［打鬥/靈幻/鬼怪］《輪迴。道》/《噬魂》我由古惑仔變咗做現代道士: 68

「係你....」九叔驚訝得目瞪口呆

「點會啊....」英叔也是這表情

「佢係...邊個？」我問

這男人身材魁梧，氣場有一種令人窒息的感覺，背後好像有數萬人在哀號吶喊一樣，他的眼神看上去充滿了邪氣和怨念

「有新面孔，我自我介紹先，我叫莫盡」





「.....莫盡」他不是在多年前死了嗎.....

「個血陣....」九叔想到原因

「幾聰明啊，不過只係啱咗一半」莫盡說

「你成個人唔同咗，究竟係咩事，你係人定鬼」九叔盯著莫盡

「點解你仲會咁後生...」英叔問





「問題有啲多，我逐個嚟，第一，我唔係人又唔係鬼，第二，我外表停留咗係當年消失個日，至於係咩事就比較複雜」

「當年我同你地打個陣，一早預咗自己會死，而我會畫嗰個血陣就係唔想比南陽派拎到我條屍，佢地一直等緊我死，只要我一死，佢地就會拎我條屍去煉，以我嘅功力一定會煉成屍王或者妖屍，咁到時就一定生靈塗炭，所以我先所有功力傳曬比你」他指著九叔

「你講到咁清高，依家又幫殭屍做野？」英叔嘲諷他

「唔同～煉成屍係比人控制，依家咁樣係我自己選擇，你地唔會明～」

「點解佢同你地所講雙目無神有啲出入？佢依家成身邪氣」我偷偷問九叔





「小朋友，你可以大聲啲問我㗎」莫盡笑說

「......」

「我之前會雙目無神係因為我一早應該死咗，條命係借返嚟，依家嘅我已經死咗，唔需要再借命，同埋如果你好似我咁幾十年都留係冥界，都會成身邪氣，或者會比我更邪」莫盡解釋

「你係點走出冥界」九叔舉起劍指向莫盡

「能力夠大就得㗎啦，墜入冥界之後不斷比怨靈惡鬼穿過我身，佢地每穿過一次，都會殘留一啲能量，依幾十年儲儲埋埋，都足以我出返嚟啦」

「你捉咗葉靈去邊？！」我問

「喔？個𡃁妹係你邊個啊」莫盡看著我

「佢....佢係我一個好重要嘅人！」我說





「咁你又知唔知佢係咩人啊？」莫盡問我，一定是有點內情....

「有咩你就講！唔好係到扮曬野」

「年輕人，唔好咁急躁」莫盡的笑容令人心寒

「葉靈係東道派嘅人」九叔在我背後說出令我驚訝的事

「九叔...你講咩啊？」我回頭望向九叔

「你一直都留意唔到？每個門派都有一個固定姓氏同埋兩個字，我地北門係張，西樓係王，南陽係莫，而東道就係葉，而我幫葉靈睇身世個陣已經感覺到佢係學道之人，只係我唔肯定所以冇出聲」九叔說

「就算係學道之人咁又點啊」我問莫盡





「哈～學道之人梗係冇問題啦，問題在於佢係我手下～」莫盡說

「冇可能！靈點會係依啲人」我不敢相信

「但事實上佢係喎」莫盡再次確認

「咁點解你又殺佢！」我情緒開始激動起來

「嗱，嚴格嚟講，係段一凡殺佢，只不過係我命令佢咁做嘅」

「我問點解啊！！」

「葉靈係東道嘅人，點佢會幫你做野」九叔行前用手攔住我，看似是怕我會突然衝前

「個陣我啱啱走出冥界，去曬四派嘅道觀到睇下，第一站梗係你嘅北門派啦，想睇下你有冇辜負我比你嘅功力，點知就發現你地北門已經接近滅派咁滯，南陽同西樓就冇咩點變，而去到東道個陣見到有個𡃁妹比同門師姐蝦緊，我就帶走咗佢，將佢養大，教佢道術，一直跟係我身邊，但佢突然有一日同我講唔想再做依啲野喎，我唔會擺唔忠心嘅人係身邊，而佢又知道我咁多野，咪叫段一凡殺咗佢，點知段一凡廢成咁～唉，唯有我自己出手捉返佢啦」