［打鬥/靈幻/鬼怪］《輪迴。道》/《噬魂》我由古惑仔變咗做現代道士: 128

「我地唔係應該係二樓咋咩......」啊武問

化學室是位於學校的五樓，我們剛剛頂多跑了兩層，怎麼我們會在五樓....

「真係咁邪？」理性的啊烈都被嚇到了

「唔好理啦，跑啦！」我推他們跑走

但無論我們往上往下跑多少層樓梯，依然停留在五樓，離不開這一層





「喂....玩啲咁嘅野」啊烈坐在樓梯說

「咁跑法，唔係辦法喎...」我也坐下

「屌！我地入去啦」啊武說

「入去？」我被啊武的提議嚇到了

「你都話係火場同醫院見過佢，你依家咪又係冇穿冇爛企係到，可能佢冇惡意㗎呢」啊武的話好像很有道理





「咁...返轉頭？」我問

「嗯，一齊行啦」啊烈認同啊武的話

我們站起來，走近化學室

到了門前

「準備好未？」啊烈用手捉著門柄





我跟啊武點頭

啊烈推門進去，我們緊隨其後

化學課的景象令我們三人看得目瞪口呆

內裏的畫面不是化學室，是一間木屋，屋內設備十分簡陋，只有一張木摺枱，一張木椅，一張帆布床，床上躺著一個瘦弱的男人，應該是長期病人

而屋內正被猛烈的火焚燒著，彷似煉獄一樣，那男人身上有多處都已經被燒至焦黑

門外不停傳來嘈吵聲和腳步聲，應該是逃跑聲

「啊！！救...命啊！！」他力竭聲嘶的叫著，應該是他最後的力氣了

啊武想衝上前，被我和啊烈攔住了





「你做咩啊？」啊烈問他

「救人囉！」啊武繼續想衝，但依然被我們攔坐住

「你唔好咁衝動住先，幻象嚟㗎！依到係學校化學室，唔會有木屋」我理性的跟他說

啊武聽到後才慢慢停下來

「依個應該係佢生前嘅景像」啊烈推斷

「應該就係啦...」我點頭

慢慢那男人全身都被火吞噬了，呼叫聲由響亮變得淒厲再漸漸變得虛弱，直至...停了





身體亦沒有像剛剛的抖動，烈火將他的身軀變成焦炭

「活生生燒死.....」啊武不忍直視，低下了頭

「你有野想同我地講？係咪有野要我地幫？」我大聲的問

瞬間眼前的幻象變回化學室的模樣，是火災過後的化學室，殘破不堪， 被燒黑的椅桌散落周地，都處都是水漬，是消防員救火的證明

那焦黑的男人突然從牆內走出來

把我們三人嚇得後退幾步

「hello~」又是這一句....上次在醫院把我嚇到半死

「hel...lo 」啊武口震震的說





「你地唔洗咁驚嘅～我唔會害你地，我係有事想你地幫我」那男人說

「你....我地有咩可以幫你？」啊烈也有點口窒

感覺已被他嚇了很多次，開始沒那麼恐怖了

「我想你地幫我去地牢，唔該你地啊」男人懇求我們

「地牢？去地牢做咩？」啊烈疑惑地問他

「我副骨仲係你地嘅學校下面，當年政府啲人將我副骨隨便咁埋咗，搞到我一直投唔到胎，難得有人見到我，所以我咪搵你地幫手囉」那男人慨嘆地說

「佢咁慘，咁我地幫下佢啦」啊武說





「唔驚啦咩？頭先跳得最遠係你」啊烈挖苦啊武

「咁...咩姐！係人都驚鬼㗎啦！」啊武大聲的說

「仲話最好打，咁膽細到咁」啊烈沒有停止挖苦啊武

「好打唔可以驚㗎咩？！」啊武回嘴

「好啦，唔好嘈啦，又話幫人」我阻止了他們的對話

「係，返重點先」啊烈說

「咁你想我地依家幫你去學校地牢挖返副骨出嚟？」我問男人

「嗯！唔該你地啊！」男人合十雙手

「好！咁我地依家行啦！」啊武拉著我們走出化學室

「慢慢行啦，行咁急一陣比啲啊sir miss捉住我地就麻煩」啊烈說

「你又有道理喎」啊武認同啊烈的說法