［打鬥/靈幻/鬼怪］《輪迴。道》/《噬魂》我由古惑仔變咗做現代道士: 63

他在那正方形中不斷的掙扎和啃咬，但全沒作用，那正方形絲毫無損

「九....九叔...咩事啊？你整㗎？」我完全不知道發生什麼了

「唔係....」九叔搖頭

我望向英叔

「唔好望我啊，我都唔知咩事」英叔亦不知什麼情況





這時，從旁邊的牆後傳來一把陌生的聲音

「估唔到會遇到北門派嘅人，返去要同師父講先得」聲音的主人是一個戴著口罩的男子，約莫二十多歲，年紀應該跟我相若，身穿純黑長袍，留著長髮，綁了一條馬尾

「你係？」九叔問他

「我叫萬十方」

「你係咩人？點知我地係北門？」九叔繼續問他





「東道係全女教，西樓嘅人功力冇咁高，南陽班人唔會做依啲野，咁就得返南門啦」他解釋道

「聰明」九叔少有的讚人

「多謝」萬十方點一點頭，雖然他帶着口罩，但是也能看得出他笑了一下

「個舊咩嚟㗎？」英叔插嘴，問了我們仨也想問的問題

「結界」萬十方回答





「結界？！咁樣㗎咩？」英叔非常好奇的走到困全熾嬰的結界前，向結界敲打，被困住的熾嬰不斷在內咆哮

「幾硬淨喎」英叔回過頭說

「依個係小弟自己研創出嚟嘅道術，將原先道術入面嘅結界改善，操控到想要嘅大細，就可以捉住、殲滅或者保護一樣野」他解釋他的結界

「自創？年紀輕輕功力唔錯，你師父係？」九叔問

「可能你地遲啲會有機會見面嘅」語畢，他就轉身離去

「喂！咁舊野點啊？！」英叔大叫

「係喎，差啲唔記得咗添」萬十方沒回頭，只是舉起手彈拍一下

嘭！





一聲爆炸聲，結界爆炸了，熾嬰直接被爆得灰飛煙滅，一點都不剩

「嘩....好犀利」我整個人都呆了

「你努力啲你都得」九叔說完就上樓

「我都想啊」我亦跟在其後

就這樣食嬰靈的事情暫告一段落，九叔他們也很好奇為什麼食嬰靈會變種，但這就是後話了

「點解近排好似咁多事咁㗎」我累得大字形的攤在沙發

「遇到你之後就咁」九叔又是回到他的搖椅上





「下....」我看著九叔

「講笑」九叔閉著眼

「.....」九叔真的不太適合做說笑的角色

「九啊，咁你依廿幾年都係自己一個搞掂？」英叔問

「嗯」九叔點頭

「嘩....咁都幾辛苦」我說

「咁你努力啲學野，咁咪幫到我手」九叔說

「好！我會」我肯定的說





「但話說，啱啱個𡃁仔唔簡單」英叔半身趴在桌上

「好想學佢個結界，噠一下就殺到隻熾嬰」我興奮的說

「主要係靈力操控，但需求好高，唔係咁易，嗰個萬十方應該係天生靈力高嘅人」九叔說

「咁即係我有排都未學到啦....」我失望的說

「個招人地嘅自創招，你邊有咁易學」九叔再加一刀

「咁你得唔得啊！！」我本來是打算鬥氣的問九叔

但九叔突然一彈指，一個小小的正方形憑空出現我面前...





「下....你咁快學識嘅」我完全不敢相信

「你練好啲靈力你都得㗎」九叔起身

英叔也跟著彈指

「喂！我都唔得喎！！」英叔不停的彈指，但也沒任何反應

「呵～你廢」九叔打著呵欠，回到房中

「唉～可能我太攰先唔得㗎姐！瞓醒再試過！早抖」英叔也回到房間

我原本沒有太累，所以打算坐在沙發上休息一會就算，但一坐下來就突然睡意來襲，直入夢鄉

我張開眼睛，看到一個身影，是葉靈！！

「靈！你終於返咗嚟啦？！」我激動的上前捉著她