［打鬥/靈幻/鬼怪］《輪迴。道》/《噬魂》我由古惑仔變咗做現代道士: 130

成哥一手叉在啊武的頸上

成哥慢慢將啊武扯起，令啊武雙腳離地

啊武嘗試反抗，但力氣不如他，反被捉得更緊

我們也衝上前，想幫啊武解圍，但成哥手一揮便把我們撞開了，我單膝跪在地上，啊烈則後退幾步

正當我跟啊烈想再次衝上時，成哥的手燃燒起了火，令我們停住了腳步，不敢亂來





但啊武的臉開始變得紅紅紫紫，開始缺氧了

「喂，要快啦」啊烈也留意到

「我知啊，但可以點」我問

「一人一邊啦」啊烈說完即衝前

我也緊隨其後





但成哥只是揮了一拳就把我打暈了，然後就在地上畫出一個火圈，把啊烈圍住了

啊烈先是嚇一跳，再看我一眼

「哈，睇嚟今日都應該走唔到，點解要害我地」啊烈冷笑一下，再問他

「我要殺足九十九個陽氣重嘅人，先至可以搵替身，只要搵到替身我就可以重新生活！你同佢就係九十八、九十九」成哥指著我和啊烈

「而我以後就會用佢嘅身份生活落去！！哈哈哈」成哥大笑起來





「咁點解要揀啊武？」啊烈問他

「佢？佢係身體質素好，後生！簡直係完美！」成哥放下啊武

啊武掉到地上，不斷的咳嗽

成哥走近啊烈

「我就殺你，如果唔係你咁聰明，發現有問題，可能我都會同你地玩多陣」成哥一步一步逼近啊烈，啊烈被火圈圍著，無路可逃

成哥捉住啊烈，把他推到牆邊，然後張開嘴巴吸食啊烈的陽氣，啊烈不斷反抗，用腳踢成哥，但成哥完全沒反應，反而吸食得更快，啊烈的臉色亦開始變得蒼白

「你...係火..鬼！」啊烈靈光一閃

「係又點啊」成哥問他





「係...就得啦！ 」啊烈用手把消防感應弄響，天花的灑水系統馬上開啟了

水灑在成哥身上馬上會被揮發冒煙，他擺出痛苦的表情，手鬆開了，啊烈掉到地上

「果然...火係怕水」啊烈坐在地上笑說

「你....啊！！！」成哥將整個身都燃燒起來，衝向啊烈

突然一身影飛來！

一腳把成哥踢開了

「區區烈鬼，搞風搞雨」一臉冷酷的一個大叔，身穿唐裝，留著八字鬚，綁著一條小辮





「關你咩事啊？！」成哥大叫

「有人請我嚟收你，咁你話關唔關我事？」大叔在工具袋拿出木製的劍

「死道士！多管閒事！」成哥撲向大叔

卻被大叔跳起一腳踢向牆上

「小鬼一隻，以為自己好惡？」大叔一劍刺心臟

「你....」成哥好快就化為灰燼

大叔轉身望向我們三人，扶起了啊武，然後在啊烈身上貼了一道符紙

「你比佢吸咗唔少陽氣， 依張符可以暫時幫你回復陽氣，依排你要曬多啲太陽，早啲休息」大叔跟啊烈說





最後他走到我身邊，檢查我的情況，這時我也醒來，但視線卻十分朦朧，只看到面前有個人，但連五官都看不清

「你都冇咩事，比人打暈姐，休息一兩日冇事」說完後他就離開了地牢

他去到校長室門外

叩！叩！

「已經處理」大叔打開門，並坐下來

「咁就好啦....終於搞掂啦」校長說上支票給大叔

「終於？」大叔疑惑的看著校長





「係咁嘅，其實我知有依隻野好耐㗎啦，係上一任校長話我知，個陣我仲係訓導主任，佢話學校嘅董事唔想被家長知學校有鬼，驚影響校譽，寧願當咩事都冇.....今次都係我私下搵你嚟驅鬼」

「......」

「咁多年嚟死咗幾多學生？」大叔問校長

「十幾個㗎啦....」校長低下頭說

大叔起身，一拳打在校長身上

「啊.....你做咩啊？」校長從電腦椅上掉下

「依一拳係為死咗個十幾個學生打，不過你會搵我捉鬼都仲算有啲人性」大叔轉頭離開