［打鬥/靈幻/鬼怪］《輪迴。道》/《噬魂》我由古惑仔變咗做現代道士: 90

「依幅牆應該係薄少少，敲落去啲聲有少少唔同」英叔敲打牆壁

「的確係薄過其他嘅牆，但我地咁簡單就搵到，冇理由佢地會搵唔到」九叔提出疑點

「會唔會真係佢地發現唔到呢」我問

九叔無視了我，走近牆壁

「會唔會佢發現咗入面有唔妥？」英叔說出想法





「我都係咁諗」九叔用力敲打牆

突然那牆內傳出沉重的撞擊

「嗯.....唔係我錯覺啊呵，你地聽到？」我馬上問

「我聽到」英叔回答

九叔也點頭表示聽到，他再次用力敲打牆壁，內裡的撞擊聲亦再一次響起





「入面...有野撞牆？」

「應該就係啦...」

「入面會係咩嚟？」

「唔知」

九叔在牆上不同的位置不停拍打，牆內亦不斷傳來撞擊聲，直至傳出一種聲我們才確定裡面的是什麼





是巨蠍的高頻叫聲

「牆入面有巨蠍？！」我感到驚訝

「如無意外....係」九叔點頭

「咁王奇會唔會就係因為知道裡面嘅係巨蠍，而又知自己對付唔到，所以先....」我說出一個可能性

「唔出奇，可能個陣佢已經受咗傷，所以冇信心對付隻野」九叔也認同我的想法

「咁你地有冇信心？」九叔回頭看著我和英叔

「有！」我回答

「都冇得冇㗎啦」英叔握緊斷弓，準備就緒





「好，咁退後啲」九叔在衣袋拿出爆破符

把符貼在石壁上，然後自己也退後兩步

「破！」

符紙爆破，牆亦隨即被炸開了一個洞

當煙霧散去後，牆後的事物變得清晰可見，結果可算是我們猜對了，又可說是猜錯了

撞擊聲的確是來自巨蠍，但牆後不止一隻巨蠍！！有些應該不可算是巨蠍

體形有大有小，有一隻比剛剛遇到的更大，有比較小一點的，亦有迷你版的，牠們隨著破洞洶湧而出





「嘩！同想像唔同喎！！」英叔往後跳一步，踩死了一隻迷你版的鬼蠍

「冇辦法！都炸開咗，頂硬上」九叔亦在不斷踩死湧來的鬼蠍

「個隻....點搞」我指著最大的那隻鬼蠍

「個慢慢先搞佢，搞掂其他個啲先」九叔低頭避開了一隻鬼蠍的攻擊

隨著鬼蠍的湧上，我跟九叔他們也分散了，各自各的對付鬼蠍，慶幸的是，在我周圍的都是體形比較小的鬼蠍，我勉強都能應付得到


迷你版的鬼蠍基本上都可以用腳踩至粉碎

一隻較大的鬼蠍向我揮鉗，我用彎刀擋住，擦出了火花，牠正想揮動一隻鉗時，我鑽到牠的肚下





發現牠肚下的外殼比較軟弱，沒其他地方的堅硬！

我躺在地上，用彎刀插入牠肚皮，雙腳屈膝，用力撐地，捉著彎刀整個人在地上滑行，成功劏開鬼蠍的肚皮，牠的內臟瞬間傾瀉而出，我及時起身，避免了滿身髒物

「佢地個肚係弱點啊！」我大聲提示九叔他們