跟佢咁叫嘅」啊烈笑說

「你傻㗎咩？！叫佢老坑，十條命都唔夠死啊！」啊武說

「咁我地叫臣哥啦」我說

「今日放學你地返去換衫先，之後我再帶你地上去堂口」啊烈

「好啊」我和啊武說

接下來並沒什麼特別，那晚見過臣哥後，我和啊武就算是他的門生了，但臣哥說暫時不會要我們參加任何活動，他想我們先好好讀完中學，即是我們暫時只是名義上的門生，直至中學畢業為止





沒洛兒後的中學生涯並沒什麼特別，好快便中六畢業，當然公開試成績是一塌糊塗，有好幾科都不合格

我跟啊姨認真的聊過，她明白我不喜歡讀書，她說她不干預我的決定，只要清楚自己的想法就好了

後來我和武正式成為臣哥的門生，他開始會給一些小事讓我們做，例如：掃對家的場、潑紅油等等，或是一些大型群鬥時會叫我們充撐場門

直至一次特別行動.....

「一陣我數三聲就衝過去！」啊烈說

我和啊武啊烈正準備偷襲對面的一群人，為數二十人，當中有一個叫豹爺，是臣哥的死對頭，最近他們正吵得火熱，而臣哥認為我們三個比較生面口，豹爺應該不會知道我們是誰，所以就選了我們執行這次的任務

「咁照舊，我對付高大啲嗰幾個」啊武是三人大最能打的一個，所以每次有事都是他負責對付體型較大的對手





「好，咁啊烈就負責對付豹爺」我再次確認各自的崗位

「係！咁準備啦」

一！

二！

三！

衝前！

對方被我們殺一個措手不及，最外圍的幾人在一兩秒間就被我們打倒了，對方當然知道我們是來對付豹爺的，所以已有幾人在保護他離開

「烈！」我衝過去保護豹爺的人群，跟他們打起上來





啊烈就趁機上前攻擊豹爺

豹爺沒武器在手果斷逃跑，啊烈緊緊追上，啊烈撲前，捉住豹爺一起倒地，然後騎在豹爺身上

「我記得你！！啊臣個細仔！」豹爺認得啊烈

「你認錯人啦！！」啊烈舉起水喉在豹爺身上

「啊！！死𡃁仔咁夠薑打我！？打我唔死你就仆街！！」豹爺用手擋住啊烈的攻擊

「仆街啊嘛」正打得紅了眼的啊烈被豹爺的話刺激到，一時糊塗把水喉用力插了在豹爺胸口上......

「啊！！！！」豹爺雙眼瞪大看著啊烈





「大鑊....」啊烈意識到問題的嚴重

豹爺的手下看到這狀況都擺脫我和啊武，衝向啊烈

「烈！走啊！」我大聲疾呼

「玩到咁大？！」啊武呆了

「唔理啦！拉埋啊烈走啦！！」我拍一拍啊武

最後我們經過一段狂奔後，總算擺脫了那幫人

「嗄...我好似搞出人命..」啊烈緊張的說

「可能佢冇事呢...嗄...返去搵臣哥再講！」我說

我們回到堂口時，臣哥的表情已十分凝重

「你地搞咩啊....」臣哥皺著眉頭

「老豆...」啊烈膽怯

「你知唔知你殺咗人，豹爺臨死前同佢頭馬講咗係我細仔做...依家黑白兩道都搵緊你」臣哥沉重的點起雪茄

「下？！咁我應該點啊？！」啊烈緊張的問

「你.....我今晚叫船，你去台灣避一避啦」臣哥說

就此，三劍客少了一人，只剩下我和啊武在港，起初啊烈去到台灣還有跟我們聯絡，但慢慢愈來愈少，直至連臣哥也找不到他，就這樣失聯了，臣哥也有試過叫台灣的人去找，但也找不到

有消息說有人見到啊烈在酒吧跟人吵架，然後被人帶走了，就再沒出現過了

臣哥認為啊烈已兇多吉少......

之後的事大家也知道了

..........

「估唔到𡃁仔你都幾多經歷㗎喎」英叔手托著下巴說

「我以前都覺得係㗎，但自從識咗你地之後我就發覺其實以前個啲都係小事嚟」我笑說

「中學....烈鬼...打校長，好熟」九叔在腦海裏回憶著往事

「九叔你諗緊咩？」我問九叔

「冇野」九叔搖頭，之後接著說

「難怪你咁重視你兄弟隻手...」

「係....佢應該到依家都接受唔到」我沉重的說