［打鬥/靈幻/鬼怪］《輪迴。道》/《噬魂》我由古惑仔變咗做現代道士: 96

「九叔！你係咪知佢係邊個？！我記唔起啊」不知為何眼淚從我的眼框湧出，她是很重要的人嗎？！為何我會不記得她....

「啊航，你冷靜啲先，我都唔知點解你會唔記得，但依一刻我覺得你需要知道，我唔想你同啊晞再發展落去之後先至記起佢，到時你就一定陷入兩難」

「佢係邊個.....？」

「葉靈」九叔道出一名字

「上次我受傷醒返你地都講過依個名.....佢就係我唔記得嘅嗰個人？」





「嗯」九叔點頭

「葉靈...」這個名有一種莫名的親切感，但就說不出為什麼

「你之前做嘅所以野都係為咗幫佢，你地嘅緣份起於佢比段一凡推落樓嗰一刻開始」

「推落樓...？！」

腦海裡突然閃過一段畫面，是葉靈在我面前墜下的畫面.....





「多謝...你」

「要多謝我就等你好返請我食餐飯啦～」

「你叫...咩名」

「我叫陳天航啊，你呢？」

「我叫葉..靈」





我記起了.....全都...記起...

「靈....」我跪在地上，雙手撐地，眼淚一滴一滴的滴在地上

九叔手放在我的後背

「我點可以唔記得佢.....點會咁...」我接受不到自己竟然把葉靈戇了

「天意，唔係你想，佢都會想你好好生活落去」九叔安慰我

「.......」我已說不出話

「航...你今晚要好好諗清楚」九叔拍拍我就回房間

我坐回沙發上，整個人都呆了，大腦有點處理不了





「靈...晞...唉..」我的思緒變得更加凌亂

........

一個寂靜的夜過去

翌日清晨

「嘩！？𡃁仔你成晚坐係到？」英叔從房間出來

「嗯」我點頭示意

「搞咩啊你，有教都唔瞓」英叔拿著水坐到沙發上





「琴晚...我記返起葉靈」

英叔把口中的水噴出

「下？！咁突然！」英叔十分驚訝

「係...」我手裡拿著王奇的電話

「咁你決定咗？」英叔問我

「嗯，一陣過去同夢晞講」

「好，自己諗清楚就得啦」

我沒回答





梳洗一下後我就過去找夢晞了

我敲響大門

「嘩！你個樣咁攰嘅？！」夢晞看到我憔悴的樣子後嚇了一跳

「琴晚冇瞓教」

「做咩啊你！真係啊！攰到咁做咩唔瞓啊？！」夢晞雙手叉腰

「我有啲野想同你講」我在袋中拿出電話

「呃.....咁嚴肅嘅，咩事啊」夢晞呆一呆





我把手上的電話交給夢晞

「依部電話...」

「王奇嘅電話」

「下？！點解你會拎到佢部電話？！你.....搵到佢？」夢晞緊張的問

「算係...搵到啦」我又確實算是找到了他

「佢點啊？」

我搖頭

「......」夢晞的眼泛紅

「手機入面有佢寫比你嘅野，你睇下先」

夢晞打開手機，看到了王奇死前寫給她的信，她由流淚變成了坐在地上痛哭

「佢都唔想離開你地，只係佢冇得揀」我上前坐在她旁邊

「點解....點解唔同我講清楚」夢晞問我

「唔知，但我相信佢咁做一定有佢嘅原因」

「我係咪怪錯咗佢....」

「有冇怪錯就要交返比你自己諗啦」

「我第日可以同BB講佢唔係冇爸爸，而係爸爸好英勇咁離開咗我地」夢晞轉哭為笑

「笑返咪好囉，再喊就唔靚㗎啦」

「冇可能，我點都係咁靚」

「嘩，幾時變得咁自戀㗎？！」我看著她

「我都係跟你學㗎咋～」她笑著說

「冇可能」

「咩冇可能啊！你成日都超自戀囉」

「話說...琴晚我記返起之前啲野」我垂下頭說

「呃.....記返起葉靈？」

「嗯」我點頭

「都估到你有一日會記起㗎啦...」夢晞一臉哀愁

「.....」我不知怎回答她

「咁啦，我地比啲時間大家冷靜下先啦」夢晞站起來說

我坐在地上看著她

「做咩啊，依家你同我心裡面都好糾結㗎啦，咁不如比大家冷靜下先再講」這一刻她莫名的冷靜

「好啊...」我也站起來

「咁...我返入去先啦」夢晞指一指家門，然後轉身

「等陣！」我上前把住她

「做咩啊？」她被我嚇一跳

「多謝你」我緊抱著她

她也抱著我

「我都多謝你」她也向我道謝

之後我們就各自回到家中

「講咗啦？」英叔見我回來就問我

「嗯」

「點啊？」英叔追問

「冇咩點嘅...比啲時間大家」我回答

「都好嘅」英叔點頭

「不過𡃁仔...𡃁妹都走咗啦，係時候放低㗎啦」

「我要啲時間....」